Van den vos Reynaerde (fragment E, Darmstadt)

[Reinaert E]

[fol. ra]

2551

No creature die heuet lif.

 

Sonder die ule ende die scowut

 

die dar nestelen in dat crut.

 

Of eneh ander vogelin

2555

Dat el war gerne wilde sin.

 

Ende dar bi auenturen lidet.

 

Coninc dar leid min scat gehidet.

 

Coninc die stede heed crikenputte

 

verstaet dit wel et es .v. nutte.

2560

Gi sult dar gaen. gi ende min vrouwe

 

En wetti oec nimenne so getrowe.

 

Din gi laet sin .v. bode.

 

Noh bi beden no bi gebode.

 

mar gaet dar selue ende asse gi

2565

dien seluen putte comet bi.

 

Gi sult uinden ionge berken.

 

here coninc dat suldi merken

 

Die alre nast den putte staet.

 

Coninc totir berken gaet.

2570

Dar leget die scat onder begrauen.

 

Dar suldi diluen ende scrauen.

 

En luttel mosses in dene side

 

So suldi uenden meneh gesmide

 

van goude riclic ende scone.

2575

Gi sult uenden oec die crone.

 

Die heimeric die keyser droh

 

Ende ander cyreiden genoeh.

 

Edele stene gulden werc

 

men coht nit ombe dusent marc.

2580

Her coninc asse gi hebt dat guet.

 

hoe dicke suldi in. vwenmuet.

 

Pensen. Reinart. getrouwe vos.

 

Die hir grouet in dit mos.

 

Desen scat bi dire lust

2585

Got geuedi guet so wa du best

[fol. rb]

 

Doe antwerde die coninc [saen]

 

Reinart. sal ic die vart be[staen]

 

Gi motet sin an onse [vart]

 

Ende gi motet ons. Reinart

2590

Hulpen uwen sca[t ontdeluen]

 

Jne wande bi mi sel[uen]

 

Al dar nemb[er] meer g[eraken]

 

Jc hebbe gehort nom[en aken]

 

Ende pariis est dar it [na]

2595

Ende est also assic ver[sta]

 

So smeket di. Reinart. ende [romet]

 

Crikenpit die gi d[ar nomet]

 

wanic es en geuen[sde name]

 

Dese tale was. Reinarde. on[bequame]

2600

Ende verbalh hem ende [sprac ia ia]

 

Gi siter coninc also n[a]

 

Alse van colne tot[e meie]

 

wandidat ic .v. d[ie leie]

 

wille wisen in di[e iordane]

2605

Jc sal v tonen soe ic [wane]

 

Orconde genoh al [openbare]

 

Lude riep hi cohar[t comt hare]

 

Comt vorden coninc [cohart]

 

Die dire sagen all[e darwart]

2610

Ende wonderden alle w[at dar ware]

 

Cohart ginc beuen[de ende in vare]

 

Hem wonderde wat [die coninc woude]

 

.Reinart. sprac. cohart he[bdi coude]

 

Gi beuet siit blide s[onder vare]

2615

Segt minen here d[en coninc ware]

 

Dis manic v bider t[rouwen]

 

Die gi vrouwe ge[nten mire vrouwen]

 

Ende hem seluen scu[ldeh sit]

 

Doe sprac cohart [vermaledit]

2620

Soe motic werden al [wistic wel]

 

Daat mi costen so[ude min vel]

[fol. va]

 

[mohtic l]igen eneh wort

 

[al wart] van ere mort.

 

[want gi m]anet bider trouwen.

2625

[die ic mire] suter vrouwen.

 

[enten coni]nc sculdeh ben

 

[doe sprac Reinart] soe seg[et] hem.

 

[wetstu wa]r crikenputte steet.

 

[sprac cohar]t of ic weet.

2630

[ia ic soud]et wesen so.

 

[ne stati nit b]i hulsterlo.

 

[op dien moe]r en ere wostine.

 

[ic hebbe ged]uget so menege pine

 

[so menegen h]onger so meneh coude

2635

[ende armoed]e menech foude.

 

[op crikenputte] so menegen dah.

 

[dat ics verge]tten nit in mah.

 

[hoe mochti]c vergetten dis

 

[dat aldar s]ininit die sies

2640

[die valsce p]ennincge sloeh

 

[dar hi hem] mede scone bedroueh

 

[entie gesel]len sine.

 

[dat was te]voren eric met rine

 

[mine gesels]cap macte vast.

2645

[die mi gequi]t heft menegen past

 

[o wi sprac] Reinart. sute rin

 

[liue geselle] scone hondekin.

 

[vergaue got] wardi nu hir

 

[gi soudet t]ogen vor dese diir

2650

[met sconen ri]me wars tedone.

 

[dat ic noit] ne wa soe cone.

 

[dat ic eneg]e sake dede

 

[dar ic den c]oninc mote mede.

 

[te mi wart] belgen doen met rehte

2655

[gaet weder o]nder gene cnehte

 

[sprac Reinart ha]stelike cohart.

 

[min here de] coninc en heft tuwart

[fol. vb]

 

Ne sake te sprekene meer.

 

Cohart dede enen weder keer

2660

Ende ginc vans conincs rade dar.

 

.Reinart. sprac coninc here est waer.

 

Dat ic segge. Reinart. iaet.

 

vergeuet mi ic seyde quaet.

 

Dat ic .v. mestroude it

2665

Reinart. gude vrint nu siit

 

Den raet dat gi met ons gaet.

 

Ten putte aldar die berke staet

 

Dar die scat legt begrauen onder

 

Reinart. sprac here gi segt wonder.

2670

wandi inwars alte vro.

 

Coninc of et mi stonde so.

 

Dat ic met .v. wandelen mohte.

 

Also ast ons beyden dohte

 

Ende giis wart here sunder sonde.

2675

Neen ets asic .v. orconde.

 

Ende ic v. sege al est scame.

 

Doe ysengrim indiuels name.

 

Jn die ordene ginc hir teuoren

 

Ende hi te moneke wart bescoren.

2680

Doe ne constem nit dire prouende genogen.

 

 

 

Dar ses moneke hen met bedrogen

 

Hi clagede van hongre ende carmde.

 

So sere dat hi mi ontfarmde.

 

Doe hi crankede ende wart trah.

2685

Doe droh ics rouwe asse en sin maeh

 

Ende gaf hem raet dat hi ut ran.

 

Dar ombe bin ic in spaues ban.

 

Margen asse die sunne op gaet.

 

willic te rome ombe aflaet.

2690

van rome var ic ouer ze

 

Sone come ic dan nembermee.

 

Eric so uele hebbe guds gedaen.

 

Coninc dat ic met .v. mah gaen.

 

 

[fol. ra]

2982

Dat nimen so onspelic en es.

 

Tuschen pollanen ende scouden.

 

Die hem van lahgene hadde onthouden.

2985

Dor rouwe die hem mohte gescien

 

Hadde hi Reinarde. doe gesien.

 

Hoe wonderlike hi henen ginc

 

ende hoe gemakelike heme hinc

 

Scerpe ende palster ane sinen hals

2990

Ende die scon oec als ende als

 

Die hi droeh ane sine been.

 

Gebonden. daden dat hi sceen.

 

Pelegrim gelic genoeh

2995

.Reinarts.herte binnen loeh.

 

Dor dat si alle met heme gingen.

 

met soe groter samenongen.

 

Die hem teuoren waren wreet

 

Doe sprac hi ten coninc mi es leet

3000

Dat gi dus verre met mi gaet.

 

Jc vrochte et mah v. wesen quaet

 

Gi hebt geuaen tue mordenare.

 

geuallet dat si v. onfaren.

 

Gi hebt .v. te wahtene meer

3005

Dan gi .v. dadet noit eer

 

Blift gode beuolen ic moet gaen.

 

Na dyse tale ginc hi staen.

 

Op sine echterste tue poten.

 

Ende maende den clenen ende den groten.

3010

Dat si alle vor hem baden.

 

Of si ane sine weldaden.

 

Gerech deel hebben wouden.

 

Si seyden alle dat si souden.

 

Sins gedingen in haren gebede.

3015

Nu hort vort wat Reinart. dede.

 

Dar hi van den coninc sciet.

 

So drouelike hi uan hem sciet.

 

Dat et somen sere ontfarmede

[fol. rb]

 

Cuarde den hase hi bimaende.

3020

O wi cuart nu sele wisceden.

 

Of got wille gi sult mi geleden.

 

Ende min vrint bellin de ram.

 

Gi tuene word mi noit gram.

 

Gine moet mi vort bringen.

3025

Gi siid van soter wandelingen.

 

Ende onbegrepen ende godertiren.

 

Ende onbeclagt uan allen diren.

 

Gestelic es ver beder sede.

 

Gi leuet bede asse ic doe dede

3030

Doe ic clusenare was.

 

Hebdi louer ohte gras

 

Gine doet negene eisch

 

Noe in broet no ombe vlich

 

Noh ombe sonderlike spise

3035

Met aldus gedanen prise

 

Heuet Reinart. dese tue uerdo[rt]

 

So dat si met hem gin[gen vort]

 

Tote si quamen vor s[in hus]

 

Ende vor die porte te [maupertus]

3040

Asse .Reinart. vore die p[orte quam]

 

Doe sprac hi neu[e bellin] die ram.

 

Gi muet allene [bute]n staen.

 

Jc muet in mire [uest]en gaen.

 

Cuart sal ingaen met mi.

3045

Her bellin bidt hem dat hi.

 

Troste wel urouwe ermelinen.

 

met haren armen wolpinen.

 

Asse ic an hare orlof neme.

 

Bellin sprac ic biddes heme

3050

Dat hise alle troste wale.

 

Reinart. ginc met sconre tale.

 

Soe smekende ende soe losertire

 

Jnso meneger maniren.

 

Dat hi met barate brohte.

[fol. va]

3055

Cuarde in sene hagedohte.

 

Alse si in dat hol quamen

 

Cuart. ende Reinart tesamen.

 

Doe uonden si vrouwe ermelinen

 

Bi haren clenen wolpinen.

3060

Si was in sorgen ende in vare.

 

want si wande dat .Reinart. ware.

 

verhangen ende asse sine vernam.

 

Dat hi thus weder quam.

 

Ende palster ende scerpe droeh.

3065

Dohte hare wonderlike genoeh.

 

Si wart blide ende sprac si an.

 

Liue .Reinart hoe si di ontgaen.

 

Reinart. sprac ic was geuaen

 

mar die coninc hi liit mi gaen.

3070

Jc muet werden pelegrim

 

Her brun ende her ysengrim.

 

[sin ge]daen gisel ouer mi.

 

[die coninc] heft ons. danc hebbe hi.

 

C[uarde gegeu]en op rehte sone.

 

al [onsen w]ille mede tedone.

 

D[ie coninc li]de selue des

3075

Da[t cuart die] erste was

 

Di o[ns verr]it tegen hem.

 

Ende bid[er trouw]en die ic bin

 

v sculdeh vrouwe ermeline.

 

Cuarde nact ene suare pine.

3080

Jc ben hem met rehte gram.

 

Alse cuart dit uernam

 

kerde hi hem ombe ende wande vlien

 

mar dat neconste hem nit gescien.

 

want .Reinart. hadde hem ondergaen.

3085

Die porte ende grepene san.

 

Bider kelen mordelike.

 

Ende cuart riep genadelike.

 

Hulpt mi bellin waer sidi.

[fol. vb]

 

Dese pelegrim hi dodet mi.

3090

Dit ropen was scire gedaen.

 

bedie Reinart. hi hadde saen.

 

Sine kele ontue gebroken.

 

Doe sprac .Reinart nu ga wi coken.

 

Desen guden vetten hase

3095

Die wolpine liepen toten ase

 

Ende gingen eten algemeyne.

 

hare rouwe hi was clene.

 

Dat cuart hadde verloren lif.

 

Ermeline. Reinarts wiif

3100

at van den vlesce ende dranc dis bludis

 

ay hoe dicke bat si godis.

 

Den coninc die dor sine doget

 

Hare clene kindre hadde uerhoget.

 

Soe vroeh met enen guden male.

3105

Reinart. sprac hi ans ons wale.

 

Jc weet wel muet die coninc leuen.

 

Hi soude ons gerne gehte geuen.

 

Die hi selue nit ne woude.

 

heuen ombe seuen marc van goude.

3110

wat gehte sint dat sprac ermeline

 

Reinart. sprac ets ene line

 

Ende ene worst ende tue micken.

 

mar magic ic sal hem ontscricken.

 

Magic eer liden dage tue

3115

Dat ic ombe sin danger mee.

 

Ne gaue. dan hi ombe dat min.

 

Si sprac .Reinart. war mah dat sin.

 

Reinart. sprac vrouwe ic seggu.

 

Jc weet en weldernesse ru.

3120

van langen gagele ende van heyden.

 

Dat es een wel groet geleide.

 

van guden leuene van goder spisen.

 

Dar wonen vor honre ende partrisen.

 

Ende menegerande vogeline.