Veelderhande gheestelicke liedekens

C Een ander.

HOort toe alle Christen broeders fijn
Uaet mijn vermonden
Uerblijt v en wilt niet meer truerich zijn
De doot die is verslonden
Want Christus door zijn lijden groot
Heeft ons gheholpen wter noot
Wan des duyuels verseeren
Wt zijnder ghenaden heeft hy ons beurijt
Dus loeft ende danct altijt
Den Heere der Heeren.

[p. 201]

 

Rijst wt den slaep den nacht is voorby

 

Die daer rust in sonden

 

Keert v tot God so wert ghy vrij

 

Uan uwen last ontbonden

 

Legt af dijn boose wercken quaet

 

En volcht voort na der schriftueren raet

 

Wilt God altijt prijsen

 

Om dat hy v dien tijt heeft ghespaert

 

Doen ghy noch leuende waert

 

Na de Heydenscher wijsen.

 

 

 

Uliedt die vleeschelicke lusten nv

 

Die teghen den Gheest vechten

 

Hebt van alle boosheyt eenen grou

 

Wilt wesen Christus knechten

 

Want diet om hem niet al en verlaet

 

Huys, acker alst gheschreuen staet

 

Ia zijn eyghen leuen.

 

Die en is niet weert dat hy soude sien

 

So groote vruecht by dien

 

Die ons God wil gheuen.

 

 

 

Die nv wil beeruen Gods rijcke soet

 

Hy moet hier al verlaten

 

En sweerelts lusten onder de voet

 

Treden die niet en baten

 

Want alle datmen ter weerelt siet

 

Is lust der ooghen en anders niet

 

Ende hooghen moet der goede

 

Dese sullen alle ghelijck hoy vergaen

 

Dus wiltse al versmaen

 

En doet als die vroede.

 

 

 

En soeckt gheen hulpe noch salicheyt

 

Dan alleen aen Christum ghepresen

 

Hy is den wech die totten Uader leyt

 

Door hem zijn wy alle ghenesen

 

Want hy heeft gheheel des vyants macht

 

Met zijn lijden tonder ghebracht

 

Nu hebben wy vrede

[p. 202]

 

Door Christum die is ons Aduocaet

 

En voor den Uader staet

 

In shemels stede.

 

 

 

Prince God Heer en koninck fier

 

Wilt v ledekens nv stercken

 

In uwer waerheyt o hoochste Princier

 

Uwen gheest laet nv wercken

 

In ons herte opperste regent

 

En maeckt ons uwen gheest bekent

 

To sullen wy recht louen

 

U die daer voedt al dat daer leeft

 

Dus elck lof ende eere gheeft

 

Den Heere hier bouen.