De Vorsterman Bijbel

§ Dat .xij. Capittel.

1

⁺DOen Roboams conincrijc beuesticht ende becrachticht wert, so verliet hi die wet des HEREN, ende gheheel Israel met hem.

+ A

2

Maer inden vijfsten iare Roboams des Conincs, trock Sesack die Coninc van Egipten teghen Ierusalem (Want si hadden hen besondicht aen den HEERE,)

3

met duysent ende twee hondert waghens, ende met tsestich duysent ruyteren te paerde, Ende dat volck en was niet te tellen dat met hem quam wt Egipten, Libien ^* Trogloditen) ende Mooren,

* th. Suchim

4

Ende hi wan die vaste steden die in Iuda waren, ende quam tot Ierusalem toe.

5

⁺Doen quam Semaias dye propheet tot Roboam, ende totten ouersten princen van Iuda, die hen tot Ierusalem vergadert hadden, vluchtende voor Sesack, ende sprac tot hen, Alsoo spreect die HEERE, ghi hebt mi verlaten, daer omme heb ic v ooc verlaten in Sesacks hant.

+ B

6

Doen ^* veruaerden) hen dye ouerste van Israel met den coninc, ende spraken. Die HEERE is rechtuaerdich.

* the. verootmoedichden

7

Maer als die HEERE sach dat si hen verootmoedichden, so quam dat woort des HEEREN tot Semaiam, ende sprack, Want si hen verootmoedicht hebben, daeromme en sal icse niet verderuen, Maer ic sal hen een weynich helpen, dat mijn verbolghentheyt niet en druype gheheel op Ierusalem door Sesack

8

Maer si sullen hem onderdaen zijn, op dat si bekennende worden, wat onderscheit dat si tusschen minen dienst ende den dienst des conincrijcs der lantschappen.

9

⁺Alsoo trock Sesack die coninc van Egypten op van Ierusalem, Maer eerst nam hy die schatten des huys des HEEREN, ende die schatten des huys des conincs, ende namt al wech, ende nam oock die gulden schilden, die Salomon maken dede,

+ C

10

In welcker stede die Coninck Roboam metalen schilden liet maken, ende beualse den ouersten vanden sciltdrageren, die aen die dueren des conincs huys [kolom] bewaerden.

11

Ende so dicwils als die coninck in des HEEREN huys ghinck, quamen dye schiltknechten, ende droegense, ende brachtense weder in haer wapencameren,

12

Ende want si hen verootmoedichden, so keerde haer die gramschap des HEEREN van hen, alsoo dattet niet al wt gheueecht en wert, Want in Iuda waren noch goede ^* wercken) gheuonden.

* th. woorden

13

⁺Alsoo wert Roboam die coninck sterckelic gheuesticht te Ierusalem, ende regeerde Een ende veertich iaer was Roboam oudt, doen hi Coninc wert, ende regheerde seuenthien iaer te Iherusalem, in die stadt die die HEERE vercoren hadde wt al die geslachten van Israel, ⁺ dat hy sinen naem daer soude stellen. Sijn moeder hiet Naama een Ammonitinne,

+ D

+ iij.re. xiiij.f

14

ende hy dede quaet, ende en voechde zijn herte niet, dat hy den HEERE ghesocht hadde.

15

Roboams geschiedenissen, beyde die eerste, ende die laetste, zijn ghescreuen in die ⁺ boecken) van Semeie des Propheten, ende Addo des sienders, ende naerstelijcken op geteekent, Daer toe die oorloghen van Roboam ende Ieroboam, dye duerden haerder beyden leuen lanck,

+ th. woorden.

16

Ende Roboam ontsliep met sinen vaderen, ende wert begrauen in Dauids stadt, Ende zijn sone Abia wert coninck ghemaect voor hem, ende regheerde in zijn stede.

§ Van Abie Roboams soons rijck, ende van sinen strijdt ende verwinninghe teghen Israel, ende van Ieroboam, ende van Ieroboams doot, Ende hoe dat volck van Iuda douerhant behielt, om dat si hoepten in den Heere haerder vaderen God