De Vorsterman Bijbel

§ Dat .xviij. Capittel.

1

⁺DIe priesteren ende die Leuiten al die vant geslachte Leui zijn die en sullen gheen deel noch erue hebben met Israel, ⁺ Want den offer des HEEREN ende zijn heylige offerhande sullen si eten,

+ A

+ Nu. xviij.c

2

Daerom en sullen si geene erue onder haer broeders hebben, om dat die HEERE haer erue is, ☞ so hi hen geseyt heeft,

3

Dit sal der priesteren recht zijn vanden volcke, vanden ghenen die daer offeren, het si osse oft scaep, Datmen den priestere geue de schouder ^* ende die borst)

* the. ende beyde die wanghen ende de craweye.

4

ende die eerstelingen van uwen koren, van uwen moste, van uwer olien, ende ^* een deel) van die besceringe van uwen schapen,

* the. die eerstelinghen

5

Want de HERE v God heeft hem wtuercoren wt allen uwen geslachten, dat hi staen soude inden dienst, inden naem des HEEREN, hi ende zijn sonen haer leuen lanck.

6

⁺Als een Leuijt coemt wt een van uwen poorten, oft elders wt Israel, daer hi een gast is, ende coemt hi na die begeerte van zijnder zielen, in die stede, die de HERE vercoren heet,

+ B

7

om te dienen inden naem des HEREN zijns Gods, gelijc alle zijn broederen die Leuiten die aldaer voor den HEERE staen,

8

die sal ooc gelijc deel te eten hebben, behaluen dat hi heeft van zijns vaders vercocht goet.

9

Als ghi in dat lant coemt dat die HEE-

[p. l8v]

RE, v God v gheuen sal, soo en suldy niet leeren doen, die grouwelicheden van desen volcke

10

dat onder v niet beuonden en worde die ghene die sinen sone oft dochtere door dat vier laet gaen, ^* oft yemant die de waersegghers vraecht, oft die de droomen wacht oft wijchelerije)

* the. oft een waerseggere, oft een dach verkieser, oft die voghelschrey achtet oft een tooueraer oft beswerer

11

oft waersegghere, oft een teekenbediedere, oft die den dooden vragen

12

^* Alle dese dinghen) veronwaerdt God die HEERE, ende om alsulcker misdaets wille, verdrijft die HEERE v God voor v wech die heydenen in uwer toecoemste,

* the. die dit doet, dien

13

Maer ghi sult sonder ghebreck ende volmaect wesen metten HEERE uwen God,

14

Want dat volc dat ghi besitten sult, hooren die ^* wijchelaers) ende waersegghers, Maer ghi ^* zijt anders gheleert vanden) HEERE uwen God.

* theb. dachkiesers

* the. en sult v also niet stellen den

15

☞ Eenen Propheet, ghelijc mi, sal de HEERE v God v verwecken, ⁺ van v luyden ende van uwen broederen, ⁺ dien suldy hooren,

+ C

+ Actuum. vij

16

☞ gelijck ghi, den HEERE uwen God ghebeden hebt, tot Horeb, inden daghe der verghaderinghen ende spraect, Ick en sal voortmeer niet hooren, die stemme des HEEREN, mijns Gods, ende dat groot vier niet meer sien, op dat ick niet en sterue,

17

Ende die HEERE sprac tot mi, Si hebben alle dinck wel ghesproken, ⁺

+ Exod. xx.c

18

☞ Ick sal hen eenen Propheet gelijck ghi zijt, verwecken van haeren broederen, ende gheuen in sinen mont, mijn woort die sal tot hen spreken, al dat ick hem ghebieden sal,

19

Ende so wie mijn woort niet hooren en sal, dat hi in minen naem spreken sal, van dien sal ick die wraker zijn.

20

⁺Ende als een propheet vermetelijc is te spreken in minen name, dat ghene dat ick hem niet gheboden en hebbe te spreken, Ende wie dat spreect in ander goden name, die selue propheet sal ghedoot worden,

+ D

21

Maer oft ghi in uwer herten segt, hoe kan ic gemercken welcke woort die HEERE niet gesproken en heeft?

22

Als die propheet spreect inden name des HEEREN, ist dattet niet en gesciet oft datter niet af en coemt, so ist dat woort, dat die HEERE niet ghesproken en heeft, Die propheet, heeft vermetelijck ghesproken, wt opgheblasen hoouaedije zijnder herten, Daerom en suldy hen niet ontsien.

§ Hoe dat si moesten verkiesen steden der toeulucht ouermidts dootslach, Ende hoe dat si eenen valschen ghetuyge moesten straffen.