De Vorsterman Bijbel

[p. M1r]

Hier begint die propheet Ieremias.

§ Van wat geslacht die propheet Ieremias was, ende in wat tijt dat Ieremias propheteerde, Ende hoe Ieremias geheylicht ende een propheet den heydenen gestelt ende gesonden wert Ende hoe hi preken soude.

§ Dat eerste Capittel.

[afbeelding]

1

⁺DIe woorden Ieremie ^* Helchie) sone, een vanden priesteren, dye in Anathot, ende in Ben Iamins lant waren.

+ A

* th. Helkie

2

Dwoort des HEREN, dat tot hem gheschiet was, in Iosias Amons sone, des conincs van Iuda dagen, inden derthiensten iaere zijns rijcs

3

Ende het was ooc tot hem gheschiet in ^* Ioachims) Iosias sone, des conincs van Iuda dagen, ⁺ totten eynde vanden elfsten iare ^* Sedechias) Iosias sone des conincs van Iuda, Totter oueruoeringhe van Ierusalem in de vijfste maent.

* h. Ioiakim

+ B

* th. zedekia

4

Ende des HEREN woort is tot mi geschiet, seggende,

5

Eer dat ick v maecte, inden buyck, soo kende ick v, ende eer dat ghy wt quaemt door die vrouwelicheyt, soo heilichde ick v, ende ick gaf v eenen propheet inden heydenen.

6

Ende ick seyde ^* A, a, a, HEERE) Godt, siet, ick en kan nyet spreken, ick ben een kint.

* thebr. Ach heerschapper

7

Ende die HEERE seyde tot mi, En wilt nyet segghen, ick ben een kindt, Want ghy sult tot allen den ghenen gaen, daer ick v toe seynden sal, Ende alle die dinghen die ic v beuelen sal, sult ghi spreken,

8

En ontsiet niet van haeren aensichte, want ic ben met v dat ick v verlossen sal, seyt die HEERE.

9

⁺Ende dye HEERE stack zijn hant wt, ende hi raectede mijnen mont, ende die HEERE seyde tot mi, Siet, ic hebbe mine woorden gegheuen in uwen mont,

+ C

10

siet, ic heb v huyden gheset bouen die heydenen, ende bouen dye conincrijcken, dat ghi wtplucken sult, ende verstooren, ende verderuen, ende vernielen, ende stichten ende planten.

11

Ende des HEREN woort geschiede tot mi, seggende, Wat siet ghy Ieremia? Ende ic seyde, Ic sie een ^* wakende roede)

* the. Amandel roede

12

Ende die HEERE seyde tot mi, Ghi hebt wel gesien want ic sal waken op mijn woort dat ict doen sal.

13

Ende des HEEREN woort gheschiede tot mi anderwerf, segghende, Wat siet ghy? Ende ick seyde, Ick sie eenen ^* gloeyenden podt) ende zijn aensichte is vanden aensichte vant noorden.

* the. Siedenden pot

14

Ende die HERE seyde tot mi Van dat noorden sal verthoont worden dat quaet, op alle die ghene die int lant woonen

15

Want siet, ic sal vergaderen alle die ^* maech-[kolom]schappen vanden rijcke) vant noorden, ⁺ seyt dye HEERE, Ende si sullen comen, ende elc sal sinen coninclijcken setel setten inden inghanc vander poorten van Ierusalem, ende op alle haer mueren rontsomme, ende op alle die steden van Iuda.

* th. geslachten ende conincrijcken

+ D

16

Ende ic sal mijn oordeel met hen spreken van alre ^* boosheyt, Want) si hebben mi verlaten, ende den vremden goden geoffert, ende hebben aengebeden die wercken haerder handen.

* the. misdaden dat

17

Hierom omgordet uw lendenen, ende staet op, ende segt hen al dat ick v beuele ☜ En verschrict v nyet van haeren aensichte, Want ick en sal v niet doen ontsien haer aensichte,

18

Want ic hebbe v huyden ghegheuen tot een verwaerde stadt, ende tot eenen yseren calomne, ende tot eenen metalen muer, op alle dat lant, den coningen van Iuda, ende sinen princen, ende den priesteren, ende den volcke vanden lande.

19

Ende si sullen tegen v strijden, ende si en sullen v niet verwinnen, Want ic ben met v seyt die HEERE, dat ick v verlossen soude

§ Ieremias leert wat hi moeste segghen, dat alle dat volc van Israel God niet en sochte, Ende hi straft die priesters ende die herders om der afgoden wille, Van die twee quaden die tvolc gedaen hadde, dat si die leuende fonteyne hadden verlaten, ende hadden hen onclare waterputten gegrauen, daer gheen water in en bleef.