Veelderhande gheestelicke liedekens
(1558)–Anoniem Veelderhande gheestelicke liedekens–
AuteursrechtvrijC Na de wijse: Met trommelen en banieren.
HOort ghy Christen ghemeene
Wat ons salichmaker seyt
Compt tot my alle groot en cleene
Die moede zijt door grooten arbeyt
Met groote packen naer tschrifs vesmonden
Wilt zijn woort nv verstaen
Doet duecht en laet v sonden
God sal v in ghenaden ontfaen
Ga naar margenoot+ Och menschen en wilt niet sorghen
Waer me dat ghy sult zijn veruult
Noch voor den dach van morghen
Wat dat ghy eten oft drincken sult
Maer souckt alder eerst Gods rijcke
En zijn gherechticheyt
Dese sullen v sekerlijcke
Alle werden toe gheleyt.
Dauid spreeckt soot staet gheschreuen
Ga naar margenoot+ Ick ben ionck gheweest hoort mijn bedien
En oudt gheworden in dleuen
Maer ick en hebbe noyt ghesien
Dat God den gherechtighen heeft verlaten
Noch oock haer saet voorwaer
Seyn broot bidden achter straten
Dat seyt die Schriftuere claer
Wilt v onder Christum verneren
Al v sorghe werpt op Godt
Want hy sorght voor ons sonder sesseren
Dus en vreest niet al sydy int slot
Ga naar margenoot+ Oft in yseren banden ghesteken.
Al om die waerheyt bloot
God sal selue door v spreken
Als ghy sult staen al inden noot.
Christus seyt dus moechdy kiesen.
| |
[pagina 167]
| |
Wat ghy doen of laten wilt
Die tleuen hier verliesen
Om mijnen heylighen name milt
Die sal deewich leuen vinden
Maer die dleuen hier wilt behouwen
Die salt verliesen ick moet ontbinden
Dit seyt Christus tot mans ende vrouwen
Hoe mach ons schoonder beloefte zijn
Ghedaen O menschen cranck
Dan dat eewich leuen fijn
Weet daer af Christus danck
Als ghy om zijns naems wille moet lijden
Dan sydy van Christus leen
Wilt v daer in verblijden
Als Petrus en Ioannis deen. Ga naar margenoot+
Prince God zijt ons ghenadich
Hier in dit eertsche dal
Weest ons altijts beradich
Bewaert ons voor den eewighen val
Wilt ons int ghelooue stercken
Door den heylighen Gheest excelent
So sullen wy voor Leecken en Clercken
U woort maken bekent.
|
|