De Vorsterman Bijbel

§ Dat .xx. Capttel.

1

⁺INden iare (in dat welcke) Thartan in Asoten quam, als hem Sargon die Coninck van die van Assyrien sant, ende teghen Asoten gheuochten hadde, ende Asoten inne ghenomen hadde.

+ A

2

In dien tijt sprack die HEERE in die hant Esaie Amos sone, segghende.

Gaet ende ontbint den sack van uwen lendenen, ende ontschoeyt uwen schoen van uwen voeten. Ende hi dede also, wandelende naect ende baruoets.

3

⁺Ende die HEERE seyde, ghelijck mijn

+ B

[p. I8r]

knecht Esaie naect ende ontschoeyt ghewandelt heeft, drie iaren sal dat een teeken zijn ouer Egypten ende ouer dat Mooren lant.

4

⁺Also sal die Coninck van Assyrien driuen die ^* gheuanckenisse) van Egypten, ende die ^* verhuysinghe van) dat Mooren lant, den ionghen ende den ouden, den naecten ende ontschoeyden, ende met ontdecte aersbillen, den Egyptenaren tot schande.

+ C

* th. gheuanghene.

* th. verdreuene wt.

5

Ende si sullen schroemen ende beschaemt worden van dat Mooren lant haer hope, ende van Egypten haeren roem.

6

⁺Ende die bewoonder des eylants sal in dien daghe segghen, Was dit niet onse hope tot welcken wi vluchteden, om hulpe, op dat si ons souden verlossen vanden aensichte des Conincs van Assyrien, ende hoe sullen wi moghen ontulieden?

+ D

§ Hoe Babylonien valt door die Meden ende Persen, Ende vanden last van Idumeen. Ende vanden last van Arabien