Verhael met den almanach van het Luylecker-landt

[p. 3]

Verhaal met den almanach van het Luylecker-Landt, daermen den kost crijcht sonder wercken

t'Antwerpen, by Jacob Mesens, inden gulden Bijbel.

[p. 4]

Laet ons al te saemen vrolijck zijn,
En drincken den coelen Renschen wijn,
En dan mede gaen naer Luyleckerlandt,
Om daer te hebben van alles abondant.

Br. Luyaert, patroon van 't Luy-Leckerlandt.

[p. 5]

ICk ben een jonck luy boeve,
die zijn broodt noy wint,
Dats midts dien dat ick ben besmet met luyatica,
een vreesselijck torment,

[p. 6]

 

Daer ick van wercken niet en hebbe een let,

 

Al ben ick luy, ick ben nochtans sterck en vet:

 

Want ick mach wel eten en drincken//

 

Ende daerom ben ick liever in't cabaret//

 

Oft elders daermen den vollen pot siet schencken,

 

Dan op mijn werck wilt hier op dencken,

 

Want ick werck seker soo noy dus roep ick om dy,

 

O groot Heer Luyaert staet my by.

 

O Luyaert ick en dooghe doch niet een gale,

 

Ick roepe tot u, wilt my ontfermen,

 

Ick slachte den knape van den rijckendale,

 

Al is hy luy, hy eet gheerne vette dermen,

 

Ick hebbe soo seer de cramp in mijn armen,

 

Ick en canse tot gheenen wercken wt ghestreecken,

 

Ende mijn beenen eylacen ochermen,

 

En willen d'werck oock

[p. 7]

 

niet gheneken,

 

Dus al en werck ick maer eens ter weken,

 

Ghy weet waer het my hout inghesteken:

 

O Patroon ick claeghe u alle mijn ghebreecken,

 

Boven alle dinghen prijse ick den vollen beker,

 

Ende en zijt doch desen armen luyaert gheenen vreker,

 

Als ick om wercken dencke, mijnen moet verflout

 

Want als ick daer aen come t'is my een quelte,

 

Wat tijdt dat is, t'is my te heet oft te cout,

 

Ick sweet dat ick het werck sien ja dat ick smelte

 

Ick drincke veel liever, het licht hem wel de kelte

 

D'welck alle comt van luyatica, na mijn beroem,

 

Nochtans eet ick voor noen wel een ghelte,

 

Ende oock een schenck van eene Capoen,

 

Dus en an ick y tot wercken niet ghespoen,

 

Dat doet luyatica, maeckt my dat vry,

 

O groot heer Luyaertstaet my by.

[p. 8]

 

Prince.

 

Luy, lecker en onghestadich is al mijn leven,

 

Wat sal icker toe doen ick hebt van natueren,

 

Believet Br. Luyaert hy cant my vergheven.

 

Oft dat hy my ghenese, hy en dede noyt beter cure,

 

Ghy weet wel dat ick ben soo goeden drincken-brure,

 

Tot alle Kermissen ben ick gheerne eenen,

 

Soude ick niet, ick doent om dat't bier niet soude sueren,

 

T'is beter een oudt dronckaert dan gheenen,

 

Wie en soude alsulcke Leckerlandt verlaten,

 

Het is over al eten en drincken gaer,

 

Ten soude my niet verdrieten als waer ick daer honderdt Jaer,

 

Hier is den cost al ghereedt,

 

Ginder comt den wijn wt fonteynen ghespronghen

 

ghelijck hier naer in de Figure sal worden bevonden.