Veelderhande schriftuerlijcke liedekens


205. Na die wijse. Hoort toe broeders altesamen. UErhuecht cleyn hoopken alle ghelijcke Dat hier van Godt vercoren//is Svaders beloefte is autentijcke Ons nv een kint gheboren//is Gheblust des Uaders thoren//is Dwelck seer soet om hooren//is. Uoor onse smerten hy heeft gheleden Als een salich onnoosel Lam Uyant, helle doot voor ons bestreden Onsen misdaden hy op hem nam Dit is tsaet der vrouwen lofsam Dat voor ons ter weerelt quam.
[Folio Aa4v]
Dat tserpent heeft hy vertorden Dat ons hadde gherocht verdriet Onsen broedere is hy hier gheworden En heeft ons al verlost om niet Wt ghenade is gheschiet Al na des schrifs bediet. Iacops belofte is nv volcomen Ons is eenen sone ghepresemeert De wet die ons bracht in verdoemen Is voor den gheloouighen ghecasseert Dus cleyn hoopken triumpheert Dat met Christo [vuyert]. Wt Iacop is een sterre gheresen Soo Balaam dat wel hadde voorseyt Die ghewont was, quam hy hier ghenesen Al duer zijn groote barmherticheyt En heeftse al trycke bereyt Die de waerheyt hier verbreyt. Ghy herderkens wilt nv ontwaken Gheeft nv ghehoor des Enghels woort Wilt v na Betlehem ras maken Uwen verlosser die Sathan verstoort Is nv gheboren rechte voort Loopt al met een accoort. God de Heere, en Prince verheuen Is gheworden een kint voorwaer Om ons alle te bringhen int leuen Uersoenden hy Adams misdaet seer swaer Dus verblijt alle verre, en naer Al in dit salich nieuwe Iaer.