De Vorsterman Bijbel

§ Dat .xlvij. Capittel.

1

⁺ENde hi keerde mi om ter poorten waert vanden huyse, ende siet, daer quamen wateren wt onder den dorpel vanden huyse ten oosten waert. (Want dat aensichte vanden huyse sach oostwaert) Ende die wateren liepen nederwaert in die rechte zyde vanden tempel, totter zuytziden waert vanden outare

+ A

2

Ende hi leyde mi wt door den wech der noortpoorten, ende hi keerde mi om ten wege buytten der buytenster poorten, ende ten wege die ten oosten waert sach, Ende siet, die wateren liepen daer weder ouer vander rechter ziden,

3

⁺Doen die man wt quam ten oosten, die een coorde in zijn hant hadde, ende hi mat duysent cubitus, ende hi leyde mi door die wateren totten enckelen toe,

+ B

4

Ende hi mat weder duysent cubitus, ende hi leyde mi door dat water totten knyen.

5

Ende hi mat weder duysent cubitus, ende hi leyde mi door dat water totten lendenen, Ende hi mat noch duysent cubitus, ende ick en mochte ouer die riuiere niet gaen, want die wateren vander dieper riuieren waren ghewassen datmen daer niet doorgaen en mochte.

6

Ende hi seyde tot mi, Sekerlijck hebdi dit ghesien, des menschen sone? ⁺ Ende hi leyde mi wt, ende hi keerde mi totten oeuer vander ryuieren.

+ C

7

Ende als ick mi omgekeert hadde, siet, so stonden opten oeuer der ryuieren zeer veel boomen van beyden zyden.

8

Ende hi seyde tot mi. Dese wateren die wtcomen totten grauen vanden oosten zauele, ende nederloopen ten slechten lande vander wildernisse, sullen in

[p. S7r]

dese zee gaen, ende sullen wtgaen, ende die wateren sullen ghesont worden.

9

Ende alle leuende ziele die kruypt, alomme daer dese riuiere comen sal, sal leuen, Ende daer sullen vele visschen zijn, waer dat dese wateren comen sullen, ende si sullen genesen worden, ende leuen, alle dingen daer dese riuiere toecomen sal.

10

Ende op die sullen staen visschers, van Engaddi tot Enoglaim toe, sal zijn een plaetse die netten te droogen wt te spannen, ⁺ Want alderley visschen sullen daer zijn gelijc die visschen vander grooter zee ende van zeer grooter menichten,

+ C

11

Maer in de hauen vanden riuieren, ende in weecken landen, en sullen si niet gesont worden, want si sullen zijn gegeuen tot soutputten,

12

Ende op de riuiere sal wtwassen op haer hauen aen beyde siden, menigerhande ^* hout dat vrucht draget) Ende geen blat en sal van dien boomen vallen, ende haer vruchte en sal niet ^* ghebreken), Tot elcker maent sal dat hout brengen ^* zijn eerste) vruchte, Want zijn wateren sullen comen wt die heylige plaetse, Ende des houts vruchten sullen zijn tot spise, ende zijn bladeren tot medicinen.

* h. ooftboom

* h. verderuen

* the. tijdige

13

Dit seyt die ^* HEERE God Dit is die pale, daer ghi in besitten sult dat lant inden twaelue geslachten van Israel, want Ioseph heeft twee snoeren,

* h. heerscappende heere

14

Ende ghi sullet besitten, yegelijc gelijc als zijn broeder, daer ic mijn hant heb op geheuen, dat ict uwen vaders geuen soude Ende dit lant sal v geuallen tot ^* besittinge.)

* th. erflicheyt

15

⁺☞ Ende dits die pale vanden lande ten noortsidewaert, vander grooter zee die wech na Ethalon den genen die comen tot Sedada,

+ D

16

Hemath, Berotha, Sabaraim, die is int midden van Damasco, ende dat lant neuen Hemath, ^* Dat huys) Tichon, datwelcke is neuen den pae Auran.

* h. Chazar

17

Ende die pale sal zijn vander zee, tot ^* den zale Enon) die pale van Damasco, ende vanden noorden totten noorden, Die pale van Emath, Dit is die noortpale.

* h. Chazar Enon

18

Voort die pale vant oosten vant midden van Auran, ende van die middewaert van Damasco, ende vander middewaert van ^* Galaad) ende van de middewaert des lants van Israel, sal die Iordane scheyden, ter oostzeewaert, meet ooc die oostside.

* th. Gilead

19

Ende die zuytside ^* ten zuydenwaert) Van Thamar totten wateren der wedersegginge tot Cades, ende die riuier totter grooter zee, ende dits de zuytside ^* ten zuyden,

* th. Theman § die groote vloet, is Nilus in Egiptenlant

* th. tot Theman toe so is die westside

20

Ende die zeeside) is die groote zee van dien eynde terstont tot dat ghi comet tot Hemath, dits de ^* side vander zee)

* h. westside

21

Ende ghi sult v dit lant ^* deylen) door die gheslachten van Israel,

* th. metten lote wtdeylen

22

ende ghi sult v luyden dat leggen tot erflicheyt, ende den toecomelingen die tot v comen sullen, die kinderen voortgebracht sullen hebben int midden van v luyden [kolom] ende si sullen v zijn als ingheboren onder die kinderen van Israel, ende si sullen met v deylen die besittighe int midden vanden gheslachten van Israel,

23

Ende in wat gheslachte, een toecomelinc is, daer suldy hen besittinghe gheuen, seyt die ^* HEERE God.)

* h. heerscappende heere

§ Hier wort dat lant beschreuen aengaende den inwoonders des selfs lants, Ende van die stadt Gods.