De Vorsterman Bijbel

§ Dat .xvij. Capittel.

1

⁺DIe sonde van Iuda is gescreuen met eenen yseren griffie in eenen Adamant naghel wtgegrauen op die ^* breetheyt) haerder herten, ende die hoecken van haeren outaren,

+ A

* the. tafelen

2

als haer kinderen gedencken sullen haerder outaren, ende haerder bosschen, ende der geloouerder boomen die op dye hooge bergen

3

offerhande doen in de velden, so sal ic uwe stercheit ende alle uwe scatten geuen tot rooue, v hoocheden in alle palen van uwen lande om der sonden wille,

4

Ende ghi sult alleen verlaten worden, van uwe erffelicheit die ic v gegeuen hebbe, ende ic sal v doen dienen uwen vianden, in een lant dat ghi niet en kent

Want ghy hebt een vier ontsteken in minen toorn, het sal tot inder eewicheyt branden.

5

Dit seyt die HEERE, Vermaledijt is dye mensce die op eenen mensce betrout, ende settet tvleesch sinen arm, ende wiens herte vanden HERE wijct.

6

☞ Want hy sal zijn, ghelijck heyde inder wildernissen, ⁺ ende hy en sals nyet sien, als dat goede comen sal, ⁺ maer hy sal woonen in droocheden inder wildernissen, in dat soute lant, daermen niet in woonen en mach.

+ B

+ Psal. i

7

Ghebenedijt is dye man dye inden HEERE betrout, ende die HERE sal zijn betrouwen zijn,

8

Ende hi sal zijn gelijc een hout datmen verplant op die wateren ^* dat aen die vochticheyt zijn wortelen schiet) ende en sal niet ontsien als dye hitte comen sal, Ende zijn loof sal groen zijn, Ende inden tijde der droocheyt en salt nyet besorcht

* th. neffens dye beke wortelt

[p. M8v]

zijn, noch geenen tijt en salt laten vrucht te maken.

9

☞ ^* Des menschen herte is arch, ende men macht niet ondergronden) Wie sal dat kennen?

* h. Een arch herte is ongeneselijc.

10

Ic ben die HERE, die dat herte ondersoecke, ende die lendenen proeue, ⁺ dye elcken geue na sinen wech, ende na die vrucht van sinen vonden,

+ Apo. ij.f

11

^* Een velthoen broet dat si niet ghebaert en heeft Si heeft rijcdommen ghemaect, ende niet inden oordeele.) In dat midden van haeren daghen sal sise laten, ende in haeren wtersten sal si onwijs zijn,

* the. Dit is gelijc een velthoen, dwelke dat niet geleet en heeft, wt bruet, Die buyten den rechte rijcdom vergadert

12

Die Coninclike setel der heerlicheyt die vanden beginne hooch gheweest is, die is dye plaetse onser heylichmakinge.

13

Dat ontbeyden van Israel sidy HEERE, al die v verlaten, sullen beschaemt worden, die van v wech gaen, sullen inder aerden gescreuen worden, want si hebben verlaten die adere vanden leuenden wateren den HERE selue,

14

Gheneest my HEERE, so sal ic gesont worden, maect mi behouden, ende ick sal behouden zijn, want ghi zijt mijn lof

15

☞ Siet si seggen tot mi, waer is des HEREN woort? Het come,

16

Ende ic en ben niet verstoort, v volgende die die herder zijt, ende ick en begheerde des menschen dach niet, ghi wetet, ⁺ Dat wt mijnen lippen gegaen is, dat was ^* rechtuaerdich in uwe aenscouwen,

+ C

* th. voor uwe aensicht

17

En zijt mi niet tot vreesen ghi zijt mijn hope inden dage mijns drucx.

18

Bescaemt moeten si worden die mi veruolgen ende ic en moet niet beschaemt worden, si moeten hen ontsien, ende en laet mi niet ontsien, Brenghet op hen den dach des drucks, ende met tweeuoudiger droefheyt bedroeftse.

19

Dit seyt die HERE tot mi, Gaet ende staet in die poorte der kinderen ^* mijns) volcs, door die welcke dye coninghen van Iuda door in gaen ende wt gaen, ende in alle die poorten van Ierusalem,

* theb. des

20

ende ghi sult tot hen segghen, Ghy coninghen van Iuda, ende alle Iuda, ende ghi alle die tot Ierusalem woont, hoort des HEREN woort, die inghaet door dese poorten.

21

Dit seyt die HEERE, Wacht uwe sielen, ende en wilt gheenen last draghen inden Saboth dach, noch en brenget niet inne door dye poorten van Ierusalem,

22

ende en wilt gheenen last ^* wtworpen) wt uwe huysen inden Saboth dach ende ghi en sult gheenderhande werc doen, Heylicht den Saboth dach also ic uwen vaderen beual.

* the. wt draghen

23

Ende si en hoorden mi niet, noch en neychden haer ooren niet, maer si verharden haere necken dat si my niet hooren en souden, noch leerende castijnghe ontfaen.

24

⁺Ende het sal zijn, ist dat ghi mi hoort, seyt de HEERE, so dat ghi gheenen last in en brenghet door die poorten van deser stadt, inden Saboth dach, ende ist dat ghi heylicht den Sa-[kolom]both dach, ende en doet gheenderhande werck in hem.

+ D

25

So sullen ingaen door die poorten van deser stadt, die coninghen ende die princen dye op Dauids throon sitten, ende dye op paerden en op wagenen gaen sitten, si ende haer princen die mannen van Iuda, ende die in Iherusalem woonen, ende men sal eewelijck in dese stadt woonen.

26

Ende si sullen comen vanden steden van Iuda, ende van alle siden om Ierusalem, ende van Beniamins lande, ende vanden nederlanden, ende vanden berch landen, ende van suyden brengende brantoffer ende dootofferhanden, ende^* offeranden) ende wierooc, ende si sullen ^* offerande) brenghen in des HEEREN huys.

* the. spijsoffer

* the. lof

27

Maer ist dat ghi mi niet en hoort, soo dat ghy den Saboth dach heylighet, ende dat ghy gheenen last en draghet, ende inne en brengt door die poorten van Ierusalem inden Saboth dach, soo sal ick een vier ontsteken in uwe poorten, ende het sal verbranden dye huysen van Ierusalem, ende ten sal niet wt geblusschet worden.

§ Hoe God den prophete thoont, dat wi zijn aerden vaten zijn, Ende dat die HERE die quade breect, ghelijc een potbacker die potaerde, Ende van Christus liden, onder dye figuere van Ieremias persoon.