Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij128. Na de wijse. Dat ick om een schoon vrouwe moet steruen.KEert v van uwen boosen weghen
O ghy menschen opstinaet
Bekeert v alle tot Godt te deghen
Want na desen tijt verstaet
En is gheenen tijt desolaet
Om boet te doene dit aencleeft
Ghelijck de
Enghel//met groot behenghel
Ga naar margenoot+
In Apocalipsis ghesworen heeft.
O ghy menschen quaet van gheeste
Die Gods wille altijts wederstaet
Door den raet al van de beeste
En door valscheyt van zijn dienaers quaet
Die altijts leeren onueruaert
Teghen die gheboden van God den Heere
Met alle haer crachten//en groote machten
Uersmadende altijt Godes eere.
O ghy arch
gheslachte der slanghen
Ga naar margenoot+
Hoe sult ghy
Gods oordeel ontgaen
Ga naar margenoot+
Want v boosheyt en al v ganghen
Sijn totten hemel toe ghecomen saen
| |
[Folio Q1r]
| |
En ghy sult dobbel vergheuinghe ontfaen
Uan al v boosheyt en ouerdaet
Hy sal v betalen//en wel achterhalen
Waer dat ghy vliet, oft henen gaet.
Dobbel
vergheldinghe sal hy v schencken
Ga naar margenoot+
En weder gheuen in uwen schoot
Om dat ghy spreeckt niemant mach my crencken
Ick en sal sien oock gheenen noot
Ick sitte als een Coninghinne groot
En ick en sal gheen weduwe zijn
Daer om sullen v plaghen//en groote slaghen
Op eenen daghe comen sijn.
Die sondaer en derf niet spreken
Dat
hy niet en heeft ghesondicht voorwaer
Ga naar margenoot+
Want men sal
vierighe colen ontsteken
Al op zijn hooft vergaderen dits claer
Die daer sprekende is eenpaer
Ick en hebbe niet ghesondicht quaet
Al teghen den Heere//noch sine leere
Oft teghen zijn woorden delicaet.
O boose weerelt wat sult ghy maken
Als die Heere v besoecken sal fijn
Hoe sult ghy met v sonden ontraken
Uoor Godt ende
die Enghelen fijn
Ga naar margenoot+
Als ghy sult
aenschouwen zijn claer aenschijn
Siet Godt is die rechter ouer al
Wilt hem aencleuen//so suldy met hem leuen
En van die doot hy v verlossen sal.
Wilt v altsamen
tot my bekeeren
Ga naar margenoot+
O ghy menschen wie dat ghy zijt
Soo wil ick my oock tot v keeren
En v gheuen al sonder respijt
Mijn rijcke den eewighen tijt
En v verlossen al metter spoet
Uan die eewige doot//en tormenten groot
En ick wil v gheuen mijn eewich goet.
Noch sal ick v gheuen sonder sneuen
| |
[Folio Q1v]
| |
Te sitten met
my op mijnen stoel groot
Ga naar margenoot+
En ick wil v
oock te eten gheuen
Ga naar margenoot+
Al vanden verborghen hemelschen broot
En
drincken v met claer water minioot
Ga naar margenoot+
Ende v my trouwen inder eewicheyt
Wilt hier op dencken//niemant mach v crencken
Betrout op my soo ick v heb voorseyt.
Predict ende laet oock weten
Al vanden gherechtighen schoon
Dat zijt goet hebben want si sullen eten
De vruchten van haerder handen loon
Maer die wercken der goddelooser coon
Die sal hy verghelden met toornicheyt
Uier en
wormen//sal hi haer geuen met stormen
Ga naar margenoot+
Dat si bernen en
gheuoelent in eewicheyt.
Hoort na mi
spreeckt die Heere ghepresen
Ga naar margenoot+
Ghy die de gherechticheyt begheert met vlijt
En die den Heere soecken te vreesen
Aenschout die steenrootse die voor v strijt
En daer ghy oock wt ghehouwen zijt
Ick ben v trooster weest niet veruaert
Ick sal v verblijden//en voor v strijden
En vreest gheen tormenten vier ofte swaert.
Merckt op my
mijn volck al ghemeyne
Ga naar margenoot+
Ghy die de gherechticheyt kennet wel
O ghy volck die mijn wetten reijne
Al in v herten draghet snel
Uerstaet v met al versmaetmen v fel
Noch van lasteringhe der menschen boos
Want die motten//sullense duerrotten
Maer mijn gherechticheyt die blijft altoos.
Soecket den
Heere soo sult ghy leuen
Ga naar margenoot+
Uerkiest het goet al voor het quaet
Soo sal hy v beschermer wesen
Ende v vasticheyt zijn verstaet
En weest niet bedroeft noch
desperaet
Al valt v dat lijden dicwils swaer
| |
[Folio Q2r]
| |
Wilt u in duechden//altijts veruruechden
Hebt lief de gherechticheyt en volchtse naer.
O Princelijcke Heere der Heeren
U si lof prijs eere en maiesteyt
Die ons gheeft v rechte leeren
Ende uwen gheest al ouer ons breyt
Wy willen v dienen in gherechticheyt
Want ghy zijt alleen onsen lofsanck soet
Ons eewighe Uader//ende bewaerder
Wel hem die v verbeydet met ootmoet.
|
|