Wrake van Ragisel (1980)

Wrake van Ragisel

(1980)–Anoniem Wrake van Ragisel, Die– rechtenstatus

Auteursrechtelijk beschermd


[Wrake van Ragisel]
[Folio Aar]
1[regelnummer] din hi gereet vant ende trac op die valbrucge datse enen cloep jegen die starke porte gaf datter en groet spaen viel af 5[regelnummer] dat doende jnden casteel die van binnen worden en deel jn vare die horden desen slah die ridder liep vt ende sah heren. walewaine. gewapent staen 10[regelnummer] doe woude hi weten sonder waen datsi alle verraden waren hi riep gaet vt sonder sparen wapent v want ic verraden ben her walewain. waent dat hi hem 15[regelnummer] meer haet dan enegen man die left ende hi weet oec wel dat hi heft die jonvrowe lief vor alle die leuen ende sorgt dat hine sal begeuen ende af gaen nv te derre noet 20[regelnummer] ende dadijt oec so wari doet [D]je suarte riddre waende wel wesen verraden sin ende es binnen desen gewapent. ende vt comen met geninde doe irst hi den ridder kinde 25[regelnummer] ouer sinen gerehten here doe wart hi van al sinen sere vtermaten wel genesen ende hietene willecome wesen ende voer an hem al met spele 30[regelnummer] done die here vanden castele aldus willecome hiet sin wart hi verblijt en luttelkin [D]oe sprac die ridder om ene sake hebbic sere tongemake 35[regelnummer] gewest sint dat ic v listen sah dat ic v nine dede gewah te vragene welc v name ware jc mesgreep mi oppenbare ende dede sodheit mar segt mi nv 40[regelnummer] vwen name here des biddic v alse her walewain. dit horde sorgt hi dat met enen worde die vrinscap sal jnden dar want hi heftene meneh jar 45[regelnummer] gehaedt. ja meer dan toter doet ende die jonvrowe van galistroet heft hi oec banderside gemint vor alle vrowen die hi kint die jegen hem dar buten lah 50[regelnummer] vele te meer hijt nv ontsah nohtan penst hi wast gescie jne logende mins namen nie no nv en sal dor en geen verdriet her ridder segt hi en sciet 55[regelnummer] noit man van mi ter gere stat die mi vragde ohte bat om minen name jne seiden hem ende jne wart noit no nv en ben van minen name oec so milde 60[regelnummer] dat ickene jmanne secgen wilde mine weser tirsten om gebeden riddre dits een van minen seden ende sal sin den dah dat ic leue jc hete walewain. ende ben neue 65[regelnummer] s .coninc. arturs. alse dit verstoet die ridder spranc hi enen voet vander erden hi was so blide here seit hi bi onsen tide en gescide noit ridder dat merkic nv 70[regelnummer] sconre auenture dane mi ende v mar sider dat ic van v sciet sone constic verhogen niet jn en gerewijs jc secgv tui jc hadde groten anx dat mi 75[regelnummer] eneh riddre van cranken loue verwonnen hadde telken houe. darment vername hir jnt lant so waric embermer gescant mar al hebdi mi verwonnen 80[regelnummer] men salt mi niet gelahtren connen want gi sijt sekerlike die beste ridder van al erterike bi v en verlisic niet min ere des willic gode onsen here 85[regelnummer] gerne danken al mine dage here nv sijt blide. want al lage aldie werelt nv hir vore also barade mi god ic core eer v gescide te grote noet 90[regelnummer] datmen mi vor v hir sloge doet god lonv dits mi wel bequame nv soudic gerne oec vwen name weten. also helpe mi god dat si maurus die suarte ridder heetmen mi 95[regelnummer] [D]oe sprac min her. walewain. her maurus men soudv vilajn scelden gine stont mi jn staden daric ben dus sere verladen want gijt sculdeh sijt tedone 100[regelnummer] doe antwerde die ridder cone here hoe soet met mi vergeet jc ende min volc wi sin gereet tuwen dinste wat soes gesciet nv segt mi ende en heles niet 105[regelnummer] war gi seder hebt gewesen ende beriht mi oec van desen die sin hir buten wat si soken