Veelderhande schriftuerlijcke liedekens

15. Een ander.

BRoeders alleen bemint den Heere
En volcht hem na sonder respijt
Haet alle boosheyt, volcht Cristus leere
Uerroest niet en stelt gheenen tijt
Al wort ghy vander weerelt benijt
En wilter niet op achten
Want dit soo moeten wy verwachten
Tis los voorseyt na schriftuer bedien
Souden wy metten Heere verblien
Sijn glorie sien
Soo moet ons oock veruolch gheschien.

Salich zijt ghy als die menschen v versmaen ⁺
Ueruolghen spreecken van v alle quaet ⁺
En daer aen lieghen om Christus naem
Uerblijt verhuecht v, niet en verstaet
Want uwen loon wert in den hoochsten graet
Soo hebben si die Propheten
Ueruolcht, dit moet ghy weten
Die voor uwen tijden waren fijn
Soo moeten wy drincken met pijn
Op dit termijn

+ Mat.v.

+ Luc.vi.

[fol. C2v]

 

Den seluen dranck souden wy salich zijn. ⁺

 

 

 

Den vygheboom staet nv en groeyt

 

Dat Euangelium wort nv gepreect ⁺

 

Sijn tacxkens sietmen claer ghebloeyt ⁺

 

En Achab nv Gods woort versteect

 

Iesabel nv haer valscheyt wreect ⁺

 

Op Naboth, sonder ghenade

 

Want hy wort nv verraden ⁺

 

[Pilatus] laet hem hier verleen

 

Al van die felle Phariseen

 

Quaet en onreen

 

O Godt vertroost v hoopken cleen.

 

 

 

Herodes gaet nv in alle steden

 

Met sinen knechten rasende fel ⁺

 

Om te veruolghen Christus leden

 

En Iudas die speelt nv zijn spel ⁺

 

Dat volck kiest Barrabam seer snel

 

Het berout Petrus seere

 

Dat hy verloochent sinen Heere

 

Dus aenmerct nv elck Gods woort playsant

 

Ghy sullet vinden waer, aen elcken cant

 

Bidt om verstant

 

Godt salt v gheuen seer triumphant.

 

 

 

En wilt niet vreesen die dat lichaem doon ⁺

 

Want si aen die s[i]el niet en hebben daer naer ⁺

 

Maer veel meer vreest hem tuycht schriftuer scoon

 

Die siel en [lijf] mach altegaer

 

Werpen in die helle by die boose schaer

 

Dus belijt Christus woorden altesamen

 

In die weerelt, soo en sal hy v niet schamen

 

Uoor sinen vader ghebenedijt

 

Maer wie Christum niet en belijt

 

In sweerelts beurijt

 

Die wert ghebannen wt dat eewich Iolijt.

 

 

 

Princelijcke broeders en weest niet vesiaecht

 

Al gheeft v die werelt eenen sware stoot

 

Want al die God hebben behaecht

+ Matth.xxiiij.

+ Mar.xiij.

+ iij.Con.xxij.

+ iij.Con.xxi.

+ Matth.xxvij.

+ Matth.xxvi.

+ Matth.xxvij.

+ Matt.x.

+ Luc.xij.

[fol. C3r]

 

Die moesten al [lijden] druck en noot

 

En blijuen volstantich tot inder doot ⁺

 

Soe wilt hyse ontfanghen

 

Ende wasschen van haren wanghen

 

Tranen lijden en al swerelts bedwanck ⁺

 

En dan sullen si met blijden sanck

 

Sonder verlanck

 

Singhen, al metten enghelen God danck.

+ Matth.xxiiij.

+ Apoca.vij.j.ii.