Zeeuwsche Nachtegael en bijgevoegd Tafereel van sinne-mal

Aen-Spraecke tot Alle onghesleepen Luyden.

GHy, die de Slyper hebt verstaen
Meught nu vry vveder henen gaen;
En houden al zijn bly gherel
Voor enckel jock, en boertigh spel:
Al hoortmen somtijts strijck-ghetier,
Het is maer rechte Slypers svvier,
VVant, als de steen heel lanssum gaet
Dan houd' zijn keeltje, lange-maet
En singt halff hard', halff hoog, halff laegh,
Halff licht, halff svvaer, halff soet, halff traegh,

[p. 335]

 

Tot dat zijn mondt niet meer en gleept

 

Die, pronckers deur de mostaert sleept,

 

Off hier een floor, off daer een sloeff,

 

Off erghens, noch een slimmen-boeff

15

Die, desen draeyer schiet mer speck;

 

(Doch letmer op) 't is maer uyt geck.

 

Dan, onder jocken schuylt vvel yet

 

Dat meer beduydet, als een niet:

 

VVeest dan eylieve, niet verstoordt

20

Als ghy de ronde waerheydt hoordt.

 

Denckt, off een Maeght, off vvijff, off man,

 

VVel, sonder op-spraeck leven can?

 

(Ghelijck, in yders VVeder-liedt

 

Een soete teghen-sang gheschiedt.)

25

VVel aen dan, goede luyster-luy

 

En stoot u aen geen Slypers buy;

 

Off, soo daer yemant is misdaen

 

Mach 't inde beste Vouwe slaen.

 

VVaer vind'men dan de beste Vouw

30

Die, alle dinck vergoeden souvv?

 

Men speurt somvvijlen nu, en dan,

 

Dat onvveet, yet verschoonen can;

 

Maer, duyden meer het goet in quaet,

 

En Vouvven buyten redens-maet:

35

Daeromme vvijstmen sulcke lien

 

Daer slechte Vouwen zijn te sien.

 

VVie dan, geen slechte-vouvv bevatt

 

Besiet, en keer dit selve bladt.

 

Ick soeck en vin.