De Vorsterman Bijbel

§ Dat .xlv. Capittel.

1

⁺ENde als ghi dat landt begint te deelen metten lote, so ^* versceyt af vruchten die eerstelingen vanden lande, die den HEERE geheylicht sullen zijn) in die lengde .xxv. duysent, ende in die breede .x. duysent. Dit sal geheylicht zijn, in al zijn eynden rontsom,

+ A

* th. suldy een deel afcheyden vanden anderen lande dat heylich si den Heere.

2

Ende het sal van elcker siden geheylicht worden vijfhondert bi vijfhondert, aen al vier dye siden al om, ⁺ Ende vijftich cubitus in haren voorsteden rontsom.

+ B

3

Ende van deser maten sult ghi meten die lengde van .xxv. duysent Ende die breede van .x. duysent, Ende daer in sal den tempel zijn, ende dat alder heylichste der heyliger dingen,

4

Dat gheheylichde van den lande sal den priesteren zijn, den dienaers vander heyligher plaetse, dye tot des HEEREN dienst gaen, Ende hen sal een plaetse tot huysen ende tot der heyliger plaetse der heylicheyt zijn,

5

Ende den Leuiten die den huyse dienen sullen toebehoren, dye .xxv. duysent der lengde, ende die .x. duysent der breeden. ⁺ Sy sullen .xx. scatcameren besitten,

+ C

6

Ende ghy sult besittinghen gheuen vander steden, in dye breede, vijfduysent, Ende in die lengde xxv. duysent, neuen dat afghescheyden der heyliger plaetsen, alle den huyse van Israel.

7

Ende ooc den prince ^* hier ende daer) aen dat afscheyden der heyliger plaetsen, Ende dat aen dye besittinghe der stadt, teghen dat

* th. op beyde siden

[p. S6r]

aenscouwen des afgesceydens der heyliger plaetsen, ende tegen dat aensicht der besittingen vander stadt, ter zyden vander zee, tot aen die zee toe, ende vander oostzyden totten oosten Maer die lengde, nae elcken deel van die westpale, tot die pale vant oosten,

8

sal hi zijn eyghen besittinghe in Israel hebben, Ende die princen en sullen mijn volc voort meer niet ^* verstroyen) Maer si sullen den huyse van Israel dat lant gheuen, na haeren gheslachten.

* h. beswaren

9

Dit seyt die ^* Heere God) Ghi princen van Israel, het si v ghenoech, Laet die boosheyt achter ende die roouen, doet oordeel ende gherechticheyt, Verscheyt v lantpalen van minen volcke, seyt die ^* HERE God,)

* h. heerscappende heere

* th. heerscapende heere

10

⁺Ghi sult een gerechte waechscale, ende een gherecht Ephi hebben, ende een gerecht Batus,

+ D

11

V Ephi ende Batus sullen ghelijck zijn, ende van eender maten, Also dat een Batus dat thiende deel van ^* Chorus) nemen sal, ende Ephi oock dat thiende deel van ^* Chorus) Na die mate van ^* Chorus) sal haer gewichte ghelijck zijn.

* h Chomer

* h Chomer

* h Chomer

12

Ende die Sikel sal .xx. ^* Hellinghen) hebben, Voort .xx. ^* Sikelen) ende .xxv. Sikelen, ende .xv Sikelen maken een ^* Mijne),

* the. Gera

* the. Gera

* the. mane.

13

Ende dit ^* zijn die eerste vruchten die) ghi nemen sult, dat sestendeel van Ephi, van een ^* Chorus) taruwe, ende dat sestendeel van Ephi, van een ^* Chorus) gersten.

* the. is dat hefoffer dat

* h Chomer

* h Chomer

14

Dit is ooc die mate vander olyen, een Batus olyen, is dat thiende deel ^* van Chorus) ende thien Bathen maken een ^* Chorum), Want .x. Batus vullen een ^* Chorus).

* the. eens baths van een Chor.

* h Chomer

* h Chomer

15

Ende eenen ram wter cudden van .ij. hondert scapen, vanden ghenen die Israel opuoet, ⁺ tot ^* offeranden) ende tot brantoffer, ende vreedsame offer, om hen te soenen, seyt die ^* HEERE Godt),

+ E

* h spijsoffer

* th. heerscapende heere

16

Al dat volc vanden lande, sal den prince van Israel al dese eerste ^* vruchten) schuldich zijn.

* h. hefoffer.

17

Ende ouer den prince sullen zijn, brantofferen, ende offeren, ende vochte offerande inden hooghen feesten, ende inden vierdaghen, ende inden Sabbathen, ende inden hooghen feesten des huys van Israel. Hi sal offerhande doen voor die sonde, ende brantoffer ende vreedsaemoffer om voor dat huys van Israel te versoenen.

18

Dit seyt die ^* HERE God) In ^* een der daghen) vander eerster maent, suldi een onbesmet calf vander cudden nemen, ende ghi sult die heylige plaetse suyueren,

* th. heerscapende heere

* th. den eersten dach.

19

⁺Ende die priester sal vanden bloede nemen, dat voor die sonde zijn sal, ende hi salt aenden post vanden huyse doen, ende aen die vier hoecken vanden sercsteen des outaers, ende aen die posten der poorten vander binnenster zalen.

+ F

20

Ende aldus suldi in [kolom] den .vij. dach vander maent doen, voor elcken die onwetende geweest is, ende met dwalinge bedrogen is, ende ghi sult voor dat huys versoenen.

21

In die eerste maent, opten .xiiij. dach der maent, salt v luyden vierlike feeste van paesschen zijn. Seuen daghen salmen ongheheeft broot eten.

22

Ende in dien dach, sal die prince voor hem, ende alle dat volck, een calf voor die sonde gheuen.

23

Ende int hoochtijt van die vij. daghen, sal hi den HEERE brantoffer gheuen .vij. onbesmette calueren, ende .vij. onbesmette rammen, alle daghe .vij. dagen lanck, ende telcken daghe voor die sonde eenen bock vanden geyten,

24

Ende een ^* offerande) van Ephi tot elcken calue, ende een Ephi tot elcken ramme, ende tot elcken Ephi sal hi een Hin olyen doen.

* h spijsoffer

25

In die .vij. maent, inden .xv dach vander maent, in dat hoochtijt sal hi die dinghen doen, die voorseyt zijn, als dese vij. daghen, so wel voor die sonde, als voor een brantoffer, ende ^* inden offer, ende in) die olye.

* h. met spijsoffer ende

§ Van die Sabboths offeranden, ende feest daghen, door wat poorten dat si sullen moeten incomen.