De Vorsterman Bijbel

§ Dat .xxi. Capittel.

1

⁺ENde des HEEREN woort geschiede tot mi, seggende,

+ A

2

des menschen sone, set v aensicht tot Ierusalemwaert, ende roept ten heyligen plaetsen waert, ende propheteert tegen dat lant van Israel,

3

ende ghi sult den lande van Israel seggen, Dit seyt die ^* HERE God) Siet, ic spreke tot v, Ic sal mijn swaert trecken wter scheide, ende ic sal onder v verslaen den rechtuaerdigen, ende den ongodliken

* h. heerscappende here

4

Ende om dat ic onder v ^* verslagen heb) den rechtuaerdighen ende den quaden, hierom sal mijn zwaert wt zijnre scheyden comen, tot allen vleesch vant zuyden totten noorden,

* th. verslaen sal

5

ende dat alle vleesch weten sal, ⁺ dat ic die HERE, mijn swaert wt zijnder scheyden getrocken heb ^* onwederroepelijc)

+ B

* h. dat nymmermeer ingesteken en sal worden.

6

Ende ghi des menschen sone versucht ^* in die in stucken wriuinge vanden lendenen) ende ghi sult voor hen versuchten ^* in de bitterheden)

* h. dat v die lendenen kraken mogen

* th. bitterlic

7

Ende als si tot v seggen sullen waerom versucht ghi? So sult ghi seggen, Om des geruchts wil, want tcoemt, ende alle herte sal ^* versmilten) ende alle handen sullen sonder macht zijn, ende alle ^* gheest) sal cranc zijn, ende ouer alle knien sullen wateren vloeyen

* the. vertsagen

* theb. moet

[p. R1v]

Siet, het coemt, ende het sal geschieden, seit die ^* HEERE God.)

* thebr. heerscappende HEERE

8

Ende des HEEREN woort gesciede tot mi segghende,

9

Des menschen sone, propheteert, ende ghi sult seggen, Dit seit de ^* HERE God) Spreect, Dat swaert, dat swaert is geslepen ende geuijlt,

* thebr. heerscappende HEERE

10

ende om intwee te houwen die offerhande, ⁺ so ist gescharpt, om dattet blincken sal, so ist geuijlt ^* Ghi, die mijns soons cepter roert, hebt alle hout afgehouwen)

+ C

* h. Hoe, souden wi ons des verhuegen, want daer gheen hout en is tegen mijns soons roede § Dat is, alle der heydenen straffingen sullen gheheel licht zijn, tegen der Israëliten straffinge.

11

Ende ic hebt gegheuen te schauene, om datment metter hant houden sal, Dit swaert is ghescharpt, ende dit is gheuijlt, om dattet zijn sal in des ghenen hant die dootslaen sal.

12

Des menschen sone, roept, ende huylt, want dit swaert is gemaect tot minen volcke, dit is in allen den vorsten van Israel die geuloden waren, si zijn den swaerde ^* gheleuert) met minen volcke.

Hierom slaet op v dgie,

* the. vergadert

13

want het ^* is geproeft, ende dat, alst die cepter omgeworpen heeft, en salt niet zijn, seyt die HEERE v God)

* theb. ware sonder dat genoech gecastijdt, al waert, dat die cepter niet en ware, seyt die heerschappende heere

14

Ghi des menschen sone, propheteert hierom, ende slaet die een hant aen die andere hant, ende dat swaert worde gedobbeleert, ende dat swaert vanden ghenen die verslagen zijn, worde ghedrieuoudicht, Dit is tswaert vanden grooten dootslach, datse versteruen doet,

15

ende veruaeren metter herten, ende het vermenichfuldicht die vallen.

In allen haeren poorten heb ic gegeuen dat verstooren vanden scharpen swaerde, dat geuijlt is, om te blincken ende ^* gecleet ten slage.

* h. ingebonden op den slach maect v op een side, het si

16

Wort gescarpt gaet) ter rechter oft ter slincker siden, so werwaert dat v aensicht ^* begheert)

* th. ghestelt is

17

Ende ic sal ooc slaen metter hant aen die hant, ende ^* voldoen) mine gramschap, Ic die HEERE hebt gesproken.

