De Vorsterman Bijbel

[p. a7v]

§ Dat .xviij. Capittel.

[afbeelding]

1

⁺ENde die HEERE openbaerde hem, in dat dal ^* Mambre) als hi sadt aen die dore zijnder wooninghen, als den dach ten alder heetsten was,

+ A

* th. mamre

2

Ende als hi zijn ooghen op hief ^* openbaerden hen) drie mannen die bi hem stonden, Ende doen hise sach, liep hi hen te gemoete, vander dueren zijnder wooninghen, ende aenbadt neder opter aerden,

* th. ende sach ende siet

3

ende seyde, HEEre, heb ick genade geuonden, voor uwe oogen so en gaet niet voorbi uwen knechte,

4

Men sal v een luttel waters brengen, ende uwe voeten wasschen, ende rustet v onder den boom,

5

Ende ic sal v een beetken broots brengen, dat ghi luyden v herte laeft, dan suldy voortgaen Want daerom sidy tot uwen knechte gecomen, Si spraken, Doet also als ghi gheseyt hebt,

6

⁺Ende Abraham haeste hem tot Sara inder wooningen, ende seyde, Haest v, ende menghet drie maten bloemen vanden mele, ⁺ knedet ende bact asschekoecken.

+ B

+ Luce. i.b

7

Hi liep totten runderen, ende haelde een teer goet kalf, ende gaft den knape, die haeste hem, ende bereydet.

8

Ende hi droech op boter, ende melc ende vanden kalue, dat hi bereyt hadde, ende settet hen vore, Ende ginc voor hen staen, onder den boom.

9

^* Ende doen si gegheten hadden) spraken si tot hem, Waer is v huysfrouwe Sara? Hi antwoorde, siet daer binnen inder wooningen,

* h. ende si aten. Ende doen

10

Doen seyde hi, Ouer een iaer ^* tot deser tijt, gunt ons God tleuen) sal ic weder tot v comen, so sal Sara v wijf eenen sone hebben, Dat hoorde Sara, want si stont achter die duere der wooningen,

* the. nader tijt de vruchte geleuen kan

11

ende si waren beyde Abraham ende Sara, oudt ende wel [kolom] bedaecht? so dattet Sara niet meer en ginc naerder vrouwen aert,

12

Daerom loech si bi haer seluen, ende seyde, Nv ic out ben, soude ic noch met welluste omgaen, ende mijn heere is oock out.

13

Ende doen sprac die HEERE tot Abraham Waeromme lacht Sara, ende seyt Meyndy dat waer is, dat ic noch baren sal, ende ic toch out ben?

14

soude dan den HEERE eenich dinc te swaer zijn? ^* naer den seluen tijt, dien wi nv tsamen gesproken hebben, gunt ons God tleuen sal ic weder tot v comen) so sal Sara eenen sone hebben.

* th. tzijnder tijt, sal ick weder comen tot v, nader tijt dat de vruchte geleuen kan

15

Doen loochendet Sara, ende seyde, Ic en heb niet gelachen, want si was wt vreesen veruaert, Maer ^* die HEERE) seide, Ten is so niet, ghi hebt gelachen.

* thebree. hi.

16

Doen stonden die mannen op van daer, ende keerden haer oogen tegen Sodoma, ⁺ ende Abraham ghinc met hen op dat hise geleyde.

+ C

17

Doen seyde die HEERE, Hoe can ic voor Abraham verborgen, dat ick doen sal?

18

Aengesien dat hi een groot machtich volc worden sal, ende alle tvolc der aerden sal door hem gebenedijt worden,

19

Want ic wete, dat hi sal beuelen sinen kinderen, ende sinen huyse na hem, dat si des HEEREN weghen houden, ende doen wat recht ende rechtueerdelijc is, Op dat de HEERE ^* om) Abraham late comen alle datghene, wat hi hem belouet heeft.

* thebree. op

20

Ende die HEERE sprac, Daer is een groot geroep te Sodoma ende Gomorra, ende dat is groot ende vermenicfuldicht, ende die sonde die is zeer swaer, gemaect,

21

Daerom sal ic af varen ende sien, oft si den roep metten wercke volbracht hebben, die voor mi gecomen is, oft, dat also niet en is, op dat ict weten mach.

22

Ende ^* si keerden hen van daer) ende gingen tot Sodoma, Maer Abraham bleef staende voor den HEERE,

* h. die mannen keerden haer aensicht

23

ende ghinck tot hem, ende seyde.

Wildy dan, den rechtueerdighen met den ongoddelijcken te niet doen?

24

Ende zijn daer tvijftich rechtueerdige, in dier stadt, soude ghi oock, die te niet doen, ende dier plaetse niet sparen, om der tvijftich rechiueerdige wille zijn die daer in?

25

Dat si verre van v, dat ghi dat doen sout, ende dooden den rechtueerdigen met den ongoddeliken, dat die rechtueerdige si gelijc als die ongoddelike Dat si verre van v, ghi die alder werelt rechter zijt, ghi en sult sulc recht niet doen.

26

Die HEERE sprac tot hem, Vinde ic tvijftich rechtueerdighe te Sodoma inder stadt, soo sal ict om haerder wille, alle dier plaetsen vergheuen.

27

⁺Ende Abraham antwoorde ende seyde, want ic eens heb begonst te spreken tot minen HEEre, hoe wel ic stof ende asschen ben,

+ D

28

Het mochte vijf min dan vijftich rechtueerdighe daer

[p. a8r]

in zijn, soudi dan al de stadt verderuen, om die xlv. wille? Hi sprac, vinde icker in .xlv. soo en sal icse niet verderuen,

29

Ende hi sprac voort tot hem, segghende, Ofter veertich daer geuonden worden, wat suldy doen? Maer hi seyde, Ick en sal niet slaen, om der veertich wille,

30

Hi sprack, En weest niet gram, mijn HEere, ist dat ic spreke, Men mochter xxx. in vinden. Ende hi antwoorde, Vinde icker dertich daer in, so en sal ick niet doen.

31

Ende hi seyde, Ick bid v, want ick eens heb begonst te spreken tot minen HEEre, Men mochter misschien twintich daer in vinden, Hi antwoorde, Ick en sal niet dooden, om der twintich wille.

32

Ende hi sprack, Ick bid v, En weest niet gram, mijn HEEre, dat ick noch eens spreke, Men mochter misschien thien vinden? Maer hi seyde, Ick en salse niet verderuen om der thien wille.

33

Ende die HEERE ghinck wech, doen hi tot Abraham wtgesproken hadde, Ende ^* hi) keerde weder tsinent waert.

* th. Abraham

§ Hoe God strafte Sodoma ende Gomorra, om haerder onnoemelijcker oncuyscheyts wille, ende Loth ghewaerschout wert, ende hoe hi doen met sinen dochteren te doen hadde inden weghe.