Watapana. Jaargang 2

[p. 17]

[Gedichten P.R. Velásquez]

IX

Fadá di konta
e muchanan a laga anochi
kant'i kaja
mort'i harimento.

Nan a laga tumba
sin memoria
tirando pieda
den anochi
i stréanan
a kibra riba dak.

Bisinja no ta spièrta.

Dios sa na unda
nan a pega den maínta
ku nan wowo pashimá
promé ku sonjo
a drenta bow nan brasa.

XI

M'a mirabo keiro
lat den alameda.

M'a mira atardi
bira hecho den bo boka.

Bo n'por a rei
ku bo kurasón bistí robés
ku mi tabatin dwele
di bo péchonan
henter na flor.

Bo n'ta kòrda
ku m'a mirabo
drenta den anochi
i m'a hibabo
te bo kas

Mi kièr a mishi
ku bo hilchi namorá
i bo shimís a keda
sonjando den mi kara.

P.R. Velasquez