De Vorsterman Bijbel

§ Dat .ix. Capittel.

1

⁺DOen dat al was geschiet, quamen tot my die ouerste, ⁺ seggende. Dat volc Israel ende die priesters ende leuiten en zijn niet afghescheyden vanden volcken des lants, na haeren afgriselicheden, te wetene, der Cananiten, Hethiten, Pheresiten, Iebusiten, Ammoniten, Moabiten, Egipteners, ende Amoriten,

+ A

+ iij.esdre viij c.

2

Want si hebben der seluer dochteren genomen tot huysurouwen voor haer ende haeren sonen, ende dat heylighe zaet ghemeyn ghemaect metten volcken van dien landen. Ende die hant der ouerster ende wethouders was die pricipaelste in deser misdaet.

3

⁺Doen ic dat hoorde, heb ic ontstucken gesneden minen mantel ende minen rock, ende ic trac mijns hoofts ende baerts haer wt, ende sat al droeuich.

+ B

4

Ende tot mi zijn ghecomen alle die des HEEREN woort des Gods Israel vreesden, om der groter ouertredingen wille ^* der gheender dye vander geuangenisse gecomen waren, ende ic sat al droeuich) aen dat auontoffer.

* Ten is niet in theb.

5

Ende alsmen dat auontoffer offerde, stont ic op van mijnder allendicheyt, ende schoerde mijn mantel, ende minen rock ende viel op mijn knien, ende recte mijn handen wt totten HEERE minen God,

6

ende sprac Mijn God ick schame mi ende ontsie mi mine aensicht op te heffen tot v, Want onse misdaet is ouer ons hooft ghemenichfuldicht, ende onse schult is ghewassen tot inden hemel.

7

Van

[p. Aa4v]

dier tijt onser vaderen aen. Maer daer en bouen hebben wi ooc swaerlic gesondicht tot op desen dach, ende om onser misdaet wille zijn wi ende onse coningen ende onse priesteren gegeuen in die hant der coningen der landen, int swaert, in die geuangenisse, inden roof, ende in de scaemte des aensichts, gelijc dat heden toe gaet.

8

Maer nv is een luttel, ende eenen ogenblic ons gebet voor den HERE onsen God gesciet, dat ons noch wat ouer bleuen is te ontgaen, dat hi ons soude geuen eenen ^* vredeliken vrede) aen zijnder heyliger plaetsen, dat onse God onse oogen soude verlichten, ende geuen ons een luttel leuens in onse gedienstelicheit,

* th. naghel

9

Want wi zijn knechten, ende onse God en heeft ons niet verlaten al zijn wi knechten, ende heeft ontfermherticheit tot ons geneycht voor den Coninc van Persen, dat hi ons soude geuen tleuen ende verheffen thuys ons Gods, ende dat hi op timmeren soude die woeste verlaten plaetsen, ende geuen ons een ^* hope) in Iuda ende Ierusalem

* the. eenen thuyn

10

Ende nv wat sullen wi seggen onse God na desen? want wi uwe geboden verlaten hebben,

11

die ghi door die hant uwer knechten die propheten geboden hebt ende geseyt, dat lant daer ghy in gaet om te beeruen, is een onreyn lant, door die onreynicheit des volcs des lants in haren afgriselicheden, daer mede si dat ^* van monde tot monde) vol onreynicheden gemaect hebben ^* in haer besmettenis)

* th. hier ende daer

* Ten is niet in theb.

12

So en suldi nv v dochteren niet geuen haeren sonen, ende haere dochteren en suldi niet nemen uwen sonen, ⁺ ende en soect haeren vrede noch weluaert niet inder eewicheit, op dat ghi machtich wort, ende etet tgoet des lants, ende dat ghijt uwen kinderen beeruen moecht tot inder eewicheit.

+ D

13

Ende na allen dien dat ouer ons gecomen is, om onser booser wercken ende groter scult wille, hebt ghi onse God ons verlost van onse misdaet, ende hebt ons een behoudenisse gegeuen, soot nv heden is,

14

om dat wi ons niet omkeeren en souden ende uwe geboden laten varen, dat wi ons met den volcken deser afgriselicheden geen houweliken maken en souden. Sidi dan nv op ons gram, tot dat het gheheelic met ons wt si, datter niet ouer en bliue, noch geen behoudinge en si?

15

HERE god Israel ghi zijt gerechtich, want wi zijn ouer gebleuen tot een behoudinge, soot heden desen daghe toe gaet. Siet wi zijn voor v in onser scult, want om dies wille en ist niet te staen voor v.

§ Hoe dat volc van Israel een verbont maecten metten Here