De Vorsterman Bijbel

§ Dat .xlix. Capittel.

1

⁺ENde Iacob riep zijn sonen ende sprack, Vergadert v, op dat ick v vercondige wat v geschieden sal inden laetsten dagen,

+ A

2

coemt te hoop, ende hoort toe ghi kinderen Iacobs, Hoort uwen vader Israel.

3

Ruben mijn eerste sone, ghi zijt mijn crachte, ende tbeghin mijnder ^* droefheyt) die eerste in die ghiften, ende die meeste inder macht

* the. stercten

4

^* ghi zijt wtgestort als water) Ghi en sult niet ^* wassen) want ghi hebt gheclommen op ws vaders bedde, ende hebt sinen legher besmet.

* h. hi vaert lichtueerdich gelijc water

* th. de ouerste zijn genesis. xxxv.

5

Simeon ende Leui ghebroeders, ^* vechtende vaten der boosheyt)

* th. ghi doodelijcke wapenen zijn scadelijcke ghetuych.

6

In haeren raet en moet mijn ziele niet comen, ende mijn heerlicheyt en si niet in haer vergaderinge, Want in haeren toorne hebben si den man doot gheslaghen, ende in haeren wille ^* ondergroeuen si die mueren)

* th. hebben si den styere verlemt genesis. xxxiiij

7

vermaledijt si haeren toorne, dat hi so gheduerich is ende haer veronweerdicheyt, want si so hert is, Ic salse verdeylen in Iacob, ende verstroyen in Israel.

8

Iuda uwe broederen sullen v louen, uwe handen sullen wesen in die necken uwer vianden, ⁺ ws vaders kinderen sullen v aenbeden,

+ B

9

Iuda ghi zijt een welpen van eenen leuwe, Mijn sone ghi zijt opgheclommen ^* ten roof) rustende hebdy neder gheleghen als een leeuwe ende als een leuwinne, Wie sal hem wecken?

* the. bouen den roof

10

Die coninclike sceptre en sal van Iuda niet af ghenomen worden, noch ^* een vorste van sinen dgyen) totter tijt dat comen sal ^* die gesonden sal worden ende hi sal zijn een verbeydinghe der Heydenen)

* the. een meester van sinen voeten.

* the. Silo ende tvolc sal hem toeuallen

11

bindende aenden wijngaert zijn vuelen, ende aenden wijnstock, ^* o mijn sone, zijn ezellinne) Hi sal zijn beste cleet wasschen inden wijn ende dwaen sinen mantele in der druyuen bloet,

* the. zijnder ezlinnen sone

12

Sijn ooghen zijn ^* schoondere) dan wijn, ende zijn tanden zijn wit blinckende, bouen melck.

* th. rooder

13

Zabulon sal aenden oeuere vander zee woonen, ende aen die hauenen der schepen, ende ghereycken tot Sidon.

14

Isachar sal eenen ^* stercken) ezele zijn,

* th. beenen

[p. c8v]

ende liggen tusschen die palen,

15

hi sach die ruste dat si goet was, ende dat lant, dattet zeer goet is, ende heeft zijn schouderen geneycht, om te draghen, ⁺ ende is dienstachtich gheuallen onder tribuyt.

+ Dienstachtich te weten den, coningen van Assirien.

16

Dan, sal rechter zijn in sinen volcke als een ander gheslachte in Israel,

17

Dan moet worden een slanghe opten weghe, ⁺ ende een ader inden pade, ⁺ ende dat peert in die verssen bijten dat zijn berijder te rugghe valle

+ C

+ iudic. xij.

18

HEERE ic sal wachten uwe salicheyt.

19

Gad sal ^* omghegort voor hem strijden, ende hi sal van achter omgort worden.)

* iosue. i. theb. theyr leyden, ende wederom brengen.

20

Aser, zijn broot is vet, ende sal den coninghen wellusticheyt gheuen.

21

Nephtali is een snelle ^* hert) ende gheeft schoone wtspraken.

* the. rehe. iudic. v.

22

Een opwassende sone is Ioseph, ⁺ een opwassende sone suyuerlijc van aensichte, die dochteren ^* hebben gheloopen ouer der mueren)

+ ioseph, een toenemer

* theb. gingen int regiment.

23

maer si hebben hem verbittert, ende hebben gekeuen, ende hebben hem benijt die ghene die pijlen hebben,

24

Sinen boge is geseten inden stercken, ende die banden zijnder handen ende armen zijn ontbonden door die hant des machtigen van Iacob, Van daer is een herder wtgegaen eenen steen in Israel,

25

God ws vaders sal uwe hulper wesen, Ende die almachtige sal v gebenedien met gebendijnge des hemels van bouen, ende met gebenedijnge des afgronts van beneden, met gebenedijnghe der borsten, ende des buyx

26

^* Die gebenedijnghen ws vaders zijn sterck gemaect, door die gebenedijngen zijnder vaderen, toe dat comen soude, die begheerte der eewiger bergen, Int hooft van Ioseph ende inder hoocheyt zijns hoofts laet worden Nazarei) onder zijn broederen.

* the. die gebenedijnge ws vaders ende mijnder ouders belouet, gaet sterckelijc naden wensche der hoocheyt der werelt. wt Ioseph sullen hoofden comen ende ouerste nazareen

27

Ben iamin, een grijpende wolf, des morghens sal hi roof eten, maer des auonts sal hi den roof wt deylen.

28

Alle dese zijn in Israel twaelf geslachten ende dese woorden heeft hen haer vader ghesproken, ende hi gebenedijde yegelijc met zijn eygen besonder gebenedijnge,

29

ende heeft hen beuolen seggende, ⁺ Ick worde verghadert tot minen volcke begraeft mi by minen vaderen in die speluncke opten acker Ephron des Hethiters,

+ D

30

in die dubbele speluncke die tegen Mambre leet int lant Canaan, die Abraham cochte met den acker van Ephron den Hethiter tot een erfbegrauenisse,

31

daer hebben si Abraham begrauen ende Saram zijn wijf, ende daer hebben si ooc Isaac begrauen met Rebecca zijn huysfrouwe, ^* Lea leet daer oock begrauen)

* the. aldaer heb ic oock Lea begrauen in dat gat des ackers ende der speloncken daerinne.

32

Ende als Iacob voleynt hadde die [kolom] gheboden, daer hi zijn kinderen mede leerde, dede hi zijn voeten te samen opt bedde, ende werdt afliuich, ende wert verghadert tot sinen volcke.

§ Hoe Ioseph sinen vader Iacob begraeft, ende zijn broeders vreesen hen, ende si begeeren ghenade van haerder misdaet van Ioseph, ende vercrighense ende van Iosephs beenderen ouer te voeren.