Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij208. Na de wijse. Ontwaect nv Israel doet op v ooren.WAeckt op ghi Cristenen ghi cleyne schaere
Waect op het is nv den rechten tijt
Die schrift spreect clare//hier van tis waere
Is Christus selue ghebenedijt
Datmen v sal dooden sonder respijt
Diet
woort beleuen vroech ende spay
Ga naar margenoot+
Ghy schaerken vry//troost v weest bly
Want v verlossinghe die es seer na
Ghy cleyn vergaderinge wilt toch niet vreesen
In dees
perikels tijden quaet
Ga naar margenoot+
Al isset cruys in desen//hooch opgheresen
Met bloet verghieten sonder endt oft maet
Tcruys is ront om v oueral wat baet
In landen in steden waer ghy v went
Al teghen dit lijen//wilt vromelijck strijen
Die croone is v bereyt in shemels tent.
Gods kinderen
sietmen bernen en blaken
Ga naar margenoot+
| |
[Folio Aa7r]
| |
Als lammerkens worden si ter doot gheleyt
Aen palen aen staken//sietmense ghenaken
Een
spijse der beesten soo Dauid seyt
Ga naar margenoot+
Maer ghy cleyn hoopken v handen wtspreyt
Inden hemel te roepen met helder gheluyt
Want inden nieren//sal Christus stieren
Synen gheest tot v als zijn ghetrouwe bruyt.
Antiochus
wreetheyt en machmen gelijcken
Ga naar margenoot+
By dees twee
beesten seer wreet en fel
Tghenaden rycke//o Heere doet blijcken
Die van dees beesten zijn in dit ghequel
Ghy schaepkens soet lijdt v in dit ghestel
Roept Christum aen v medecijn
Hy compt v te bate//vroech ende late
Om v te verlossen wt deser pijn.
Hoort ghy potentaen//ghy hooghe Prelaet
Die Christum Iesum veruolcht te gaer
Al om v hooghe staten//stoot ghy wt haten
Al teghen den
prickel tvalt v te swaer
Ga naar margenoot+
Als
ghy veruolcht dees cleyne schaer
Ga naar margenoot+
Datse vlien in holen ouer al
O Heer der Heeren//wiltse bekeeren
Die daer onwetende zijn in haeren val.
Al is die Heere nv soe lanckmoedich
Dat hy zijn schaepkens soo verstroyen laet
En es soo goedich//teghen v ghy bloedich
Chayms ghebroet ghy boos serpenten saet
Als hy sal comen in sine maiestaet
Sult ghy bekennen dees boosheyt wel
Dus laet v raden//ghy Cayms saden
Tot rechte boete zijn compst sal wesen snel.
O ghy hoopken moecht oock wel claghen
Ouer desen tijt vol lydens groot
Hoe moecht ghijt verdraghen//die [loose lagen]
Der valscher [gheesten tis meer dan noot]
Die onder v opstaen ick segt v bloot
En verleyden die sielen menichfout
| |
[Folio Aa7v]
| |
Wacht v ghy schaepkens//voor dese knaepkens
Uan haer verghift eer dat v berout.
Al in schaeps
cleederen comen si loopen
Ga naar margenoot+
Onder v schaepkens o Heer siet neer
Die gaen si stroopen//met grooten hoopen
Uan v vergaderinghe seer cleyn en teer
Die secten zijn veel met kettersche leer
Daer dees gheesten hem verweeren me
Hout goede wachte//si slaen onsachte
Al in tcleyn schaerken si doent soo weer
Prince ghy schaerken moet altijt lyden
En vander weerelt wesen seer veracht
Hoe sietmen v bestryden//aen alle siden
Al van die vorsten des weerelt macht
En van dees gheesten ooc, dus weest bedacht
Te hebben den Heere int firmament
Sinen gheest sal hy v gheuen//al in dit leuen
En v verlossen wt dit regiment.
|
|