De Vorsterman Bijbel

§ Dat .iij. Capit.

1

⁺ENde Eliasib die ouerste priester stont op met sinen broederen den priesteren, ende timmerden die ^* cudden) poorte, si heylichdense, ende setten haer dueren in, ende heylichdense tot aen den toren *⁺ van .c. cubitus) te weten tot aen den toren Hanael,

+ A

* oft conincs

+ theb. Mea

2

neffens hem timmerden die mannen van Iericho, Ooc timmerden neffens hem Sachur die sone Amri,

3

Maer dye vischpoorte timmerden die kinderen Asnaa, si dectense, ende setten haer dueren in sloten ende grendelen, neffens hen timmerde Meremoth, die sone Vrie des soons Hakoz,

4

neffens hen timmerde Mosollam, die sone Barachie, des soons Mesesabeel, neffens hen timmerde Zadoch, die sone Baana,

5

neffens hen timmerden die van Thecaa, Maer haer opperste en hebben niet ondergeset haeren hals totten dienste haers heeren God.

6

Ende die oude poorte timmerden Ioiada die sone Passeah, ende Mosollam die sone Besodia, si dectense ende setten haer dueren in ende sloten, ende grendelen,

7

Neffens hen timmerde Molatias van Gabeon, ende Iadin van Mereno, mannen van Gabaon ende Maspha, voor den vorst die was aen dese side des waters,

8

⁺neffens hem timmerde Vsiel, dye sone Harhaia die goutsmit, neffens hem tim-

+ B

[p. Aa6r]

merde Hanania die sone des apotekers, ⁺ ende si hebben Ierusalem geholpen tot aender breder straten mueren,

+ C

9

neffens hem timmerde Raphaia die sone Hur, die ouerste des wijcs te Ierusalem,

10

neffens hen timmerde Iedaia, de sone Harmaph, tegen zijn huys ouer, neffens hem timmerde Hattus, die sone Hasebonia

11

Maer Melchias die sone Harim, ende Hasub die sone Pahath Moab, timmerde dat halue deel vanden wijck, ende den toorn biden ouen

12

neffens hem timmerde Sellum die sone Alohes die ouerste des haluen wijcks te Ierusalem hi ende zijn kinderen.

13

Die dalpoorte timmerde Hanun, ende dye borgers van Sanoc, ⁺ si timmerden ende setten in haer dueren, sloten, ende grendelen, ende .m. ellen aen die mueren, tot aen die mestpoorte.

+ D

14

Maer die mestpoorte timmerde Melchias die sone Rechab die ouerste des wijcs betacharam Hi timmerdese ende sette in, haer dueren, sloten, ende grendelen.

15

Die fonteyn poorte timmerde Sellum die sone Chal Hosa, dye prince des dorps Maspha. Hi timmerdese ende sette in haer dueren sloten ende grendelen, daer toe die mueren aen die piscine Syloe, inden hof des Conincs, tot aen die trappen die vander stat Dauid neder gaen,

16

na hem timmerde Nehemias de sone Asboc, die ouerste des haluen wijcs deel te Bethzur, tot teghen dat graf Dauids ouer tot aen die piscine die met groot werc getimmert is, ende tot aen dat huys der stercken.

17

⁺Na hem timmerden die Leuiten Rehum die sone Bani, neffens hem timmerde Asabia die ouerste des haluen wijcs deel, te Ceila in sinen wike

+ E

18

na hem timmerden haer broeders Bauai die sone Henadad, die ouerste des haluen wijcs dele te Ceila.

19

Neffens hem timmerde Ezer die sone Iosue, die ouerste te Maspha, twee deelen tegen den opganc des alderstercsten hoec,

20

na hem opten berch timmerde Baruch dye sone Sebai, twee deelen vanden hoec tot aen die huispoorte Eliasib des hoghen priesters,

21

na hem timmerde Meremoth, die sone Vrie, des soons Accoz, die tweede mate vander poorten des huys Eliasib, tot aen dat eynde des huys Eliasib.

22

Na hem timmerden die priesters die mannen wt den omliggende landen der velden vander Iordanen,

23

⁺na dien timmerde Beniamin, ende Hasub tegen haer huys ouer, na dien timmerde Azarias dye sone Maosie des soons Ananie neffens zijn huys,

+ F

24

na hem timmerde Benui, die sone Henadad ter tweeder maten vanden huyse Azaria tot aen den egghe, ende tot aen den hoec

25

Palal die sone Vsai timmerde tegen [kolom] den egge ende den hoogen toorn dye van sconincs huyse wt siet, ⁺ biden hof des kerckers, na hem Phadaia die sone pharos,

+ G

26

maer die Nathinneen woonden aen Ophel, tot tegen die waterpoorte oostwaert, daer den toorn wt kijct,

27

nae dien timmerden die van Thecur die maten der twee deelen tegen den groten toorn die wtsiet, ende tot aen die mueren des tempels.

28

Maer bouen vander paertpoorte aen, timmerden die priesters, elc tegen zijn huys,

29

na dien timmerde Zadoch de sone Emmer tegen zijn huise, na hem timmerde Semaja die soone Zechania die poortier der oostpoorten,

30

na hem timmerde Hanania die sone Zelenia ende Hanun die sone Zalaph die seste twee stucken na hem timmerde Mosollam die sone Barachia tegen zijn offerkiste, na hem timmerde Melchias die sone des goutsmits tot aen dat huys Nathinieen, ende die creemers die scilden vercochten tegen die raetspoorte, ende tot aen die zael des hoecx.

31

Ende tusscen die zael aenden hoec totter scaeps poorte timmerden die goutsmeden ende die creemers.

§ Hoe Sanaballath met zijn gesellen wouden striden tegen Ierusalem, ende hoe si Ierusalem op maecten.