De Vorsterman Bijbel

§ Dat .xvij Capittel.

1

⁺ENde zijn sone Iosaphat wert Coninc in zijn stede, ende regeerde voor hem, ende wert machtich teghen Israel.

+ A

2

Ende hi leyde crijsch volc in allen vasten bemuerden steden van Iuda, ende settede ^* vaste bolwercken) inden lande van Iuda, ende inden steden van Ephraim, die zijn vader Asa gewonnen had

* th. officiers

3

Ende die HERE was met Iosaphat, Want hi wandelde inden voorgaenden weghen zijns vaders Dauids, ende hi en betroude in Baalim niet,

4

maer in zijns vaders God, ende wandelde in sinen gheboden, ende niet na den sondigen wercken van Israel.

5

Daer om beuestichde hem die HERE dat Conincrijc in sinen handen. Ende geheel Iuda gaf Iosaphat giften ende hi hadde ontallike rijcdom ende eere in oueruloedicheyt.

6

Ende doen zijn herte moet ghenomen hadde inden wege des HEREN dede hi die hoochten ende boschkens voort of wt Iuda.

7

Inden derden iare zijns conincrijcs, sandt hi sine vorsten Bethail, Obdaiam Sachariam, Nathanael, ende Micheam, dat si leeren souden inden steden van Iuda,

8

⁺ende met hen de Leuiten, Semeam, Nathania, ende Sabadia, ende Azahel, Semiramoth, Ionathan, Adonia, Tobia, ende Tob Adonia, ende met hen die priesters, Elisama ende Ioram.

+ B

9

Ende si leerden tvolc in iuda, ende hadden den wet boec des HEREN met hen, ende trocken al omme in allen steden van iuda, ende leerden dat volc rontsomme.

10

⁺Ende die vreese des HEREN quam ouer alle conincrijcken inden landen die rontsomme Iuda lagen, dat si niet striden en dorsten teghen Iosaphat.

+ C

11

Ende die Philistinen brachten iosaphat giften ^* ende tol gelt) siluers. Ende die Arabiers brachten hem seuen duysent, ende seuen hondert rammen, ende seuen duysent ende seuen hondert bocken.

* th. een last

12

Also nam iosaphat toe ende wert altoos grooter. Ende hi timmerde in Iuda sloten gelijck toorrens, ende steden met mueren,

13

ende hadde volmaect vele wercken in die steden van iuda, ende strijtbaer mannen, ende machtige luyden waren te ierusalem.

14

⁺Ende dit was haer luyder getal der huysgesinnen van eenen yegelijcken. In iuda was dye prince des heyrs Edna een ouerste hooftman ende met hem waren drie duysent machtighe luyden.

+ D

15

Naest hem was Iohanan die ouerste, ende met hem waren .cc. ende .lxxx. duysent.

16

Na hem was Amasia Sechri sone, dye ^* ghewijde) des HEREN, ende met hem waren twee hondert duysent machtige luyden.

* th. vriwillighe

17

^* Desen volchde

* Ten is niet int heb.

[p. bb7r]

sterc ter oorloghen ^*) Eliada was een machtich man, ende met hem waren twee hondert duysent met bogen ende schilden gewapent,

* th. Van Ben Iamins kinderen

18

Na hem was Iosabad, ende met hem waren .c. ende tachtentich duysent ghewapent totten heyr,

19

Dese waren al bereyt tot des conincs hant, wtgenomen dat die coninc noch gheleyt hadde in die vaste steden, in gheheele Iuda.

§ Hoe Iosaphat tot Achab af quam, die welcke tsamen ten strijde gingen tot Ramoth in Galaad