Veelderhande schriftuerlijcke liedekens

5. Een ander.

AEnhoort o God van Israhel
Ons deerlijck groot ghequel
U schaepkens loopen rebel
Want si die stemme haers herders niet en hooren
Die valsche cnapen Iesabel//Domicianus fel
Die veruolghen ons seer snel ⁺
O Heer bewaert v wtuercoren ⁺
Wy bidden v Heeren voor al
Helpt ons wt haer gheschal
En maeckt ons van ghetal//van uwer weyen
En laet ons inder eewicheyt
O Heer van v niet scheyden.

Wye sou nv moeghen zijn verblijt
Alhier int eertsche crijt
Aensiende nv den tijt
Hoe deerlijc dat Gods woort nv wort verschouen
Wie nv die waerheyt openbaer belijt
Die wort soo seer benijt
O Heer toch ons beurijt
Uan Babels macht die uwen tempel compt beroeuen ⁺
O Heer wilt altijt voor ons staen
Doet ons doer uwen gheest vermaen
Die voor ons sal ghaen
Om ons den wech te bereyden
En laet ons inder eewicheyt//o Heer van v etc.

Ghedenct toch Heer in onser noot
Plet doch den vyants hoot
Met allen zijn ghenoot
En uwe Godlijcheyt laet Heer op ons dalen
Dat vette schaep wort nv ghedoot
En oock gheschoren bloot
Dat magher blijft inder noot
Want si ons dat salich broot onthalen

+ [Rech.]

+ [Mach.]

+ Apo.

[fol. B1v]

 

Die schriftuer wel verstaet

 

Des menschen leer versmaet

 

Om haer eyghenbaet//ist dat si ons verleyden

 

En laet ons inder eewicheyt//o Heer van v etc.

 

 

 

O Prince Godt omnipotent

 

Ons altijt zijt present

 

Sendt ons ghetrouwe dienaers gent

 

Die ons nv leyden op die rechte bane

 

U godlijck woort toch in ons prent

 

Schuert Babelons conuent ⁺

 

En laet ons ongheschent

 

Want si ons tot ydelheyt vermanen

 

Hebt liefde int ghemeen

 

Ghelooft in Christum alleen

 

Het is den rechten steen

 

Die wy moeten verbeyden

 

En laet ons inder eewicheyt//o Heer van v niet scheyden.

+ Apoc.