Veelderhande gheestelicke liedekens(1558)–Anoniem Veelderhande gheestelicke liedekens– Auteursrechtvrij Vorige Volgende C Na de wijse. Adieu schoon Ianneken. EEn liet van minnen, wil ick beghinnen Daer in Canticorum af geschreuen staet Uerhuecht van binnen, zijn al mijn sinnen Door uwen troost mijn toeuerlaet Waer ick by v mijn aduocaet So waer ick verhuecht in v aenschijn O lief verheuen ghy hebt ons ghegheuen Dat wy v broederkens souden zijn. [pagina 104] [p. 104] Noch tijt noch vre, noch soet noch sure Noch sweert, noch sack, nochte brant Gheen creatuere, noch fel figuere So cloeck, so wijs, noch so vaeliant Enghel noch mensche, santinne noch sant En mach my helpen in mijn ghepijn O lief verheuen, ghy hebt ons ghegheuen Dat wy v broederkens souden zijn. Mijn eyghen wercken, my niet en stercken Om te ghenieten mijns hertsen grief Als ick wil mercken, op hooghe clercken So werde ick beureest ghelijck een dief Maer suyghet ghy die borsten mijnder moeder lief So verandert galle in soeten wijn O lief verheuen, ghy hebt ons ghegheuen Dat wy v broederkens souden zijn. Mocht ick v spreken, vry onbesweken Buyten alleene, ick waer ghepaeyt Die droeue treken, soude ick vergheten Tgheclanck ws woorts mijnen geest verfraeyt Uan nyemant en soude ick zijn versmaeyt Waer ick by v die liefste mijn O lief verheuen, ghy hebt ons ghegheuen Dat wy v broederkens souden zijn. Mijn lief ghemeene, ialoers en reene Ghy soect altijt ofter yemant waer belast Hy sorcht alleene, voor groot en cleene Ghelijck eenen schipper voor zijnen mast Droeuighe liefde staet altijts vast Sy en aensiet dreck noch gheen fenijn O lief verheuen, ghy hebt ons ghegheuen Dat wy v broederkens souden zijn. Mijn lief vol vreden, eerbaer van seden Uerdrijft van my druck anxt en gru Die persse beneden, hebt ghy ghetreden En vanden volcke en was gheen man met v [pagina 105] [p. 105] Den truerighen gheest verhuecht hem nv Dat ghecroocte riet maect ghy nv fijn O lief verheuen, ghy hebt ons ghegheuen Dat wy v broederkens souden zijn. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij