De Vorsterman Bijbel

§ Dat .xx. Capittel.

1

⁺+ OPten eersten dach des Saboths, ⁺ is Maria magdalena smorghen doent noch duyster was, gecomen tot dat graf, ende si sach den steen van dat graf genomen

+ A

+ mat. xxviij mar. xxvi. luc. xxiiij.

2

Daerom liep si, ende is gecomen tot Symon Petrum, ende totten anderen discipel, dien Iesus lief hadde ende seyt haer, Si hebben den Heere wtet graf ghenomen, ende wi en weten niet, waer si hem gheleyt hebben.

3

Aldus is Petrus wtgegaen, ende die ander discipel, ende zijn gecomen tottet graf.

4

⁺Daer liepen twee tsamen, ende die ander discipel liep zeerder, dan Peeter, ende is eerst gecomen tottet graf.

+ B

5

Ende als hi neder ghebuct hadde, heeft hi ghesien die lakenen, nochtans en is hi daer niet ingegaen.

6

Ende Symon Petrus is gecomen, hem volgende, ende is int graf gegaen. Ende hi sach daer ligghen die lakenen,

7

ende den sweet doec, die op zijn hooft geweest hadde, niet liggende met die lakenen, maer verscheyden gerolt in een plaetse.

8

Aldus heeft doen die ander discipel oock ingegaen, welcke eerst gecomen was bi dat graf, ende heeftet gesien, ende ghelooft,

9

want hi en wist noch die scrift niet, dat hi vander doot moeste op staen. *

10

Daerom, zijn die discipulen weder om gegaen tot haer seluen.

11

⁺+ Maria stont buyten aen tgraf, screyende. ⁺ Aldus als si screyde, neychde si haer int graf,

+ C

+ mat. xxviij marc. xvi.

12

ende sach twee engelen in wit sittende, die een aent hooft, ende die ander aen die voeten, daer si Iesus lichaem geleyt hadden.

13

Si seggen haer, Vrouwe, wat schreyt ghi? Si seyt huer, Si hebben minen heer genomen, ende ick en weet niet, waer si hem gheleyt hebben.

14

Ende als si dit geseyt hadde heeft si haer om gekeert, ende si sach Iesum staende, maer sie en wist niet dattet Iesus was. Iesus seyt haer,

15

Vrouwe, wat screyt ghi? wien soect ghi? Dese meynende, dattet een houenier was, seyt hem, Heere, hebt ghi hem wech genomen, segtet mi, waer ghi hem geleyt hebt, ende ick sal hem halen

16

⁺Iesus seyde haer, Maria. Doen keerde si haer om, ende seyde hem, Rabboni, twelcke [kolom] heet Meester.

+ D

17

Iesus seyt haer, En wilt mi niet raken, want ick en ben noch niet gheclommen tot minen vader. Maer gaet tot mijn broeders, ende segghet haer, Ick climme op tot minen vader, ende uwen vader minen God, ende uwen God.

18

Maria magdalene is gecomen, bootschappende den discipulen, want ick heb den Heere ghesien, ende dit heeft hi mi gheseyt. *

19

+ Ende alst auont was, op dien dach, die vanden Sabboth is, ⁺ ende die dueren gesloten waren, daer die discipulen vergadert waren, ⁺ om vreese der Ioden, is Iesus gecomen, ende stont int middel, ende seyt haer, Vrede si v.

+ E

+ Luc. xxiiij f

20

Ende als hi dit geseyt hadde, heeft hi haer ghetoont handen ende side. Ende als die discipulen den Heere ghesien hebben, zijn si verblijt gheweest.

21

Aldus heeft hi haer weder gheseyt. Vrede si v, ghelijck mi die vader ghesonden heeft, soe seynde ick v.

22

Als hi dit gheseyt hadde, heeft hi op haer geblasen, ende seyde haer, Ontfanct den heyligen gheest,

23

Wiens sonden ghi vergheeft, worden haer vergeuen. Wiens ghi houdt zijn ghehouden. *

24

+ Ende Thomas een vanden twaeluen, ⁺ die ghenoemt is Didimus, en was niet met haer, als Iesus quam.

+ F

25

Daerom hebben die ander discipulen geseyt, Wi hebben den Heere ghesien. Ende hi heeft haer gheseyt, Het en si, dat ick sie in zijn handen dat teeken der nagelen, ende minen vinger steke in die plaetse der nagelen, ende mijn hant steke in zijn side, ick en sals niet gheloouen.

26

Ende na acht daghen, waren zijn discipulen weder binnen, ende Thomas met haer. ⁺ Iesus is gecomen met besloten dueren, ende heeft gestaen int midden, ende heeft geseit, Vrede si v.

+ G

27

Daer na seit hi tot Thomas, Steect hier in uwen vinger, ende siet mijn handen, ende brengt v hant bi, ende steectse in mijn side, ende en wilt niet ongeloouich wesen, maer geloouich.

28

Thomas heeft geantwoort, ende geseyt tot hem, Mijn Heere mijn God.

29

Iesus seyt hem, Want ghi mi gesien hebt Thoma, hebt ghi ghelooft, Salich zijn si, die niet ghesien en hebben, ende ghelooft hebben. *

30

Veel ander teekenen heeft Iesus gedaen in die tegenwoordicheyt zijnre discipulen die welcke niet gescreuen en zijn in dit boec

31

Maer dese zijn gescreuen, op dat ghi ghelooft, dat Iesus is die sone Gods, ende op dat ghi geloouende, hebben muecht, dat leuen door sinen naem. *