Veelderhande schriftuerlijcke liedekens


75. Na die wijse, Een Ridder en een Meysken ionck. HOe wonderlijck zijn de wercken Gods Onbegripelijck zijn zijn weghen Hy leyt ter hellen en weder wt Hy can slaen en ghenesen. Seer onbekent is den vernuft Der godlijcker saken Maer inden Heere set v gherust Hy weet so wel te maken. Aenroupt den Heere in uwen noot In hem wilt v begheuen Hy is alleen die daer slaet doot En weder brenghet dleuen. Int oordeel en zijt niet ghereet Int doemen en wilt niet raken Want dat de Heere ghebroken heeft Dat can hy weder maken. Seer dom soo is des menschen sin
[Folio K1r]
Heel ydel is zijn hantieren Maer laet den Heere v sorghe zijn Hy salt so wel regieren. Betrout den Heere al datter leeft Neempt hope tot eender eruen Want so seer als hy gheslaghen heeft Soo can hy weder saluen. Ghelooft dat daer ghescreuen, is Uertraghet tuwer leere Dat by den mensch onmoghelijck, is Is moghelijck bi den Heere. Het was een vrouken van wesen slecht Die Heere was haer verbeyden Alleen aen hem houdt si haer recht Daer en wiltse oock niet af scheyden.