De Vorsterman Bijbel

§ Dauids .xx. Psalm. Om hooge te singen ⁺ § Domine in virtu.

+ int heb. den xxi. psalm.

2

⁺HEERE die coninck sal hem verblijden van uwer cracht, ende sal seer vrolijck wesen van uwer salicheyt.

+ A

3

Ghi hebt hem zijns hertten wensch gegeuen, ende ghi en hebt hem niet berooft vanden wille zijnder lippen.

4

Want ghi hebt hem voorcomen in gebenedidinghe der soetheyt, Ghy hebt een croone van costelijcke ghesteenten op zijn hooft gheset

5

Hi heeft v gebeden om dat leuen, ende ghy hebt hem lanc leuen gegeuen, ende eewelic immermeer

6

⁺Sijn eere is groote in v salicheyt, Ghy sult lof ende groote schoonheyt op hem stellen.

+ B

7

Want ghi sult hem tot een benedictie geuen van tijden tot tijden, Ghi sult hem verbliden in blijschappen met uwen aensichte.

8

Want die coninc hopet inden HEERE, ende en sal in die barmherticheit des alderhoochsten niet beruert worden.

[p. Hh6r]

9

V hant moet geuonden worden van alle uwe vianden, uwe rechte hant moet vinden al die v haten

10

⁺Ghi sultse maken gelijc eenen vier ouen, ter tijt ws aensichts, die HERE salse verscricken in zijnder toornicheyt, ende dat vier salse verslinden.

+ C

11

Haer vrucht suldi vernielen vanden lande ende haer saet van die kinderen der menschen.

12

Want si keerden tquaet tegen v, ende versierden raden die si niet en mochten vastmaken.

13

Want ghi sultse tot een rugge stellen ^* In uwer ouerbliuinge suldi haer aensichten bereyden)

* th. uwe pezen suldi spannen tegen haere aensichte

14

HERE verheft v in uwer cracht, wi sullen singen ende met sange louen uwe crachten.