De Vorsterman Bijbel

§ Dauids .C. ende .xiij. Psal. ⁺ § In exitu Israel de Egypto

+ int heb. den C.xiiij. psal

1

⁺DOen Israel wt Egypten troc, ⁺ dat huis Iacob wt den volcke der barbaren.

+ A

+ Exo. xiij.a

2

Doen wert Iuda zijn heylichdom, Israel zijn heerscappie.

3

Die zee sacht ende vloot, die Iordane keerde haer terugghe.

4

Dye bergen huppelden gelijc die rammen, De hueuelen gelijc der scapen lammeren.

5

Wat was v ghi zee, dat ghi vloot? ende ghi Iordaen dat ghi terugge keerdet?

6

Ghi bergen dat ghy op [kolom] sprongt gelijc die rammen? Ghi hueuelen gelijc der scapen lammeren?

7

Voor des HEEREN aensicht beuet dye aerde, Voor Iacobs Gods aensichte.

8

Die den keye veranderde in een staende water, ende dye steenen in water fonteynen.

9

^* Niet ons HEERE niet ons, maer uwen name geeft die eere,

* int hebr. den C.xv. psal

10

Van uwer barmherticheyt ende waerheit, ⁺ Op dat die heydenen niet en segghen in eenigher tijt Waer is nv haer god? ⁺

+ B

+ Sapen. xv.d

11

Maer onse God is inden hemel Hi heeft gedaen, so wat hem belieft heuet.

12

^* Der heydenen) godekens zijn siluer ende gout, Wercken der menschen handen.

* the. Haer

13

Si hebben monden ende en sullen nyet spreken, Si hebben ooghen ende en sullen niet sien.

14

Si hebben ooren ende en sullen nyet hooren. Si hebben nuesen ende en sullen niet riecken.

15

Si hebben handen ende en sullen niet tasten Voeten hebben si ende en sullen niet wandelen ende en sullen nyet roepen door haer kelen.

16

Die alsulcke maken moeten ooc also worden ende alle die daer op betrouwen.

17

Maer Israel hoopte op den HERE, ⁺ Dye is haer hulper ende ^* beschermer),

+ C

* theb. schilt

18

Aarons huys hoopte op den HEERE, Dye is haer hulper ende ^* beschermer)

* theb. schilt

19

Die den HERE vreesen, hoopen ooc opten HERE, Dye is haer hulper ende ^* beschermer)

* theb. schilt

20

Die HERE gedacht onser, ende heeft ons gebenedijt. Hi ghebenedide Israels huys, Hy ghebenedide Aarons huys.

21

Hi ghebenedidese alle die den HERE vreesen, si zijn cleyne ofte groot.

22

Die HERE sals meer toe doen ouer v, Ouer v ende ouer uwe kinderen.

23

Ghi zijt ghebenedijt vanden HERE, Dye hemel ende aerde ghemaect heeft.

24

Den hemel alder hemelen is des HEREN, ⁺ Maer die aerde heeft hi den kinderen der menscen gegeuen

+ D

25

Die doden en sullen v HERE niet louen, noch die onderwaerts varen in die ^* helle)

* the. steylste

26

Maer wij ^* die leuen) louen den HERE, Van nv aen tot inder eewicheyt. Alleluya.

* Ten is niet int heb.