Veelderhande schriftuerlijcke liedekens

30. Na die wijse. Het was een proper meysken.

DIe den wille des Heeren ⁺
Weet en niet en doet
Wilt hy hem niet bekeeren
Hem naeckt noch teghenspoet
Ueel slaghen sal hy verweruen
Als hy sal moeten steruen

+ Luce.xij.

[fol. D8r]

 

En eewelijck bederuen

 

Al in dat helsche gloet.

 

 

 

Die hant aen den ploech slaen

 

Ende weder omme sien ⁺

 

Diens rijcke sal vergaen

 

In alsoo corten tien

 

Want si leuen in blame

 

Tot Gods rijck onbequame

 

Sy verliesen haren name

 

Lijden sal haer gheschien.

 

 

 

Hoe dorst ghijt pont aenueerden ⁺

 

Uan Godt waert ghy begaeft

 

Ghy hebbet inder aerden ⁺

 

Met grooter ancxt begraeft

 

Maer als die Heer sal vraghen

 

U van zijn pont ghewaghen

 

Hoe sult ghy hem behaghen

 

Als ghy sult zijn versaecht.

 

 

 

Wie zijn leuen wil vinden ⁺

 

In deser weerelt wreet ⁺

 

Die salt als den ontsinden ⁺

 

Uerliesen twert hem leet

 

Wie om twoort Gods ghepresen ⁺

 

Uerliest sal salich wesen

 

Sijn lyden wert al ghenesen

 

Gods rijck is hem vereet.

 

 

 

Dus laet ons tallen tyden ⁺

 

Waken bidden inden gheest

 

Ende Christus woort belyden ⁺

 

Uoor die menschen onbeureest

 

Soo sullen wy hier namaels leuen

 

Met Christo hooch verheuen

 

Een croone sal hy ons gheuen ⁺

 

In zijn hemels foreest.

+ Luce.[ix].

+ Mat.xiv.

+ Luce.xix.

+ Mat.x.

+ Mar viij

+ Luce.ix.xvij.

+ Ioan.xij.

+ Mat.xxvi.

+ Luce.xij.

+ Apoc.ij.