De Vorsterman Bijbel

§ Dauids .c. ende .xxxi. psalm. Een liet int hooge. ⁺ Memento.

+ int. heb. den c.xxxij. psa

1

GHedenct HEERE, Dauids, ende alle zijnder ^* saectmoedicheyt.)

* th. ellendicheyt.

2

Als hi swoer den HEERE, ende beloefde Iacobs ^* Gode) een belofte.

* th. machtighen

3

Ic en sal niet in die tente mijns huys gaen, Noch op den legher mijns beds ligghen.

4

⁺Ick en sal minen ooghen gheenen slaep gheuen, noch mijnen ooghen sluymeren.

+ A

5

Tot dat ic een plaetse vinde, voor den HERE, tot wooninghe Iacobs ^* Gode.)

* th. den machtighen

6

Siet wi hebben ^* van haer) ghehoort in Ephrata, Wi hebben gheuonden opten velde des wouts.

* Van haer dat is, die stede der wooningen

7

Wi sullen in sine wooninghe ghaen, ende aenbeden ^* in die plaetse daer zijn voeten gestaen hebben.)

* th. voor zijn voetbancke

8

⁺HERRE staet op tot uwer rusten, ghi ende die arcke uwer ^* heylichmakinghe.)

+ B

* theb. starcheyts.

9

Laet uwer priesters hen cleeden met gherechticheyt, ende laet uwe heylighen hen verblijden.

10

En keert niet af dat aensicht ws gesalfden om Dauid ws knechts wille.

11

Die HEERE heeft Dauid ghesworen die waerheyt, ende hi en sal hem niet ^* bedriegen,) Ick sal op uwen stoele setten, die vruchte ws lichaems.

* th. daer af keeren

12

Ist dat uwe kinderen mijn verbont houden, ende mijn ghetuyghenisse, dat ick hen leeren sal, Soo sullen haere kinderen ooc op uwen stoel sitten tot inder eewicheyt.

13

Want die HEERE heeft Sion vercoren, ende ^* heeftse vercoren voor hem seluen,) om aldaer inne te woonen.

* theb. heeft lust

14

Dit is mijn ruste tot inder eewicheyt, hier sal ic woonen, want ^* ic hebbe haer vercoren)

* th. het lust mi

15

Ic sal ^* ghebenediende haer weduwen) gebenedien, ende haeren armen met broot versaden.

* thebr. haer spijse

16

⁺Haere priesters sal ic met salicheyt cleeden, ende haere heyligen sullen vrolijck zijn met blijschappen.

+ C

17

Aldaer sal ic op doen gaen Dauids horen. Ick hebbe minen ghesalfden een lateerne bereyt.

18

Sine vianden sal ic met schanden cleeden, maer ouer hen sal ^* mine heylichmakinghe) bloeyen.

* h. zijn croone.