om hen en darf v niewent roken ende wanen brincdi terre stont 110[regelnummer] desen ridder. es hi gewont neen hi niet hi es min broder mins vader kint ende mire moder die met onrehte was gevaen doe begondi ane slaen 115[regelnummer] ende vertelde hem vten gronde hoe hi gevaren hadde van dir stonde dat hi jnt bosh van hem sciet jc verseit v mar en holpe niet en es oec en geen reht dat wetic wale 120[regelnummer] tuewarf te secgene ene tale [A]lse her walewain. sine auenture die hem worden was te sure den suarten ridder hadde vertelt sprac hi her walewain. here gi selt 125[regelnummer] hir binnen sin behoudenlike also helpe mi god van hemelrike v. es gereet min hulpe min raet hoe soet mi darna vergaet gi mogt wel ouer mi dar na gebieden 130[regelnummer] doe hiet die ridder al sinen liden datse hen ten mure daden si gingen sonder lanc beraden opten mur jn allen sinen met haren wapenen die van binnen 135[regelnummer] ende gereiden hen ter were jegen der jonvrowen here [T]vinteh ridder starc ende stout te sinen dinste ende tsire gewout hadde dese ridder jn allen tijt 140[regelnummer] met hem; die jeste ende strijt ende orloge ende een wih sohten war dat sijt gevreischen mohten dese .xx. hebben hen doen wapen ende hare sarjante ende hare knapen 145[regelnummer] ende sin comen opten mur ende sagen buten menegen gebur die gerne den casteel souden winnen nohtan waren die van binnen stout ende alle jn enen wille 150[regelnummer] die van buten en lagen niet stille mar si sin comen met groter craht al scitende tote op die graht ende die van binnen scoten weder ende binnen desen so waser neder 155[regelnummer] van stouten riddren ende van jongen en groet deel jnde graht gesprongen om te climmene toten mure mar si besohten auenture die hen te suar was ende te groet 160[regelnummer] want men stac men warp men scoet op hen so sere. dor die noet dat die riddre van galistroet keren mosten vter graht ende binnen desen heftmen braht 165[regelnummer] die vrowe dar ter seluer stat doe sise te gadre sah si bat datmen striest begaue tes si den suarten borhgraue gesprake. men doe sijt geboet 170[regelnummer] doe hiet die vrowe van galistroet eischen den borhgraue. ende hi quam
[Folio v]
opten mur dar hi vernam dat banderside die vrowe stuet hi sprac die stout was ende guet 175[regelnummer] ende ouermodeh ende fir sect mi vrowe wat dodi hir met sulker here craht vor mine borh ende hebt braht al v volc. doe sprac die vrowe 180[regelnummer] ridder ic manv selp v trouwe ende bi manscape die gi mi sijt sculdeh. dat gi te derre tijt walewain. mi leuert. ohte dan neen jc sal vwe veste ende vwen steen 185[regelnummer] slihten. ende v ende hem verdoen also mote mi genade doen Tenlisten onse here god die ridder sprac v tale es sod ende houerdeh vtermaten 190[regelnummer] darombe moti ahter laten te done dis gi v vermet jc wille oec dat gijt wale weet heren. walewain. en wert v niet ridder so sal v groet verdriet 195[regelnummer] dar af comen dat wet wale want ic sect v sonder hale van desen velde en keric meer jne sal. v borh hebben eer gesliht. bi gode van hemelrike 200[regelnummer] die ridder antwerde cortelike dits algader dat gi mogt eric. walewain. die grote dogt bi betrout. die valsheit dade dat icken gaue in v genade 205[regelnummer] jc core eer datmen vt stake min ogen beide. met derre sprake es die vrowe van hem gesceden ende geboet datmen gereiden dade. mangen ende pedriren 210[regelnummer] ende men visirde jn wat maniren datmen die borh gewonne irst die heren die alre geerst waren vander jonvrowen here om gingen den mur herentere 215[regelnummer] ende sagen wart hen dohte nutlics wesen datmen mohte mangen ende pedriren rihten ende