Veelderhande gheestelicke liedekens

C Na de wijse. Den Mey staet nv schoon in figure, die elck

O Ghenadich God wilt ons verstercken
Int gelooue dat van v coemt
Ende uwen gheest laet in ons wercken
Want een gelooue sonder werc is verdoemt
Door v alleen can ick versmaen
Des weerelts raen, zijn ons bekent
Dat Goddelick woort is tfondament.

Wy hebben gheweest so langhe in dwalen
Uerdoelt al vanden rechten wech
Maer Gods sone is comen halen
Dat verloren schaep wt groot belech
Uan hem ghereynicht dat is waer
En claer beschreuen seer excellent
Dat Goddelick woort ist fondament.

O goedertieren God wilt doch aenmercken
Die allendicheyt groot daer wy in staen
Wy staen al wel op onse wercken
Maer ghy hebt selue voor ons voldaen
O God toont ons nv v ghenade groot

[p. 315]

 

In deser noot zijn wy gheschent

 

Maer v Goddelick woort is tfondament.

 

 

 

Princelick God wilt ons ontfermen

 

En wilt aenmercken ons crancheyt swaer

 

Aenhoort ons roepen ende allendich kermen

 

Want sonder v blijuen wy in vaer

 

Tis doch also dits openbaer

 

Ende oock voorwaer ons testament

 

Want v woort is o Heer het fondament.