Veelderhande gheestelicke liedekens
(1558)–Anoniem Veelderhande gheestelicke liedekens–
Auteursrechtvrij
[pagina 13]
| |
O Heere maectse doch beschaemt.
Want ghy door v ghenade
U Ghemeynte hier hebt gheplant
Beschermtse vroech ende spade
Wy betrouwen op v, o God valliant
Dat ghy niet en sult ghehinghen
Al lijdt v cleyn hoopken verdriet Ga naar margenoot+
Dat zijt te nieute sullen bringhen
Want ghy haren raet aensiet.
Wy bekennen o God verheuen
Dat onse sonden die schulden zijn
Dat wy dus worden verdreuen
O Heere wilt v aenschijn
Uan onse sonden keeren Ga naar margenoot+
U ghenade ons aenschout
Uwen lof sullen wy vermeeren
Hoe seere wy worden benout.
Sterct ons met uwen gheeste
Op dat wy tot alder tijt
Teghen die Babylonsche beeste Ga naar margenoot+
Uromelick gaen al inden strijt Ga naar margenoot+
U cracht laet in ons blijcken
Wy die v handtwerck zijn
En laet ons gheensins wijcken
Uan v edele woort diuijn.
U werck in ons begonnen Ga naar margenoot+
Wilt o Heere volbringhen wel
Dat Antechrist mach zijn verwonnen
Die v hoopken aen doet ghequel
Wy zijn bereyt o Heere
Uwen name te belijdene hier
Al ist dat sy ons ledekens teere
Uerdrucken door sweert ende vier.
Al heetmen ons te wesen Ga naar margenoot+
Oproerders muytmakirs quaet
Om den name dijns soons ghepresen
Uerdraghen wijt vroech ende laet
| |
[pagina 14]
| |
Den knecht tot gheenen stonden
Beter dan synen meester en mach zijn
O Heere vergheeft haer hare sonden
Ons veruolghers tot elcken termijn.
Noch zijnder die teghen ons spreken
Segghende met woorden opstinaet
Ga naar margenoot+ Dat wy die ouerheyt versteken
Doende teghen des Keysers mandaet
Den Keyser willen wy gheuen
So ons Christus doet vermaen
Dat hem toe behoort in dit leuen
Gods ghebot bouen al moet gaen.
Princelick God vol minnen
Onderricht ons alle ghemeyn
Op dat wy moghen verwinnen
Ons vianden door uwe woorden reyn
Wy bidden v alle ghelijcke
U woort in ons herte prent
So en sal ons sweerelts practijcke
Niet letten, noch haer torment.
|
|