Poemata

[p. 217]

Ad Nobilissimum Virum Gerardvm Thibavtivm artis gladiatoriae Principem.

PYthius à citharâ, laudatur ab aegide Pallas.

Claruit ob pharetras Delia, Castor equos.

Cestibus eminuit Pollux, Mars belliger hasta.

Clarus Olympiacis est Lycus in stadijs.

Est celebris temone Pelops, peltisque Camilla,

Arcu Phillyrides, cursibus Hippomenes.

Armat dente minax Neptunum fuscina, clava

Amphitryoniadem, fulmina saeva Iovem

Laus sua cuique hominum, sit laus sua cuiq́ue Deorum,

Laus tua, Thibauti, doctior ensis erit.