cortelicst den mur geslihten met desen hebben si gewaht 220[regelnummer] tere stede war die graht was ondieps ende die mur oec cranx die vrowe ende hare volc sin suoren datse nembermer en voren vanden velde tuint no deel 225[regelnummer] sine souden eer hebben den casteel gesliht. ende heren. walewain. gevaen doe sprac die vrowe hets wel gedaen datmense belihge tere stat die heren spraken men mohte niet bat 230[regelnummer] stellen dan reht hiren jegen doe des ouer een gedregen dedemen tembermanne gude comen. die met groten spude die antsine gingen stellen 235[regelnummer] dar si den mur met souden vellen bliden. mangen. ende pedriren antsine menegertiren ende enen casteel op vir sciuen lopende. diemen mohte driuen 240[regelnummer] vort ende weder ende af ende an hebben gemact die timberman marsi timberden ende wrahten vif dage. ende vif nahte eer sijt volbraten wel te ponte. ende na sin reht 245[regelnummer] dat werc. ende dar toe ontboet men eht die beste scuttre vanden lande darmen den castel met mande dar op vter sciuen geet doe hi gemact was ende gereet 250[regelnummer] ende dar buten op dat velt hare werc te ponte was gestelt done was geen langer viren met dede jnt here crijren datmen assaut hebben soude 255[regelnummer] ende men des anders dags woude besuken die van binnen degene die gerne souden winnen pris ende ere die waren blide ende gereiden hen ten stride 260[regelnummer] ende die van binnen banderside si gingen ten mure in allen tide ende waren ember op hare hude dar ane dadense alse die vrude [D]at walsh doet ons verstaen 265[regelnummer] datter vrowen onderdaen was therdeel van jngelant hare rijcheit ende hare lant ende hare mogentheit was groet ende dat al behorde te galistroet 270[regelnummer] was hir nv comen metter vrowen oec hadse dis mogdi mi getrouwen ontboden man ende mage so datter was te desen dage versament meneh moderbaren 275[regelnummer] die alle vroe ende blide waren dor datse die borh suken souden beide die jonge metten ouden daden hen wapenen sonder sparen ende dosi alle gewapent waren 280[regelnummer] ende die vrowe van galistroet dat here so scone sah ende so groet wart si jn hogen ende blide die van buten sohten met nide tote vore die porte die van binnen 285[regelnummer] ende men ginc jn allen sinnen jn wert werpen grote stene al was die menege binnen clene jdoh werdensi hen ten mure so wel dat sere wart te sure 290[regelnummer] den andren want sise nine verdrogen jc secgv dat sire menegen slogen die toten mure geclommen was dat hijs nembermer en genas si gingen houwen ende slaen 295[regelnummer] ende her walewain. heft hem gedaen dar alre starcst was die wih hi sloger sulken die dor pris op was geclommen. dat hi weder wintelde al die graht neder. 300[regelnummer] want hi geracten metten suerde dien dedi tumelen sonder houerde jnden bodem vander graht jc secgv dat her walewain. vaht so wel ende so ridderlike 305[regelnummer] dat nieman dar en was sin gelike ende sine alle ontsagen soe dat elc blide was ende vroe wie dat hi hem die graht gerumde jc secgv dat dar meneh cuemde 310[regelnummer] eer hi neder quam te gronde dat hi bejagde sulke wonde sine wart hem heel jn .xl. dagen nine hadmen hem van andren slagen gedint. hi hadde gnoh mesfaren 315[regelnummer] alle degene die comen waren jnde graht die demen keren te haren lahtre ende tharen onneren [A]lse die van buten hadden gedaen dit pongis dat hem vergaen 320[regelnummer] was te lahtre ende tonneren die daden manen die meste heren van alden here van galistroet tue saten die scone waren ende groet ende hebbense toten mure braht 325[regelnummer] ende dar stont neuen op die graht die casteel die was gewraht op vir sciuen dar op lagen degene die te scitene plagen si scoten jnwert hare gescihte 330[regelnummer] so datse vlogen so gedihte oht waren hagelstene dese scuttren allene heft die van binnen meer verladen dan alle dander antsine daden 335[regelnummer] want si bescermden hare gesellen so wel dat si begonsten vellen ende af werpen ende te storen dat hordijs dat dar tevoren die van binnen hadden gemact 340[regelnummer] ene mange groet ende wel geract die binnen dire vesten stoet dar en meester wijs ende vroet
