De Vorsterman Bijbel

§ Dat .iij. Capittel.

1

⁺ENde Samuel dat knechtken diende den HERE ^* voor Heli) ende des HEEREN woort was diere ter seluer tijt, ende in dien daghen en was geen seker gesichte.

+ A

* th. onder Eli

2

Ende het gesciede ter seluer tijt dat Heli lach in zijn ^* beddeken) ende zijn ooghen beghonsten duyster te worden, also dat hi niet gesien en conste

* the. plaetse

3

die lichtende keerse Gods eer si wt ginck. Ende Samuel ^* sliep) inden tempel des HEREN, daer die arcke Gods was.

* th. lach

4

Ende die HERE riep samuel. Hy antwoorde, siet hier ben ic,

5

ende liep tot Hely ende seyde, Siet hier ben ic, want ghy hebt mi geroepen. Hi sprac. Ic en heb v niet geroepen, gaet wederom heenen, ende gaet wederom liggen slapen, Ende hi ginc liggen slapen.

6

⁺Ende die HERE deder noch meer toe, ende riep wederom, Samuel. Ende Samuel stont [kolom] op, ende ginc tot Heli ende sprac, Siet, hier ben ic want ghi hebt mi geroepen. Hi seyde. Ic en heb v niet geroepen mine sone, gaet wederom liggen slapen.

+ B

7

Maer Samuel en kende den HERE noch niet, ende des HEREN woort en was hem noch niet geopenbaert,

8

ende die HERE deder noch meertoe, ende riep samuel weder, ten derden male, ende hi stont op ende ginc tot Heli,

9

ende seyde. Siet hier ben ick want ghy hebt mi gheroepen. Doen mercte Heli, dat die HERE dat knechtken riep, ende sprack tot hem. Gaet weder henen, ende slaept, ende ist dat ghi geroepen wort, so segget. Spreect HERE, want v knecht hooret. Samuel ginc wech, ende sliep in zijn plaetse.

10

Doen quam die HERE ende stont daer, ende riep so hi te voren ten twedenmael geroepen hadde. Samuel, Samuel. Ende Samuel sprac. Spreect HERE, want v knecht hooret.

11

Ende die HERE sprac tot Samuel, siet ic doe een dinc in Israel, dat so wie dat hooren sal, dien sullen beyde zijn ooren tuten.

12

In dyen daghe sal ic verwecken tegen Heli, al wat ic op zijn huys gesproken heb. ⁺ Ic salt beginnen ende voleynden,

+ C

13

Want ic hebt hem geseyt, dat ic rechten sal ouer zijn huys eewelijc, om der misdaet wille, dat hi wiste hoe sine kinderen hen scandelijc hielden, ende en heeftse niet ghestraft,

14

daerom heb ic den huyse Heli gesworen, dat die misdaet des huys Heli niet versoent en sal worden, noch met offer, noch met ^* giften) tot inder eewicheyt.

* the. spijsoffer.

15

Ende samuel sliep tot smorgens toe, ende dede die duere op aen den huyse des HEREN.

⁺ Maer Samuel vreesde dat visioen Heli te kennen te geuen. ⁺

+ D

+ Ge. xvij.d.

16

Doen riep hem Heli, ende sprac. Samuel mijn sone. Hi antwoorde. Siet hier ben ic.

17

Heli vraechde. Wat is dat woort dat die HERE met v ghesproken heeft? Ick bidde v en verberget niet voor mi. God doe v dit, ende dat daer toe, ist dat ghi mi yet verberget, van alle dien dat hi met v gesproken heeft.

18

Doen gaf hem Samuel alle die woorden te kennen, ende en verberch niet voor hem. Ende hi antwoorde. Het is die HERE, hi doe dat hem wel behaget in sinen oogen.

19

Maer Samuel wies, ende die HERE was met hem, ende daer en viel geen van allen sinen woorden opter aerden.

20

Ende al Israel van Dan aen tot Bersabee toe wiste dat Samuel een getrouwe propheet des HEREN was,

21

ende die HERE deder noch toe dat hi openbaerde wederom tot Silo, want die HERE was samuel gheopenbaert tot Silo, na twoort des HEREN. ^* Ende Samuels woort is gecomen warachtich ende so beuonden ouer alle Israel)

* th. Ende alle Israel sprac van samuel.

[p. q4r]

§ Hoe die Philistinen tegen Israel streden, ende tvolc van Israel vluchtede, ende die arcke ghenomen wert, Ende hoe die kinderen Heli storuen.