Veelderhande schriftuerlijcke liedekens(ca. 1552-1554)–Anoniem Veelderhande schriftuerlijcke liedekens– Auteursrechtvrij Vorige Volgende 73. Een ander. GOd die voor ons sorghe draecht Alsoo ons Petrus heeft bescreuen Hy heeft sinen eenighen sone ghewaecht Om ons te brenghen van tsteruen int leuen Wiens doot alleene heeft ons ghenesen Wiens roode bloet heeft ons verlost Wiens verrisenisse alsoo wy lesen Heeft des duyuels macht gheheel tonder brocht. Gheeft ons hier af tghelooue bloot Tghelooue dat is v ghegheuen alleene Wy souden segghen metten Apostelen groot Sterckt ons gelooue Heere het is soo cleene Maer dat ghebet en waer niet reene Het fondament en ysser niet Want Christus die dat is al sonder meene Ons voldoender en ghenoeghet niet Hy heeft nochtans voor ons voldaen Ende hem inde doot door liefde ghegheuen Soo datter niet meer en dient toe ghedaen [Folio I7r] [fol. I7r] Dan dat wy int gheloue sullen leuen Maer bouen dyen soo willen wy neuen Minghen ons eyghen verdiensten groot Waer door wy ons belouen deeuwich leuen Ende maken gheheel Gods gratie bloot. Nochtans als een onweerdich cleet Sijn al ons rechtuaerdicheden Niet weerdich met al ons wercken breet Een huerken taenschouwen dat opperste leuen En als ons lijden hier beneden En ghelijct niet by de glorie Godt Oock in ons lijdende verduldicheden En hebben wy van ons niet maer van Godt. Wat willen wy ons beroemen dan Uan die gaue Gods wiens eere wy roouen Ghemerckt dat niemant de wet en can Uolbringhen door zijn eyghen vermoeghen Ende al waert oock soo ten is gheen loeghen Die gheheele wet en helpt ons niet Al hebben wy ghedaen al dat wy mueghen Noch zijn wy onnutte knechten somen ons bediet. Laet ons nv met Paulus voort ane Int cruyce Christi alleene berommen Want daer en is gheenen anderen name Dan den naem Christi den mensche toecomen Daer wy ter salicheyt door moghen comen Het is alleene ons Aduocaet Hy is den wech wy en hebben gheen rommen Tot den Uader alsoo ons bescreuen staet. Soo moeten wy op tghelooue staen Want door tghelooue compt ons die bate Indien op dat wyt wel verstaen Dat werckende zijn door charitate Niet iuyste na de selue mate Des weerelts diemen ons voor ooghen leyt Want daer den gheest is dit elck wel vate Daer is die vrijheyt soo Paulus seyt. [Folio I7v] [fol. I7v] Prince die ons rechtuaerdich maect Door ons gehlooue in Christus verrijsen Wie te vergheefs heeft die doot ghesmaect Den ghenen die haer rechtuaerdich prijsen Doet ons ghelooue soo beclijuen Door liefde tot onsen naesten een paer Op dat wy v alleen den lof moghen toe schrijuen Niet achtende op ons wercken een enckel haer. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij