Veelderhande schriftuerlijcke liedekens

18. Na de wijse. Rijck God wie sal ickt claghen.

BRoeders wilt v verblijden
Int leuende woort Godts playsant
En wilt al nu ten tijden
Daer na leuen aen elcken cant
Want hy ons heeft gheboden
Te houden minst ende meest
Te dienen gheen vreemde afgoden ⁺
Maer te leuen naer den schriftueren keest.

+ Exod[i.]

[fol. C5v]

 

Christus ghinck tot sinen iongeren gewagen

 

In zijn auontmael seer plat ⁺

 

Wilt liefde tot malcanderen draghen

 

Ghelijck ick v lief hebbe ghehadt

 

En wilt malcanderen beminnen

 

En gaet in ionsten voort

 

Daer aen salmen v kinnen

 

Dat ghy leeft al nae Gods woort.

 

 

 

Wilt met wercken die liefde betoonen

 

Gheeft aelmoessen groot ende cleijn ⁺

 

Want si sullen v hier naer verschoonen

 

Al voor Gods aenschijn reijn

 

Want Iacob laet ons weten

 

Dat die liefde sonder dwerck en is niet

 

En Paulus in zijn secreten ⁺

 

Prijset dwerck der liefden siet.

 

 

 

Aenmerct Senturio warachtich ⁺

 

En het Cananeetsche vrouken daer by ⁺

 

Den blinden Tobias eendrachtich ⁺

 

En Noe metter arcken vry ⁺

 

En Lot oock niet versweghen ⁺

 

Des Heeren dienaer excellent

 

Sy hebben alle ghenade vercreghen

 

En dat duer haer ghelooue present.

 

 

 

Wilt met Daniel vast betrouwen

 

Op dat ghy niet en wort verdaen ⁺

 

Uan die Leeuwen int tsweerelts aenschouwen

 

Ende wilt op Christus staen

 

Want hy heeft v bewesen

 

Met schriftuere alsoo groot

 

Dat hy aenden cruyce ghepresen ⁺

 

Uoor ons is ghestoruen die doot.

 

 

 

Wilt v tot penitencie geuen

 

Door die bootschap van Ionas goet ⁺

 

Op dat ghy hier raet moecht leuen

 

Met die lieden van Nineuen vroet

 

Want God die is ghenadich

+ Ioh.xv.

+ Iacob.

+ Roma.

+ Luce.vij.

+ Mat.xv.

+ Tobie.

+ Gen.vij.

+ Gene.

+ Daniel

+ Mat.xvij.

+ Iona.

[fol. C6r]

 

In allen zijn wercken bloot

 

Leeft wel ende ghestadich

 

Uermeerdert Gods lof minioot.