Veelderhande schriftuerlijcke liedekens

156. Na die wijse. Een Ridder en een Meysken ionck. ⁺⁺

NU willen wy singen een vrolijck liet ⁺
Godt bidden om zijn ghenade ⁺
En volghen dat hy ons ghebiet ⁺

+ Col.iij.

+ Psal.li.

+ Eph.ij.

+ Io.x.xiij.

+ Mat.vij.

[fol. T2r]

 

Soo comet ons te stade. ⁺

 

 

 

Hebt lief, hebt lief, v Heer v Godt ⁺

 

Hebt hem lief wt al v crachten ⁺

 

U naesten ooc tis zijn ghebot ⁺

 

Wilt als v seluen achten. ⁺

 

 

 

Alsulcken hert, alsulcken gheest ⁺

 

Die wil ons Godt verleenen ⁺

 

Dat wy in liefden aldermeest ⁺

 

Met malcanderen hier vereenen. ⁺

 

 

 

Als elck nv in zijn hert wil gaen ⁺

 

Daer vindt hijt claer beschreuen ⁺

 

Soo hy begheert hem si ghedaen ⁺

 

Dat hy oock soo moet leuen. ⁺

 

 

 

Hielden wy dees leer in onsen sin ⁺

 

Het sou ons allen baten ⁺

 

Aen siel aen goet, twaer ons ghewin

 

Dat wy niemant en haten, ⁺

 

 

 

Willen wy dan nv in vreden zijn

 

Soo laet ons liefde hanteren ⁺

 

Liefde is een rechte medecijn

 

Uan allen twist te keeren. ⁺

 

 

 

Gheen dinck is Godt soo aenghenaem ⁺

 

Dan dat wy liefde draghen ⁺

 

Gheen dinck en maeckt ons soo bequaem

 

Daer wy hem me behaghen.

 

 

 

Laet ons dan bidden al ghelijck

 

Dat Godt ons liefde wil schencken

 

En ons wil gonnen zijn eewich rijck

 

Soo en mach ons niemant crencken. ⁺

+ Ro.viij.

+ Mat.xxij.

+ Du.xx.[10].

+ Leui xix.

+ Ro.xiij.

+ Psal.li.

+ ij.Cor.vi.

+ Galat.v.

+ Esai.iiij.

+ Matt.vi.

+ Luce.xi.

+ Mar.xi.

+ Io.13.17.

+ Galat.v.

+ i.Cor.iij.

+ Psalm.xxxvij.

+ i.Cor.xiij.

+ Gal.v.vi.

+ i.Cor.ij.

+ i.Ioan.iij.iiij.v.

+ Ro.viij.