De Vorsterman Bijbel

§ Dat .xlvij. Capittel.

1

⁺TWoort des HEREN dat ghesciet was tot Ieremiam den propheet, tegen die Palestinen, eer pharao Gazam versloech,

+ A

2

Dit seit die HERE, Siet die wateren climmen op vant noorden, ende si sullen zijn als een oueruloeyende beke, ende si sullen ouerdecken dat landt ende zijn volheit, die stat ende die ghene die daer in woonen.

⁺ Die menscen sullen roepen, ende alle die int lant woonen sullen huylen,

+ B

3

vanden geruchte der pomperien van zijn wapenen, ende crijschknechten, vant beroeren van sinen wagenen ende vander menichte van sinen raderen, Die vaders en aensagen die kinderen niet met haeren onbeslotenen handen,

4

voor die toecoemste des daechs, inden welcken alle die Philistinen verwoest sullen worden, ende ^* Tyrus) ende Sidon sullen vernielt worden met alle haeren anderen hulpers.

Want die HEERE heeft die Palestinen verwoest, die ouerblijfselen des Eylandts van Capadocien.

* th. zor

5

⁺Die caluheyt is op Gazam gecomen, Ascalon ^* sweech) ende die ouerbleuene haers dals.

+ C

* th. verstroekt

6

O des HEEREN scherpe zwaert, hoe langhe sult ghi slaen, hoe lange sult ghi zijn, ende niet rusten? Gaet in uwe scheyde, verrust v, ende swijcht,

7

Hoe salt rusten, als hem die HERE beuolen heeft teghen Ascalon, ende teghen haer lantscappen, vander zee, ende hi daer met hem ouer een gedraghen heeft?

§ Gods woort tegen Moab ende haer steden, dat si sullen verdoruen worden, Ende dat Moabs gheuankenis inden laetsten daghen die wederom gebracht sal worden.