De Vorsterman Bijbel

Dat .xi. Capittel.

1

⁺EEn valsche waghe is by den HERE een afgriselicheyt, ende een volle ghewichte is zijn welbehaghen.

+ A

2

Waer hoouaerdicheyt is, daer is oock laster, waer wijsheyt is, daer is die ootmoedicheyt.

3

Die simpelheyt der rechtuaerdiger salse ^* schicken) maer dat ondertreden der verkeerden salse verwoesten.

* the. leyden

4

Die rijcdommen en sullen niet baten inden dage der wraken, maer die gerechticheyt

[p. C4r]

verlost vander doot.

5

Die rechtueerdicheyt des eenuuldigen stiert sinen wech, maer die ongoddelijcke sal vallen, door zijn ongodlijc wesen.

6

Die rechtueerdicheyt der oprechtigher salse verlossen, ⁺ Ende die onrechtuaerdige sullen worden gheuanghen in haere laghen.

+ B

7

Als die ongoddelijcke mensche gestoruen is, soo en sal daer voort aen gheen hope wesen, ⁺ Ende dat verwachten der sorchfuldigen sal verghaen.

+ § Die sorchfuldigen zijn die eersiecke ende vrecke.

8

Die rechtueerdighe is wt der bangicheyt verlost, Ende die ongoddelijcke sal in sine plaetse geleuert worden.

9

Die geueysde bedriecht door den mont sinen vrient, Maer door kennisse worden die rechtuaerdige verlost.

10

Een stadt sal worden ^* verheuen) alst den rechtueerdigen wel ghaet, ende als die ongoddelijcke vergaen soo ^* sal daer lof zijn.)

* th. verhuecht

* th. salmen vrolijc zijn

11

Door die ghebenedijnghe der rechtuaerdiger, sal een stadt verheuen worden, Maer door den mont der ongoddelijcker, wort si in stucken ghebroken.

12

Wie sinen naesten veracht, is onwijs, ⁺ Maer een verstandich man ^* sal swijghen.)

+ C

* th. salt stillen.

13

Die bedriechlijck wandelt, die ontdect al wat hi heymelijck weet, Maer wie van getrouwer herten is, verbercht den raet des vrients.

14

Waer geen regeerder en is, daer sal dat volck vallen, Maer waer veel raetgheuers zijn, daer is veel salicheyts.

15

Wie voor eenen vremden borch wort, die sal met quaet ongheual ghequelt worden, Maer die hem voor den stricken wacht, sal vry sonder sorghe zijn.

16

Een gracieus wijf die sal eere ^* vinden, ende die starcke van lichaem sullen die rijcdommen hebben.)

* the. behouden Ende die zijn starck die dat rijcdom behouden.

17

Een barmhertich man doet wel zijnder zielen, Maer een die wreet is, verworpt ooc sine vrienden.

18

Die ongodlijcke doet een onghestadich werck, Maer die rechtuaerdicheyt zaeyt, die sal een gestadich loon hebben.

19

Goedertierenheyt bereyt dat leuen, Maer den quade na volghen, bereyt die doot.

20

Die HEERE heeft afgriselicheyt aen een verkeert herte, ende zijn welbehaghen tot die ghene die simpelijck wandelen.

21

^* Deen hant in die ander hant, die quade en sal niet onschuldich zijn) Maer der rechtuaerdigher zaet sal behouden worden.

* th. Den boosen en helpt niet al waert oock dat si alle handen te samen deden.

22

Een schoon wijf ende ^* die sot) is gelijck een gulden rinc in die nuese des sueghen.

* th. sonder onderwisinghe

23

Die begheerte der rechtuaerdigher is alle goet, Maer die verwachtinghe der ongodlijcker is gramschap. [kolom]

24

Die sommige deylen haer eygen goet wt, ende worden altoos rijcker, Die andere roouen dat hen niet toe en behoort, ende zijn altoos in armoede.

25

Die ziele die gebenedijt, sal vet worden, Ende wie droncken maect die sal oock droncken worden. ⁺

+ § Droncken, dat is wie rijclijc gheeft, dien wort rijcklijc wedergegheuen.

26

Wie coren verbercht, die sal onder dat volc vermaledijt worden, maer ghebenedijnge coemt ouer hem diet vercoopt.

27

Wie daer goet soect, ^* die staet wel vroech op inder dagheraet,) Maer wie een ondersoecker van quaden dingen is, salder af verdruct worden.

* th. dien gheschiet goet

28

Wie hem op zijn rijcdom verlaet, die sal vallen, Maer die rechtuaerdige sullen ^* vruchtten voortbrenghen) als een groen groeyende blat.

* th. groeyen

29

Wie zijn eygen huys ^* verstoort,) die sal windt tot erfdeel hebben, Ende een sot sal den wijsen dienen.

* h. bedroeft

30

Die vrucht des rechtueerdigen is eenen boom des leuens, ende het is een wijs man die die zielen ontfanct.

31

Ist dat den rechtuaerdigen opter aerden vergouden wort, hoe veel te meer den ongodlike ende sondaere?

§ Van die ghenade ende rechtuaerdicheyt van den rechten leeraer, vanden acker te bouwen, vanden goede ende quade der tonghen.