Veelderhande gheestelicke liedekens

C Na de wijse. Nieupoort hout v vast.

PAulus dat wtuercoren vat
Hy sach in sweerelts heyr
Wel op ghy borgers van Syon der stadt
Stelt v vromelick ter weyr
Hier en gaet ons gheen slapen aen
Ick sie die valsche weerelt
Met alle onse vianden staen.

Paulus.

Wel op alle Gods ruyters knechten
Siet dat ghy v vromelick weert
De weerelt coemt ons beuechten
Grijpt Gods woort dat tweesnijdende sweert
Om v vianden me te slaen
Wie totten eynde vroom sal blijuen
Die sal goeden loon ontfaen.

Weerelt.

[p. 356]

 

Paulus met alle Gods knechten fijn

 

Waer in sidy dus wel ghemoet

 

Wilt onder my Weerelt gheuanghen zijn

 

En leuen na vleesch en bloet

 

Ick sal v gheuen der wellusten spel

 

Met grooter schatten en rijcdommen

 

Sal ick v dienen seer wel

 

 

 

Syon.

 

Hoe souden wy ons gheuanghen gheuen

 

Wy en zijn noch niet veruaert

 

Wy verbeyden een ander leuen

 

Beloeft door Christum vermaert

 

Hy gheeft ons zijn knechten goeden moet

 

En daer toe noch gheschoncken

 

Sijn costelicke dierbare bloet.

 

 

 

Weerelt.

 

Syon laet af v vermeten

 

Of ick sal v bestormen seer fel

 

Ghy wert van my verbeten

 

Door persequeren en veruolghen snel

 

En dat nv met menich valsch engien

 

Sal ick v gaen beschieten

 

Ghy en sult my niet connen ontulien

 

 

 

Syon.

 

Weerelt laet af v rasen

 

Met al v quaet nijdich ghespuys

 

Wy kennen seer wel v blasen

 

Met al v valsch abuys

 

Te vergheefs toocht ghy aen ons v cracht

 

Christus ons alder Heere

 

Heeft benomen v macht.

 

 

 

Weerelt.

 

Syon ghy hoopken cleene

 

U vianden zijn een groot ghetal

 

Ick en bestorme v niet alleene

 

U vianden zijn oock binnen v ouer al

 

Ghy en contse al ghekennen niet

[p. 357]

 

Maer comet so ick meene

 

Ick sal v bringhen int verdriet.

 

 

 

Syon.

 

Christus ons alder capiteyn

 

Och wilt v stede Syon bystaen

 

En bewaertse int ghelooue reyn

 

Door v Goddelick woorts vermaen

 

Want tis om uwer eeren strijt

 

Dat wy hier dus zijn benijt.

 

 

 

Christus.

 

Hoort mijn poorters van S y

 

Die int ghelooue zijt gheplant

 

Wilt v haestelick ten strijde spoen

 

En blijft in mijns woorts verstant

 

Totten tijt van den hemelschen vader beset

 

Dan sal ick in mijn heerlicheyt comen

 

Ende v lieden dan doen ontset.