De Vorsterman Bijbel

§ Dauids .xviij. psalm. Hooch te singen ⁺ § Celi enarrant.

+ int hebr. den xix. psalm.

2

⁺DIe hemelen vertellen die eere Gods, ende dat firmament vercondicht zijnder handen werck..

+ A

3

Eenen dach seget den anderen dwoort voort ende den eenen nacht onderwijst den anderen de conste

4

Het en zijn gheen spraken noch redenen, daermen haer stemmen niet en hoort

5

Haer geluyt is wt ghegaen in allen landen, ⁺ ende haer woorden in die eynden der rontheit des aertrijcs

+ Roma. x.d.

6

Hi heeft zijn wooninge inder sonnen gesedt, ⁺ Ende hi is ghelijc een bruydegom voortgaende van zijnder slaepcameren. Hi heeft hem verblijt als een ruese om den wech te loopen,

+ B

7

Van dat opperste des hemels is sinen wtganc Ende sinen toe loop is totten oppersten des hemels, ende niemant en isser die hem seluen verborcht van zijnder hitten.

8

⁺Des HEREN wech is onbeulect, ende bekeert die zielen, dat getuygenisse des HEEREN is getrou, geuende den cleynen wijsheyt,

+ C

9

Die rechtueerdicheyden des HEEREN zijn recht ende verbliden die herten, dat gebot des HEREN is licht, ende verlichtet de oogen

10

Die heylighe vreese des HEREN blijft van eewe tot eewe, dye oordelen des HEREN zijn warachtich gerechtueerdicht in hen seluen.

11

Si zijn weert begeert te worden bouen gout ende veel costelike gesteente, ende zijn soet bouen honich ende honichraten.

12

Want v knecht die bewaert die, in haer te bewaren is veel weder gheuens. [kolom]

13

Wie verstaet die versumelijcke sonden? maket mi reyn van minen heymelijcken sonden,

14

⁺ende spaert uwen knecht van vremde sonden. Ist dat si niet ouer my en regneren, so sal ic ombeulect zijn, ende sal ghereynicht worden vander alder grootste misdaet

+ D

15

Ende die redeuen mijns monts sullen wesen dat si behaechlijc sullen zijn, ende dye offeninge der ghedachten mijns herten. HEERE altijt in uwen aengesichte, ghi zijt mijn hulper ende mijn verlosser.