De Vorsterman Bijbel

§ Dat .xxiij. Capittel.

1

⁺ENde si bootschaptent weder den coninc dat si geseyt hadde. ⁺ Ende tot hem zijn vergadert alle die ouders van Iuda ende Ierusalem,

+ A

+ ij.paralip. xxxiiij.f

2

ende die coninck ghinck op inden tempel des HEEREN ende alle die mannen van Iuda ende al dinwoonders van Ierusalem met hem priesters ende propheten, ende al tvolc beyde cleyn ende groot, ende men las voor haer ooren alle die woorden des boecs vanden verbont, dat inden huyse des HEERE gheuonden was,

3

Ende die coninck ghinc staen op een ^* trappe,) ende maecte een verbont voor den HEERE, dat si den HEERE na souden volgen ende houden zijn geboden, getuygenisse ende zeden wt gheheelder zielen, dat si op souden rechten die woorden des verbonts, die geschreuen stonden in desen boec, Ende al tvolc ^* consenteerde) in in dat verbont. [kolom]

* the. calomne,

* theb. tradt

4

⁺Ende die coninc gheboot den hoogen priestere Helchie, ende den priesteren der tweeder oordine, ende den duerwachters, dat si wten tempel souden doen, alle die vaten die Baal ende den boschen ende alle den heyre des hemels gemaect waren, ende verbrandese buyten voor Ierusalem int dal Cedron, ende haer stof wert gedragen tot Bethel.

+ B

5

Ende hi dede die ^* waerseggers) te niette, die welcke die coningen van Iuda gesticht hadden, om op die hoochten wierooc te roocken, in die steden van Iuda, ende rontsom Ierusalem, Oock die wieroock aenstaken voor Baal, ende der Sonnen ende der Manen, ende den twaelf teekenen ende alle den heyre des hemels,

* th. Camorim

6

Ende dede dat boschken wten huyse des HEEREN voeren, buyten voor Ierusalem in die valleye Cedron, ende verbrandet ^* aldaer) ende maectet tot puluer, ende werp tstof, op die grauen der ghemeynder luyden.

* theb. in die beke Cedron,

7

Ende hi brac af die huysen der ^* wijfachtiger mannen, die inden) huyse des HEEREN waren, voor den welcken die wiuen huysen wrachten, als huyskens vanden boschkens,

* th. hoereerders die aenden

8

Ende hi vergaderde al die priesters wten steden van Iuda, ende veronreynichde die hoochten daer die priesters ^* offerhanden) deden van Gabaa tot Bersabee. Ende brac die outaren in die poorten af, inden inganc der dueren van Iosua des stadtsprince, welcke ter slincker hant was, alsmen totter statpoorten ghaet.

* theb. ruecwerck

9

Maer nochtans en clommen die priesters der hoochten noyt op totten outaer des HEEREN te Ierusalem, maer si aten vanden ongeheefden broot, int midden van haeren broederen.

10

Hi ontsuyuerde oock dat Tophet, in dat dal der kinderen Hennon, ⁺ op dat niemant sinen sone ofte zijn dochter, den Moloch, door dat vier liet gaen,

+ C

11

Ende dede die paerden af, welck die coningen van Iuda, der Sonnen hadden geset, inden inganc van des HEEREN tempel, omtrent Nathamelechs des camerlincs setel, die tot Pharuarim was, Maer die waghens der Sonnen verbrande hi met vier,

12

ende die outaren die opten daken van Achaz eetcameren waren, die die coningen van Iuda gemaect hadden, Ende die outaren die Manasses ghemaect hadde, in die twee voorhouen van des HEEREN tempel, brac de coninck af, Ende liep van daer, ende wierp haer stof in die beke Cedron.

13

Oock die hoochten die voor Ierusalem waren ter rechter hant aenden berch ^* der vertoornissen) die Salomon die coninck van Israel getimmert hadde Astaroth den afgod van Sidon, Ende Camos den vertoornisse

* the. Mashith,

[p. z2r]

van Moab ende Melchom die afgrijselijcheden der kinderen Ammon, veronreynichde die Coninc,

14

ende brac die calomnen der beelden, ende royede wt die boschkens, ende veruulde haer plaetse met menschen dootbeenderen.

15

Hier en bouen den outaer die te Bethel was, ende die hoochte dye Ierobeam ghemaect hadde Nabaths sone, ⁺ dye Israel dede sondigen, den seluen outaer brack hi af, ende die hoochte, ende maectese tot stof, ende verbernde dat boschken.

+ D

16

Ende Iosias keerde hem omme, ende sach die grauen die op den berch waren, ende sandt wech ende liet die beenen wt den grauen halen, ende verbrandese opten outaer ende veronreynichde dyen, naden woorde des HEEREN, dat die man Gods wtgeroepen hadde, dye dese selue woorden voorseyt hadde.

17

Ende hi sprack, Wat titel is dat, dien ick hier sie? Ende die luyden vander stadt spraken tot hem, Tis dat graf des man Gods, die van Iuda quam, ende voorseyde dese woorden, die ghi gedaen hebt tegen den outaer te Bethel,

18

Ende hi seyde, Laet hem ligghen, nyemant en roere zijn ghebeente. Alsoo bleuen zijn ghebeenten ongeroert metten gebeenten des propheten, die van Samarien ghecomen was.

