Van Dirck die III, ende die IIII grave van Hollant ende Zeelant.
Dat V capittel.
Dirc die III van dyer namen worde na sijns vaders doot de IIII graef van Hollandt ende Zeelandt. Dese begheerde mede homagye ende huldinghe van den West-Vriesen, mer si hebbent hem gheweygert. Waerom dat hij tot een ander ende bequamer tijt dat simuleerde ende veynsde sijn toerne ende wraeck van sijns vaders doot te doen. Hij nam te wive terwylen sijn vader noch leefde Wittilhiden of Utilhaden ghenoemt, hertoghe Otten dochter van Sassen, ende keiser van Romen die anderde van dier namen. Diewelcke dochter hij gewonnen hadde bi zijn anderde wijf, des marcgraven dochter van Oestenrijc, dat doe ter tijt noch geen hertoechdom en was. Ende bi dit wijf wan dese graef II zonen, dye eerste was geheten Dirc, ende worde grave na sinen vader, die ander zoen hiete Florijs, ende was grave in Oest-Vrieslant, ende na sijns broeders doot oec grave van Hollandt.
Auteursrechtelijk beschermd