* th. doen rusten

18

Ende des HEREN woort geschiede tot mi, seggende,

19

Ende ghi des menschen sone, ⁺ legt ghi v twee wegen dat des conincs van Babilonien zwaert come, Wt eenen lande sullen si beyde comen, Ende hi sal metter hant ^* vangen die waerseggerie, int hooft des weechs vander stadt sal hi waerseggen)

+ D

* th. scheppen int voorste vanden wege sal hi een stat verkiesen

20

Den eenen wech sult ghi legghen, dattet swaert come tot Rabbath van Amons kinderen, ende tot Iudam in Ierusalem die zeer vast is,

21

Want die coninck van Babilonien ^* stont) op eenen scheywech, ⁺ in dat hooft van tween straten, soeckende waerseggerije, ende mengde die geschutten tsamen Hi vraechde den afgoden ^* hi vraechde raet aen die ingewanden)

* h. sal staen

+ E

* th. ende besach aen een leuere

22

Tot zijnder rechter siden was waerseggerije gedaen, op Ierusalem, dat hi die ^* rammen stellen soude, ende dat hi den mont opdoe inden dootslach, dat hi zijn stemme opheffe in gehuyle, ende dat hi ram-[kolom]men rechte tegen die poorten, ende den dijc toedrage, om bolwercken te settene

* h. hooftluiden § Rammen zijn oorloochs instrumenten diemen voirtijts ghebruyct heuet, de statpoorten mede open te stooten.

23

^* Ende hi sal zijn in haeren ooghen, als te vergheefs antwoort soeckende aen dantwoorde, ende als na volgende die ledicheyt van des Sabboths vierte, Maer hi sal der boosheyt gedencken om die stadt te winnen.)

* h. Maer si sal alwaer segghen te vergheefs bedencken, oft zijt wel seuenmael seuenmael proeuen. Maer die vermaent hen tot die misdaet, van dierwegen si goet te vaen waren.

24

⁺Hierom seyt ^* die HERE v God,) Om dat ghi ghedacht hebt uwe boosheden, ende hebt geopenbaert uwe ouerdadicheden, ende uwe sonden openbaer gheworden zijn, in allen uwen gedachten, Daerom segge ick, om dat ghi dat ghedacht hebt, soo suldy metter ^* hant) gheuanghen worden.

+ F

* h. heersappende here

* the. gewelt

25

Ende ghi ghemeyn ende ongoddelijcke leytsman van Israel wiens dach dat coemt, ende voorgeschict is inden tijt der boosheit.

26

Dit seit die ^* HEERE God) doet af den mitere, doet wech die croone, ^* En is dit die niet, die den ootmoedigen op verhief, ende den hooghen vernederde?

* thebr. heerscappende Heere

* the. Die nedere wilt hem verheffen daer die verheuene toch vernedert moet worden, verderuen, verderuen verderuen wil ict

27

Boosheyt, boosheit, boosheit, sal icse setten) Ende dit en is niet geschiet, voor dat hi comen sal, wiens dat oordeel is, ende ick salt hen ouerleueren.

28

Ende ghi des menschen sone propheteert ende segt, Dit seyt die ^* HEERE God) tot Amons kinderen, ende tot haeren lachtere, Ende ghi sult seggen, Swaert, swaert gaet wter sceiden om doot te slaen, vijlt v, dat ghi doot slaetst

* h. heerscappende HERE

29

ende blincket, als si v die ydelheden sagen ende voorseyden v lueghenen, dat ghi sout worden gegeuen, op der ongodlicker gewonder halsen, welcker dach comen sal, die voorgeschict is inden tijde der boosheit,

30

Keert weder tot uwer scheyden in die plaetse daer ghi geschapen waert. Int lant uwer geboorten sal ic v oordeelen,

31

ende storten wt op v mijn gramschap, Inden vier mijnre gramscap sal ic in v blasen, ⁺ ende ic sal v in sotter menschen handen gheuen ende die verderffenisse maken sullen,

+ G

32

Ghi sult den viere spise zijn, Ende v bloet sal int midden van dat lant zijn, ghi sult der veghetentheyt gheleuert worden, Want ic die HEERE hebt ghesproken.

§ Dwoort Gods teghen Ierusalem, om der bloetstortinghen wille, ende om die oneeringhe der ouderen ende veel ander quaets, Ende dat tvolc tsamen soude worden geblasen ghelijc metael int forneys.