Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij
[Folio Y6r]
| |
189. Een anderONtwaeckt ghy edel gheesten
Al die Gods woort bemint
En die daer ligghen en slapen
Al in haer sonden quaet
Want ons is ghegheuen
Schriftuer ons dit ontbint
Een kint is ons ghecomen
Al duer des Uaders raet
Die Propheten doen vermaen
Dat hy is wt ghegaen
Duer zijn eyghen cracht
Een maecht heeft hem ontfaen
Duer den ghelooue saen
Heeft si hem ter weerelt bracht
Uerblijt v nv ghy herderkens
Seer simpel int ghemeyn
Uan die mueghentheyt des Heeren
Die ons wort gheopenbaert
Want ons is gheboren
Christus dat edel greyn
In Bedeleem der stede
Maeckt v alle derwaerts
Dies si met vrolijch een
Sijn al daer naer ghetreen
Met haesten groot
Sy saghen hem teer van leen
Ghewonden naer doude seen
Als op zijns Moeders schoot.
Symeons beloefte
Die is nv al gheschiet
Tserpents hoot is
vertreden
Ga naar margenoot+
Met al zijn voortstel
Daerom ghy cleyn vergaderinghe
En verschrickt v niet
Want hy is v gheschoncken
| |
[Folio Y6v]
| |
Den God van Israel
Weest nv seer wel ghemoet
Hy heeft ghestort zijn bloet
Hier wel op let
Al duer zijn liefde soet
Die tonswaerts is soo goet
Heeft hy al onse sonden verplet.
Loff opperste Prinche
Des sondaers medecyn
Ghy die daer waert ghegeesselt
En aende cruyce gheraempt
En hebt v daer toe vernedert
Als een cleyn kyndekyn
Anders hadden ons die sonden
In sduyuels slot ghepraemt
Heer die daer bouen zijt
Eeuwich ghebenedijt
Tsondaers middelaer
Iont ons sonder respijt
Nv en tot alder tijt
Een salich nieuwe Iaer.
|
|