[Folio Abr]
geselle so latix v gewouden en ware en trouwen jne weet 345[regelnummer] wient vromen sal eest v dus heet die vehtinge jaet. ende jne sal hebdi geual of ongeval v. helpen niet van enen caue gine connes oec niet comen aue 350[regelnummer] broder sprac her gariet bi gode ende bi mire weet jne onderwijns mi hedeme wert v wale wert v wee gi sult oec vehten sonder mi 355[regelnummer] min her walewain. sprac ende dat si [D]een tue en consten niet gemaken so wel den vrede. enne braken ende en verworren vele mee met harre talen dander tue 360[regelnummer] want elc die jonvrowe hebben wilde dus es met spere ende met scilde elc van andren en deel gesceden nv was harde ernst hen beden te jostirne redderlike 365[regelnummer] si hilden wel geteslike vor hen die scilde ende daden springen dorsse disi met sporen duingen ende reden beide vort met houerden hoe gerne soude nv ter erden 370[regelnummer] elc andren steken of hi mohte die ouermodege vremde brohte enen starken esscenen scaht ende stac met harde groter craht heren walewaine. dor den scilt 375[regelnummer] wel een gelaht ende hine behilt jnde hant cume ens voets lanc vanden spere. want het spranc te stucken ende al ontue nohtan dedem merre wee 380[regelnummer] de steke die her walewain. stac want hi hem scorde ende brac den scilt ende den halsberh mede hi heft sin ouermoedehheide te sere becoht dis geloeft 385[regelnummer] die herssenen doenden hem jnt hoeft ende dogen beide sin hem verkert ende wart so sere tebarentert dat hi breidel ende stegerep ende cumelike gegrep 390[regelnummer] darscoen dari hem ane onthilt dus lah hi jn sire ongewelt gesteken ende heft hem jnt gereide met pinen ende met arbeide ende met groter craht onthouden 395[regelnummer] ende dose dorsse keren souden ende vergederen metten suerden degene die vol was van houerden tevoren ende van ouerdade bat doe oetmodelike genade 400[regelnummer] ende seide. ay riddre edel here want ic gequets ben harde sere so spart mi heden op desen dah ende sect mi oht wesen mah vwen name jn houescheiden 405[regelnummer] sint dat gijs mi hebt gebeden so willic dat v condeh si min name. walewain. noemt men mi doe antwerde die ridder hem sidi her walewain. jaic ben 410[regelnummer] bi mire wet gi sect mi war want v steke was mi so suar dat hijs v es guet orconde jc secgv dat mi vander stonde dat ic irst ridderscaps plah 415[regelnummer] noit steke so sere en wah hoe dul wasic dat ix v nine vragde tirst. het ware nv dese joste bleuen haddict geweten yne hads mi jegen v niet vermeten 420[regelnummer] nv sect mi. wie sidi ontfaren vter borh dar vore waren gelegen die van galistroet ende noh licgen. wonder groet heft mi en trouwen van v beiden 425[regelnummer] hoe gi dus danen sijt gesceden [H]er walewain. sprac en roke v niet war ic vare ende hoe ic sciet danen. wat geet des ane v jc muet elre varen nv 430[regelnummer] jne mah hir niet op dit velt lange wonen mar oh gi selt dese jonvrowe quite laten dat sect mi. ende vart vre straten of dan neen. hoet v van mi 435[regelnummer] die ridder sprac. ic scelse vri nempse ende vorse dart v vogt doe sprac her walewain. mi genogt vwen name te wetene. din segt mi eer wi sceden. here dat