De weerbare mannen van het land van Waes in 1480, 1552 en 1558

Exaerde.

De Prochie van Exaerde heeft i^c ende lviii mannen, ende daeronder:
x busschieters.

dLant van Beveren, wesende 't iii^c let van Waes. { Beveren.

dLant van Beveren, wesende 't iii^c let van Waes. { Verbrouck.

dLant van Beveren, wesende 't iii^c let van Waes. { Kieldrecht.

dLant van Beveren, wesende 't iii^c let van Waes. { Calloo.

dLant van Beveren, wesende 't iii^c let van Waes. { Haesdonck.

Dese vornoemde vijf Prochiën, wesende appendanten vanden lande toebehoorende den heere van Beveren, en zijn niet ghecompareert, noch en willen niet obedieren, detracterende ende

[p. 139]

refuserende die gecoustumeerde contributiën, grootelicx in achterstelle ende retardemente vanden dienste der Conincklijcke Majesteyt, contrarie den transporte ende immemorialle coustume danof onderhouden; 1^o zij de Majesteyt daeraf gheadverteert.

Somma totalis vanden weerbare mannen vanden vornoemden lande, sonder die van Beveren:
iii^m viii^c xxiiii.

Waeronder dat zijn busschieters ter somme van:
ii^c iiii^xxxvii.

Uuit al welcken ghetalle van volck wij gheadvizeerdt, uuitgetrocken ende vergadert hebben den nombre van duyst mannen over twee venlen knechten, daeraf die van Beveren, als wesende 't derde let ende vi^e deel van Waes, schuldich zijn te doene den vi^en man volghende den transporte van Vlaenderen ende oude coustume. Waeromme, in gevalle de selve knechten ontboden wierden, zo zoude de Majesteyt bij zijne secretarisen moeten scriven ende adresieren zijne briefven den Bailliu ende Hooftscepenen vanden lande van Waes met Beveren ende andere zijne toebehoorten, conforme den transporte; anders waere te beduchten, dat die van Beveren hen de zake niet aen draghen en souden willen, zo zij gedaen hebben in vier jaeren her wairtz, omme gheenen dienste te doene ende dat bij groote nieuwichede, daer deur de Majesteyt groot interest hebben soude. Biddende daeromme dat Zijne Majesteyt believe daerup te letten, ende corrigierende 't voergaende abuz vande secretarisen, zijne briefven van waghens, parden ende knechten, inder voornoemder maniere t' adresseren, zonder meer te bescriven particulierlic die van Beveren, dewelcke volghende den generallen transporte ende oude coustume altijts gestan hebben onder 't bescriven van onsen College uuiten naem vander Majesteyt, ende gheen state noch casselrie en zijn van Vlaenderen, nochte oynt geweest en hebben. Actum in ons College, den xii^en in Julio, a^o xv^c lviij.