19

⁺Hy dede oock wech alle dye huysen der hoochten inden steden van Samarien, welcke die Coninghen van Israel gemaect hadden, om ^* den HEERE) te vertoornen, ende dede met hen in alle maniere, so hijt tot Bethel ghedaen hadde.

+ E

* ten is niet int hebre.

20

Ende hi doode alle dye priesters der hoochten die daer waren, op die outaren, ende verbernder also menschen beenen daer op, ende quam weder te Ierusalem.

21

Ende hi geboot den volcke, ende sprack, Houdt den HEERE uwen Gode paeschen so dat geschreuen staet inden boeke des verbonts, ⁺

+ ij.pa. xxxv

22

Want daer en was gheenen Paesschen also ghehouden als desen, van der rechters tijt aen die Israel gheoordeelt hebben, ende in alle den tijden der Coninghen van Israel ende der coninghen van Iuda,

23

ghelijck int achthienste iaer des Conincs Iosie, desen Paesschen wert ghehouden den HEERE te Ierusalem.

24

☞ Ooc veechde Iosias wt alle die waerseggers, teekenbedieders, ende beelden der afgoden, ende alle onsuyuerheden, ende alle grouwelen, die inden lande van Iuda ende Ierusalem waren, op dat hi die woorden der wet op soude rechten, die gheschreuen stonden inden boeke, dat Helchias dye priester inden huyse des HEEREN gheuonden heeft.

25

Sijns [kolom] ghelijcken en was voor hem gheen Coninc gheweest, ☞ die also wt geheelder herten, wt geheelder zielen, wt allen crachten hem totten HEERE bekeerde, na alle die wet Moysi, ende na hem en quam zijns ghelijc niet op

26

Nochtans en keerde hem dye HEERE niet vander verbolghentheyt zijnder grooten gramschapen, daer mede hi ouer Iuda veroornt was, ⁺ om alle dye verweckinghe, daer mede dat hem Manasses verwect hadde.

+ F

27

Ende die HEERE sprack, Ick sal oock Iuda van mijnen aensichte wech doen, gelijck ick Israel wech gedaen habbe, ende ick sal dese stadt verworpen, die ic vercoren hadde, te weten Ierusalem, ende dat huys daer ick af geseyt hebbe, Minen naem sal daer zijn.

28

Wat meer van Iosia te seggen is ende alle wat hi gedaen heeft, En is dat niet gheschreuen inden boeck der woorden der dagen der Coninghen van Iuda?

29

Tot zijnder tijt troc Pharao Nechao die ⁺ Coninck van Egipten op, tegen den Coninck van Assirien aen dwater Euphratem, Maer die coninck Iosia troc hem tegen ende ^* is verslaghen) te Mageddo, doen hi hem ghesien hadde,

+ ij.pa. xxxv

* theb. sterf.

30

ende zijn knechten voerden hem doot van Mageddo, ende brachten hem te Ierusalem, ende begroeuen hem in zijn graf, Ende dat volc vanden lande nam Ioachas Iosie sone, ende salfde hem, ende maecte hem Coninck in zijns vaders stede. ⁺

+ ij.pa xxxvi

31

⁺Drientwintich iaer was Ioachas oudt, doen hi coninc wert, ende regeerde drie maenden te Ierusalem. Sijn moeder hiet Hamutal een dochter Ieremie van Lobna,

+ G

32

ende dede quaet dat den HEERE mishaechde, ghelijck zijn vaders gedaen hadden.

33

Ende Pharao Nechao nam hem geuangen, ende bont hem te Reblata, dwelcke leit inden lande Hemath op dat hi te Ierusalem niet regeren en soude, Ende hi schatte tlant hondert pont siluers ende een pont gouts,

34

Ende Pharao Nechao stelde Eliachim Iosie sone conincs in zijnk vaders plaetse, ende keerde sinen naem Ioakim, Maer Ioachas nam hi ende bracht hem in Egipten, aldaer sterf hi.

35

Ende Ioachim gaf dat siluer ende gout Pharao, als hi scattede dat lant, eenen yegeliken sonderlinge, om dat si siluer souden geuen naer Pharaos beuel, Elcken naer zijn vermogen schatte hi aen siluer ende gout, onder dat volc inden lande, dat hi Pharao Nechao gaf

36

Ioachim was vijfentwintich iaer oudt, doen hi coninc wert, ende regeerde elf iaer te Ierusalem, Sijn moeder hiet Sebida, Phadaia van Ruma dochter,

37

ende dede quaet dat den HERE mishaechde, gelijc zijn vaders gedaen hadden

[p. z2v]

§ Hoe Ioachim sterf, ende hoe hi drie iaer Nabuchodonosor diende, ende vanden roouers die Godt in Iuda sandt, Ende hoe Ierusalem belegert wert, ende hoe Iachim Nabuchodonosor te gemoete ginc met zijnder moedere ende zijn knechten ende princen ende camerlingen