Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio Z3r]
| |
Oft die cudde violeert
En straffelijck ouer haer domineert
Om eyghen baets ghewinne
Maer als goede herders valiant
Breect niet duert dack oft duer de want
Gaet duer die duer recht inne.
Weyt v schaepkens sonder bedwanck
Naer Christus exempel rechtuoort
Gheeft haer gheenen bitteren dranck
Uercondicht haer het Godlijck woort
Heft op die in sonden leet versmoort
Niet als den huerlinck Suyt oft Noort
Om eyghen baets ghewinne
Maer als goede herders valiant
Breeckt niet duert dack oft duer de want
Gaet duer die duer recht inne
Houdt v schaepkens wel ghesticht
Eendrachtighen vrede met haer verpacht
Op dat si alle worden verlicht
Inden gheest duer Godt ghewracht
Uan tvertreden gras v cudde wacht
Om eyghen baets ghewinne
Maer als goede herders valiant
Breeckt niet duer dack oft duer de want
Gaet duer die duer recht inne.
Die rechte duer al sonder verlaet
Is Christus ons herder goet
Door hem men totten Uader gaet
Hy is alleen die open doet
Aldus niemant en si onuroet
Om eyghen baets ghewinne
Maer als goede herders valiant
Breeckt niet duert dack oft duer de want
Gaet duer die duer recht inne.
Prince neempt in danck ons slecht voortstel
Wt Rechter Liefden ist ghedaen
Als goede schaepkens zijn niet rebel
| |
[Folio Z3v]
| |
Een herder die na Gods vermaen
U leyden op die rechte baen
En wilt gheen vremde weghen in gaen
Om eyghen baets ghewinne
Maer als goede herders valiant
Breeckt niet duert dack oft duer de want
Gaet duer die duer recht inne.
|
|