si 440[regelnummer] jc hete teberge ende tedane licoridon. met derre tale sinsi beide van hem gesceden ende liten her walewain. geleden dart hem vogde die jonvrowe 445[regelnummer] die quite was van groten rouwe ende tirst datsi henen waren ginc die jonvrowe sonder sparen tote heren walewain. dari stoet die jonvrowe die houesh ende vroet 450[regelnummer] was. ende desconste vanden lande si leide te gadre hare hande ende sprac sute lief. edel here gi hebt mi mine werelt ere behouden hir ende min leuen 455[regelnummer] ende darbi willic v op geuen lif ende guet jn v genaden min her walewain. die houescher daden gewone was. ende guder seden plah hi eht sire houescheden 460[regelnummer] ende bete neder ende dede of den helm. ende seide godelof dat ic v hebbe jet liefs gedaen scone jonvrowe. ende also saen heft hise gehelst ende gecust 465[regelnummer] mine wondert niet dats hem lust want hi was scone ende harde fin hi duancse ane hem al luttelkin ende dar die jonvrowe haren arm om hem liet gaen wart hi al warm 470[regelnummer] want et noptene van binnen dat irsten begin van harre minnen [D]Ese magt was vtermaten scone men vant doe onder semels crone hars gelike te gere stede 475[regelnummer] war toe soudic hare lede prisen elc van din besondren al cortict v en darf niet wondren want ic scuwen lange tale die jonvrowe was gescepen wale 480[regelnummer] ende vanden hersenen toten teen soene was ane haren let en geen dat wesen mohte en tuint verscoent en wart noit godinne gecroent die hare van sconheiden geleec 485[regelnummer] bi hare scenense alle bleec die met hare stonden ende gingen darbi en constem niet beduingen min her walewain. hine moeste an hare sine minne lecgen. hine pinst alne ware 490[regelnummer] die jonvrowe no scone no rike nohtan wildi gestadehlike altoes bliuen ane hare minne doe pensde hi jn sinen sinne want hare minne heft een bat 495[regelnummer] gewermt so heet dat hi vergat sins sels al wandire binnen baeden sin herte die hem niet gestaden ende die hem dit algader riet warpen jn en groet verdriet 500[regelnummer] hi custe menehwarf die magt ende darna heft hi gewagt ende seide suster vwen name wistic gerne wart v bequame si sprac here ic hete ydaine 505[regelnummer] jonvrowe ydaine. ane walewaine. hebdi enen getrouwen vrint here des es noh onuerdint nv sect mi liue suster min oh gi jn v hertekin 510[regelnummer] met eneger minnen sijt geladen here nenic niet bi gods genaden jn onderwant mi noit eer minnen en ware an v motix beginnen
[Folio v]
al eest dat icker noit en plah 515[regelnummer] op dat ic v genogen mah here nv heft v wonder groet dat ic mi v biede aldus bloet en darf nohtan. ic secgv tui want gi hebt mine minne op mi 520[regelnummer] gewonnen met vre groter dogt ende war gi henen vart gi mogt mi met v voren hebt dijt so wert dat gi mine geselscap begert [S]cone jonvrowe jaic ic begare 525[regelnummer] v. geselscap war dat ic vare ende god late mi sin gescent onseidic dus sconen present men mohte met mi wel houden scop si sprac here ende ic geue mi op 530[regelnummer] tuwen gebode nv duet met mi al v genade. ic hebbe hir bi banderside an genen berge ene winnincge. dar wi die herberge tauont te gader houden selen 535[regelnummer] gi mogt gerne des raets getelen dat gi met vwen liue herberht gi sult wel ende ongeert slapen ende rusten dar hi sprac jonvrowe gi sect war 540[regelnummer] so vare wi dar. doe houen si die magt die cush was ende vri op des selues ridders part die dar doet geslegen wart die met hare was meien comen 545[regelnummer] din licoridon hadde genomen om haren wille dar ter stede sin lijf ydaine hare helpen dede op sin part ende begonste keren tuswart weder metten heren 550[regelnummer] ende voren sprekende onder hen drien dor dat forest dar si jn sien blomen ende scone cruut ende dar met menegerhande lut die vogle waren harde gemalsh 555[regelnummer] ende ic geloefs oec vele te bet dat die jonvrowe ende gariet tegader voren side ane side min her walewain. was harde blide want hi was guets gevals jn wane 560[regelnummer] hi sah dicke op die wel gedane met bliden ogen al dari reet hare minne noptene gereet want so hi die jonvrowe meer besah sose hem op therte vaster lah 565[regelnummer] hare minne ende hare beduanc hi mint ende hi weets guden danc der minnen dat si hare met hare menct hi trect an hem dat ane hem drenct hi mint jn ernste ende niet te scerne 570[regelnummer] hi mint sere ende hi mint gerne hi lite hem sinken jndie minne dat hire jn baede ouer die kinne jn horde nie van ridder spreken die so sere wart onsteken 575[regelnummer] jn corter wilen alse hi en ware niet sere en wondres mi want die jonvrowe was so scone dat hi gode vanden trone dancte dat hi noit gemacte 580[regelnummer] so scone ende so wel geracte enege creature alse hare jc dar wel secgen oppenbare van mi seluen ene waret groet al lagic siec tote op die doet 585[regelnummer] war dat sulke jonvrowe quame ende mi jn haren arme name jc worder algader sonder hirbi en heues mi geen wonder dat hem sin herte jn hare ontsanc 590[regelnummer] doe sine metten arme duanc mar nv alse bi hare reet ende hem sin oge altenen geet op hare. so wart hi so verdult ende met minnen soe verwlt 595[regelnummer] dat hire jn vloide met alden leden aldus si te samen reden jnt wout haren vollen telt tes si quamen ane en velt dat breet was ende plajn 600[regelnummer] doe sah min her walewain. enen sconen casteel dar staen die en breet lant hadde bevaen metten mure dire ombe ginc want hi was wijt ront alse en rinc 605[regelnummer] dese casteel hiet langarde hi was gestiht dar op die varde ende opt sceden vanden lande bi hem was jegen die viande bescermt ende bereht dat lant 610[regelnummer] hir ombe men hem den name vant lansgarde sprect jn walsche tale lant hude. nv wetti alle wale ho hi den name tirst gewan liflijc was hi te scouwen an 615[regelnummer] alle die gene dine sagen min her walewain. began vragen sect mi liue susterkin wis es dese borh. here si es min niet mijn. mar onser beider 620[regelnummer] want die mine en es v niet ongereider dan dues selues dat wet wale dus vorense met derre tale ende spraken alle drie te samen so lange datse te herberge quamen 625[regelnummer] darmen hen diende houeschelike doe quamen knapen hastelike die scire ontfingen hare part ende leidense te stalle wart ende hen daden ander knapen 630[regelnummer] binnen desen oec af hare wapen dus dienmen heren walewaine. houeschelike. doe sprac ydaine toten drossate vander borh venisoen ende vogle van riuiren 635[regelnummer] ende vische van alre maniren dat ons tauont nine gebreke ende dat wi alle blideleke mogen leuen ende met rasten duet liue ende ere minen gasten 640[regelnummer] degene beweste vten woude venisoen ende watmen hebben woude dis haddense gnoh ende vele dus satense met groten spele bi ydainen dire jonvrowen 645[regelnummer] ende vergaten alles rouwen [V]vat holpe dat ict macte lanc menege spise ende meneh dranc heftmen vor hen dis auons braht ende al hars willen wel gewaht 650[regelnummer] nv sin die taflen op gedaen doe was dar om en slapen gaen gepogt want si sere begerden jonvrowe ydaine hadde met houerden tue scone bedden doen gereiden 655[regelnummer] dar die knapen bouen spreiden tue couertore van goutdraden ende slaplakene met clenen naden darsi din naht op rusten souden jonvrowe ydaine hadde oec gehouden 660[regelnummer] der sconster jonvrowen ene met hare dat darric wel secgen oppenbare diemen wiste jn eneh lant die gafse gariete metter hant hi dranc des auonsts oec ende at 665[regelnummer] met hare. jonvrowe ydaine bat dat hi hars plage houeslike want si ware edel ende rike dus heft god dese tue beraden si gingen slapen met genaden 670[regelnummer] ende hadden nv wel haren wille mar licoridon en lah niet stille die weh reet met groter craht beide ouer dah ende ouer naht ende nine virde vordat hi quam 675[regelnummer] jnt here dat hi sah ende vernam die jonvrowe van galistroet hi sprac jc mah v wonder groet vertellen vrowe want ic sah heden jn gene wout daric quam gereden 680[regelnummer] heren walewain. doe sprac die vrowe gine daet. ic dede en trouwen
[Folio Acr]
682[regelnummer] [...]roet [...]et [...]ne 685[regelnummer] [...]ens niet tedone [...]ic wel [...] [...] vart [...]arden wart 690[regelnummer] [...]are ydaine [... w]alewaine. [...]e wart [...]een part [...]e hare 695[regelnummer] [...]ware [...]el waren [...]varen [...]cachemert [...]ert 700[regelnummer] [...]ne sceen [...]en een [...]rf gecust [...]e nv rust [...]genaden 705[regelnummer] [...] verladen [...]e behouet [...]drouet [...]soht [...] mogt 710[regelnummer] [...] ic ware [...]l hare [...] so ic ben [...]m [...]nre tale 715[regelnummer] [...]e wale [...]en staen [...]euaen [...] helpe mi god [...]l sot 720[regelnummer] [...]t wale [...]e tale [...] orlof [...]it hof [...]garden 725[regelnummer] [...]rre varde [...]egert [...]rt [...]int [...]as blint 730[regelnummer] [...]t geslaen [...]heft gevaen [...]are stricke [...] dicke [...]miraude 735[regelnummer] [...] dicke craude [...]et [...] ouergeet [...]ole dat hi was gelijc den cole 740[regelnummer] die jnvireh es van binnen also reet hi metter minnen ouer al sin lief ontfunct hi mint te sere nohtan donct hem seluen dat hise niet en tuint 745[regelnummer] na hare werdehheit en mint aldus reden dar dese drie dort wout gine horet spreken nie van merre joien dan si dreuen aldus quamen si beneuen 750[regelnummer] een forest darsi ontmoeten enen coleman disi groten ende her walewain. sprac hem an sege mi seithi liue coleman welc es die weh te cardole 755[regelnummer] degene kinde bat enen cole dan den weh te houe wart ay here bi mire langer vart jne can v wel berihten niet ende binnen desen om siet 760[regelnummer] her walewain. ende heft vernomen enen knape lopende comen met groter hast jn enen roc die meesterlike brahte enen stoc gedregen jnde rehte hant 765[regelnummer] hi quam lopende ende vant heren walewain. ende sin gevarde jn virwegesceden die op hare parde hilden ende ontbeiden sins her walewain. sprac. knape dins 770[regelnummer] beide wi hir dor dat du souts den weh ons wisen ohtv wouts te cardoel wart doe sprac tgarsoen here dat salic gerne doen en ware ic hebbe en luttel meer 775[regelnummer] met v te sprekene dat gi eer horen sult genoget v die suarte riddre heft mi nv hir gesint ende gruet v sere guet geluc ende werelt ere 780[regelnummer] geue god beide hem ende di liue knape nv berihte mi sal hi hem onthouden connen des orlogs dat hi heft begonnen tes ic jnt lant gekeren moge 785[regelnummer] die knape sprac om dat orloge en dorfdi nember weder keren die vrowe ende alle hoge heren die vor onse borh gelegen waren sin alle en weh gevaren 790[regelnummer] van hedemorgen vor dageraet so keret al om desen raet min here mi hir lopen hiet dat gi vwen oem den .coninc. niet en moiet. hine heft ende gene noet 795[regelnummer] vanden here van galistroet want si alle gekert sin doe seidi hem en luttelkin dat her walewain. wel bekinde
[Folio v]
