De Vyftien mysterien van den rosen-crans van die H. Maget Maria

[p. 13]

Nieuw-Iaers Liedt van het Kindeken Iesus.

WAt mont en tong bewegen can,
Dat singh, en vang van Iesus an,

Dan Godt is ons, al nae ons wensch,

Int aertsche dal geworden mensch.

Mijn hart springh op in mijner brust //
Met Iesus heb ick sulcke lust.

Mijn Iesus is mijn gelt en goet,

Mijn Iesus frist mijn hart en moet.

Ick heb Iesum all vur, en stondt,
Int hert en oock in mijnen mont,

Hy is mijn troost en artzeny,

Hoe groot die noot en kranckheyt zy.

Och liever heylant Iesu Christ,
Dewijl du mensch geboren bist,

Van ener Ionckvrou zart en reyn

So schenckt ons allen int gemeyn.

Een geluckslich niewe Iaer,
Met steden voortganck ymmer daer

In heylich en gherechticheydt,

Die Godt ghevalt in eewicheydt.