Veelderhande schriftuerlijcke liedekens
(ca. 1552-1554)–Anoniem Veelderhande schriftuerlijcke liedekens–
Auteursrechtvrij28. Na die wijse. In minen ionghe iuecht quam my te voren.COmpt al tot Christum die zijt beladen
Ga naar margenoot+
Met sonden tsy cleyn oft groot
Neempt gheen wtstel, wilt niet versmaden
Den voys Cristi, noch zijn woorden bloot
Want hy voorwaer//alleen dats claer
Mach sonden swaer
Al wasschen reyn//duer zijn dierbaer bloet
Sijt rasch te voet//met herten goet
Dieuen quaet//en sduuels raet
Al tsamen laet
En wilt aenhooren Gods woort dat edel saet.
Gods woort is crachtich en vol ghenaden
Uoor diet aenhoort en bewaert certeyn
Ga naar margenoot+
Want twoort is God//en om ons beraden
Is vleeschs geworden in sweerelts pleyn
Duer sheylich heylich geests cracht//en niet smenschens macht
Hier wel op acht
In Maria naer schrifs bediet
Doch niet meer vliet//tot afgoden siet
Want hy alleene//int dal van weene
En inden hemel reene
Is God warachtich ende anders oock gheene.
Vermaledijt is tallen stonden
Den mensche, soo Ieremias leert
Die niet en hoort gheloouich vermonden
Gods woort in alder tijt gheeert
Dus al moet ghy lijden//wilt v vervlijden
| |
[Folio D6v]
| |
In sweerelts beurijden
Want salich zijn si vaet Christus raet
Die men hier bindt en in boeyen slaet
Ouer Christus name//die tonser vrame
Heeft gheleden blame
Uan zijn ghebuerschap ick vry dit rame.
Sy zijn seer haestich soo staet bescreuen
Om tbloet te storten openbaer
Iesabel wreet gheen wreeder beseuen
Ga naar margenoot+
Ueruolcht Naboth met liste daer
Die Phariseesen verweerde//en scrifs gheleerde
En sweerelts gheeerde
Sijn die veruolghen Gods leeringhe soet
Om deertsche goet//zijn si verwoet
Uerblent van binnen//berooft van sinnen
Godt wiltse beminnen
Op dat si moeghen zijn rijcke ghewinnen.
Blijft doch ghestadich al doeget v pijne
Die veruolgt zijt duer die waerheyt hier
Roept, straft de sonden tallen termijne
Op dat ghy zijt een dispensier
Uan twoort des Heeren//twelck ghy moet leeren
Ende oock vermeeren
In sweerelts ronde, soo Christus belijt
Op dat elck si ghebenedijt
Uan God den Uadere//die alle gadere
Als gheen versmader
Wilt v salich maken duer der liefden adere.
Bouen den meester is niet gheresen
Den knecht, daer om niet truerich zijt
Hebben si den meester veruolgt ter doot verwesen
Ueruolgt sult ghi zijn breet en wijt
Strijt eenen strijt//en vrolijck lijt
Ende v verblijt
In veruolghinghe, tsal haest vergaen
Uoor loon sult ghy Gods rijcke ontfaen
Daer tallen tijden//staet druck besiden
| |
[Folio D7r]
| |
En ghebenedijden
God die salighe sonder vermijden.
Princelijck woort wilt doch vergheuen
Die veruolghen Gods dienaers nv
Op dat si eewich moghen leuen
Als elck moet comen staen by v
Uoor donbekende//en siende blende
O God sonder ende
Ick hier nv bidde naer v vermaen
Wilt niet versmaden die my houden gheuaen
Soo sal ick onuerscouen//v God daer bouen
Altijt louen
Al moet ick smaken des lijdens proeuen.
|
|