met desen li[t]tekene hi mi sinde 800[regelnummer] oh gi mi n[i]et gelouen en wout dat gijt nv ouer wareit hout knape nv irst gelouix di so guet litteken segt tu mi dat ic andi no min no mere 805[regelnummer] en crufele nv sege dinen here alse dune sies dat icken grote ende dat god behoeden mote ende wordi nembermer beuaen jn node dat hijt mi late verstaen 810[regelnummer] jc quame hem te hulpen ende brohte al dat ic geleisten mohte nv wijst ons eer gi henen vart den rehten weh te cardoel wart her walewain. here. vart al desen 815[regelnummer] ende woudi oec te carlion wesen so vart al dit gine mogt niet dolen knape nv vare goden volen wine hebben nember dins te done dus sc[e]densi vanden garsone 820[regelnummer] ende reden haren vollen telt dor dat wout ende ouer dat velt ende hebben menegen berh oec leden telest so quamense gereden alst vespertijt was vanden dage 825[regelnummer] jn en groet bosh ane en hage dat neder was ende harde dicke dar redensi een lanc stucke want hare weh der dore gelah met desen her walewain. comen sah 830[regelnummer] enen knape. doe wart hi blide gereden op en starc rosside want hi woude ende begerde hem te vragene om nimerde ende alse hi hem was comen bi 835[regelnummer] sprac her walewain. knape sect mi wanen gi comt ende war gi wilt die knape die opt rosside hilt antwerde heren. walewain. tehant here ic come van duuelant 840[regelnummer] dar wasic ende lah te naht die .coninc. heft met groter craht gelegen wel virteh dage noh sect mi knape dis ic v vrage hets liht ohgis jet hebt vernomen 845[regelnummer] es dar jet nihtelinge comen vorden .coninc. arture enege vremde auenture jaet gestermorgen te primetide quam dar en bode die onblide 850[regelnummer] menegen macte ende sere storde jnt hof. alse her walewain. dit horde sprac hi knape nv sect mi ho dat gescide ende war bi here dar wart en mantel braht 855[regelnummer] dar grote nature ende grote craht van wonderliker din[...] alsic v oec vertellen [...] alsic sah ende vernam wat vrowen so den man[...] 860[regelnummer] om hare si was van[...] datsi van andren rid[...] meer begerden dan va[n ...] dat wart hen allen [...] condeh gnoh ende opp[...] 865[regelnummer] want hare ontcram[p...] so sere dat hi hare [...] tote haren knien. di[...] gescide vrowen ende jon[...] dar mohtemen drou[...] 870[regelnummer] genouren. selue der [...] want si souts tirst l[...] ende doe die mantel cr[...] hi ontcramp hare e[...] tote jn midden haren[...] 875[regelnummer] darne was jonvrowe [...] noh vrowe dijt ander[...] die mantel en ontcra[mp ...] mar sulkermer ende su[...] nadin dat elke jn h[...] 880[regelnummer] ongetrowe minne dr[...] dar was sulc droue [...] dar was alt hof jn [...] mar die dar droue w[...] dat was die .coninc. selu[...] 885[regelnummer] want si verloren alle h[...] dor ere jonvrowen wi[...] eens ridders hiet car[...] amie. doe si den man[...] jc secgv dat hi har[...] 890[regelnummer] tote op die erde jn [...] dis was her caradon w[...] ende sire amien wast [...] doe sprac her walewain. sect m[i ...] condi mi jet beriht[...] 895[regelnummer] welker dat hi dar cor[...] here salic v der war[...] so was hi corts her k[...] hine sloh hare toten [...] dat sine amie doe le[...] 900[regelnummer] her keie doe hare gev[...] dat hare die mantel[...] dat was wonder groe[t ...] hi ware al verwoet v[...] ende van torne hi wa[...] 905[regelnummer] met desen die knap[...] ende sciet van heren w[alewaine ] doe seidi guet lief.[...] jc wilde wi beide ha[...] gewest. sone haddix [...] 910[regelnummer] gine sout met harde groter ere vorden .coninc. ende vor die heren den mantel hebben gedregen [...] 915[regelnummer] die ydainen [...] her walewain. sprac. vor[...]

Over dit hoofdstuk/artikel

titels

Die wrake van Ragisel